1) රතු කොමිසාර්වරුන් සෑම ආයතනයකටම පත් කොට තිබේ , පාළනය සහ සියළු පරිපාලන තීන්දු ගන්නේ ඔවුන් විසිනි.
2) මුදල් උපයන ව්‍යාපාර ජනසතු කරනු ලැබේ. එම ව්‍යාපාර රතු කොමිසාර්වරුන් මගින් පාලනය වෙයි.
3) අන්තර්ජාලය සීමා සහිත කොට තිබේ. අන්තර්ජාල පහසුකම් ලබා දෙන්නේ තෝරාගත් පිරිසකට පමණි.
4) පාරිභෝගික ද්‍රව්‍ය මිලදී ගැනීම සමුපකාර ක්‍රම හරහා පමණි. (මේ නිසා විශාල පෝලිම් ඇත / කළු කඩ ජාවාරම රහසින් සිදුවේ).
5) රතු කොමිසාර්වරුන් විසින් සැප වාහන යනුවෙන් හඳුනා ගන්නා වාහන රජයට වන්දි නොගෙවා පවරා ගනු ලැබේ.
6) පූර්ව අනුමැතියකින් තොරව කිසිවෙකුට විදේශගත වීම තහනම් ය.
7) රජය විවේචනය කරන පුද්ගලයෝ අත් අඩංගුවට ගෙන උතුරු මැද පළාතේ තිබෙන ශ්‍රම කඳවුරු වලට යවනු ලැබේ. මේ ශ්‍රම කඳවුරු පාලනක කරන්නේ හිටපු විශ්ව විද්‍යාල නවක වධකයන් විසිනි.
8) රජයේ අනුමැතිය නොමැති පුවත් පත් මුද්‍රිත මාධ්‍ය පවත්වාගෙන යාම තහනම් ය.
9) කම්කරුවාගේ සිට වෛද්‍යවරයා දක්වා සෑම අයෙකුටම ලැබෙන්නේ සමාන වැටුපකි.
10) පුද්ගලික වෛද්‍ය සේවා / පුද්ගලික නීතීඥ සේවා තහනම් කොට ඇත.
11) සියළු පුද්ගලික ඉඩම් රජයට පවරාගෙන තිබේ. ඉඩම් පාළනය සහ භුක්තිය රතු කොමිසාර් වරුන් ගේ නිර්දේශයෙනි.
12) සියළු පුද්ගලික විශ්ව විද්‍යාල අධ්‍යාපන ආයතන ජනසතු කොට තිබේ. එම ආයතන රජයේ අධ්‍යාපන ආයතන වලට සම්බන්ධ කොට ඇත.
13) රජයේ සේවකයන් සතියේ දින හයක් අනිවාර්‍යෙන් වැඩ කල යුතුය. ඉරිදා දිනයේ පැය 4 අනිවාර්‍ය දේශපාලන පන්ති වලට සහභාගී විය යුතුය.
14) දේශපාලන රැස්වීම සහ පෙළපාලි වලට සහභාගි වීම අනිවාර්‍යෙ වේ. සහභාගි නොවන පුද්ගලයන්ට තම සේවා ස්ථානයේ විනය පරීක්‍ෂණ වලට මුහුණ දීමට සිදුවේ.
15) පොලිසිය සහ හමුදාව පාළනය වන්නේ රතු කොමිසාර්වරු මගිනි.
16) රජයේ කටයුතු කඩාකප්පල් කරන්නන් සහ උද්ඝෝෂකයන් අත් අඩංගුවට ගැනීමට විශේෂ ඔත්තු සේවයක් ස්ථාපිත කොට තිබේ. සියළු පුරවැසියන්ට රජයේ කටයුතු කඩාකප්පල් කරන්නන් සහ උද්ඝෝෂකයන් පිලිබඳව වාර්තා කිරීම අනිවාර්‍ය වෙයි එසේ වාර්තා නොකරන්නන් ද වරදේ සහායකයන් ලෙස අත් අඩංගුවට ගැනීමේ බලතල තිබේ.
17) මරණීය දණ්ඩනය ස්ථාපිත කොට ඇත. රතු කොමිසාර්වරු තිදෙනෙකු විසින් ලඝු නඩු ඇසීමකින් පසු වරදකරුවන් මරණීය දණ්ඩනයට යොමු කෙරේ. බරපතළ වැරදිකරවුන් ප්‍රසිද්ධියේ වෙඩි තබා ඝාතනය කෙරේ. ඔවුන් ගේ මෘත ශරීර භූමිදානය කල යුත්තේ රතු කොමිසාර්වරු දෙන නියෝග වලට අනුකූලවය.
18) කළාව සහ සිනමාව රජයේ කළා මණ්ඩලය හරහා පාළනය වෙයි. රජයේ කළා මණ්ඩලයේ අනුමැතියකින් තොරව නාට්‍ය / චිත්‍රපට පෙන්වීම තහනම් ය.
No comments:
Post a Comment
Appreciate your constructive and meaningful comments