වෛද්‍ය කනිෂ්ක කරුණාරත්න ගේ මුල්‍ය වංචා

 

2008 වසරේදී මහරගම පිළිකා රෝහලේ රෝගීන් සඳහා මනෝ උපදේශන  ලබා දීමේ වැඩ සටහනක් ක්‍රියාත්මක කරන ලෙස එවකට සෞඛ්‍ය අමාත්‍යාංශයේ මානසික සෞඛ්‍ය අධ්‍යක්‍ෂිකා හිරන්තී ද සිල්වා මහත්මිය මගෙන් ඉල්ලීමක් කලාය​. ඒ අනුව  මම මහරගම පිලිකා රෝහලේ හිටපු අධ්‍යක්‍ෂ වෛද්‍ය කනිෂ්ක කරුණාරත්න මහතාව දුරකථනයෙන් අමතා අපගේ යෝජනා ක්‍රමය පිලිබඳව දැණුම් දුන්නෙමි. 

මේ ගැන වැඩිදුරටත් සාකච්ඡා කිරීම සඳහා ඉන් පසුව එලැඹෙන සඳුදා දින උදේ 10 ට ඔහු හමු වීම සඳහා ඔහුගේ කාර්‍යාලයට එන ලෙසට කනිෂ්ක කරුණාරත්න මහතා මට දැණුම් දුන්නේය​. ඒ අනුව මම ඔහුව හමුවීම සඳහා මහරගම පිළිකා රෝහලට ගියෙමි. මගේ පුදුමයට මෙන් ඔහු කාර්‍යාලයේ නොසිටියේය​. විශේෂඥ මනෝ වෛද්‍ය නීල් ප්‍රනාන්දු මහතා ගේ සහායද ලබා ගෙන මහරගම පිළිකා රෝහලේ රෝගීන් සඳහා මනෝ උපදේශන වැඩසටහන් ක්‍රියාත්මක කිරීමට අදහස් කරගෙන සිටි අපව වෛද්‍ය කනිෂ්ක කරුණාරත්න විසින් මඟ හැරීම පුදුමයට උපදවන කරුණක් විය​. ඔහු එන තෙක් අප පැය ගනනක් සිටි මුත් වෛද්‍ය කනිෂ්ක කරුණාරත්න නාවේය​. එසේම ඔහුගේ ජංගම දුරකථනයටද ක්‍රියා විරහිත කොට තිබුනේය​. ඉන් පසුව අප ඔහුව  සම්බන්ධ කර ගැනීම සඳහා කිහිප වතාවක්ම උත්සහ කල නමුදු කනිෂ්ක කරුණාරත්න අපව සිතා මතාම මඟ හැරියේය​. 

කායිකව විඳවන පිළිකා  රෝගීන් සඳහා මානසික සහනය සත් භාවයෙන් ලබා දීමට අප විසින් ගත් උත්සහය වෛද්‍ය කනිෂ්ක කරුණාරත්න කඩාකප්පල් කලේ මන්ද කියා අපට ප්‍රහේලිකාවක් විය​. 

පිළිකා රෝගයට ප්‍රතිකාර කරන වෛද්‍යවරයෙකු ලෙසට ජනප්‍රිය මෙන්ම බෝධිසත්ව චරිතයක් ලෙස බාහිරයට පෙන්වාගෙන සිටි වෛද්‍ය කරුණාරත්න මෙම උපදේශන වැඩසටහන  කඩාකප්පල් කලේ මන්ද කියා පසුව හෙළි විය​. මෙම හෙළි කිරීම කරනු ලැබුවේ මහරගම පිළිකා රෝහලේ තවත් වෛද්‍යවරයෙකු විසිනි. 

මහරගම පිළිකා රෝහලේ රෝගීන් සඳහා මනෝ උපදේශන  ලබා දීමට කියා වෛද්‍ය කනිෂ්ක කරුණාරත්න මහතා හැටන් නැෂනල් බැංකුවෙන් මාසිකව රුපියල් පනස් දහසක් ලබා ගත්තේය​. තවද මනෝ උපදේශන සඳහා සුදුසුකම් නොමැති සමදරා නම් තැනැත්තියක් බඳවාගෙන ඇයට මාසිකව රුපියල්  6000 පමණක් ගෙවන ලදි. ඉතිරි මුදල් ගියේ කාගේ සාක්කුවටද කියා අපට තේරුණි.  මහරගම පිළිකා රෝහලේ රෝගීන් සඳහා මනෝ උපදේශනය සෞඛ්‍ය අමාත්‍යාංශයේ කාර්‍ය මණ්ඩලය කලේ නම් ඔවුන් වැටුප් ලබා ගන්නේ සෞඛ්‍ය අමාත්‍යාංශයෙනි. එසේ වී නම් හැටන් නැෂනල් බැංකුව මාසිකව  රුපියල් පනස් දහස බැගින්  කනිෂ්ක කරුණාරත්නට නොදෙන්නේය​. මේ හේතුව නිසා ඔහු අප පිළිකා රෝහල පැත්ත පළාතටවත් ඒම අපේක්‍ෂා නොකලේය​. 

මෙම සිදුවීමෙන් පසු කාලයක තවත් පුවතක් වාර්තා විය​. එනම්  කනිෂ්ක කරුණාරත්න විසින් මහරගම පිළිකා රෝහලට පරිත්‍යාගශීලීන්ගෙන් ලැබුණු කෝටි ගණනක මුදලක් "ජනාධිපති අරමුදල" ලෙස හඳුන්වමින් සිය පුද්ගලික ගිණුමකට බැර කරවාගෙන කරන ලද වංචාවයි. මෙම වංචාව නිසා ඔහු මේ වන විට වැඩ තහනමට ලක්වී සිටින අතර  ඔහුට එරෙහිව මුල්‍ය අපරාධ කොට්ටාශය පරීක්‍ෂණ පවත්වමින් සිටී. එහෙත් මෙම චෝදනා තම සබඳතා මගින් සාර්ථක ලෙස යට ගසාගෙන වැඩ තහනමද ඉවත් කිරීමේ මෙහෙයුමක් ද මේ වන විට ඔහු විසින් දියත් කොට තිබේ. 

වෛද්‍ය කනිෂ්ක කරුණාරත්න මහතා විසින් කරන ලද  අයථා ක්‍රියා පිලිබඳ විමසීමට  යාමේදී මෙම බෝසත් වෛද්‍යවරයා අපට සී. අයි.ඩී එකේ සිටින පාසල් මිතුරන් මගින් පාඩමක් උගන්වන බවත් තමුසෙලාගේ ළමයින්ට පිළිකා හැදී හැඳි ගෑවී යා යුතු බව  කියා  සාප කලේය​. මේ දුප්පත් පිළිකා රෝගීන්ට ප්‍රතිකාර සඳහා ලැබුනු ආධාර සහ ඖෂධ යටි මඩි ගසා ගත්  සමාජය ඉදිරියේ සිල් රෙදි පොරවා ගත් හොරෙකුගේ තත්‍ය ස්වභාවයයි. 

වෛද්‍ය රුවන් එම් ජයතුංග 

පහත දැක්වෙන්නේ කනිෂ්ක කරුණාරත්න විසින් කරන ලද මුල්‍ය වංචාව පිලිබඳ ලංකා ඊ නිවුස් විසින් පළ කරන ලද වාර්තාවයි. 

මහරගම පිලිකා රෝහලට ලැබුණු කෝටි ගණනක ආධාර මුදල් සිය පුද්ගලික ගිණුමක තැන්පත් කරගත් රාජපක්ෂ ඥාති නීචයා රටින් පැනීමේ සූදානමක්..! පනින්න පෙර අල්ලා ගනු..!!  (ලංකා ඊ නිව්ස් -2016.මාර්.30, පෙ.ව‍.6.15) මැදමූලන රාජපක්ෂලාට ඥාතීත්වයක් ඇති කනිෂ්ක කරුණාරත්න යනු මහරගම පිලිකා රෝහලේ හිටපු අධ්‍යක්ෂ වරයායි. 2015 ජනාධිපතිවරණ ප්‍රචාරක කටයුතු ජනවාරි 5 වෙනිදා රාත්‍රියෙන් අවසන් කළ පසු ජනවාරි 6 දින ජාතික රුපවාහිනියේ වෛද්‍ය හමුව වැඩසටහනකට සහභාගිවෙමින් කිසිදු හිරිකිතයකින් තොරව මහින්ද රාජපක්ෂට චන්දය දෙන්නැයි ආයාචනා කර සිටියේ ඥාතීත්වය හා බැඳුනු සට්ටැඹි භාවය නිසාම ය.  රාජපක්ෂ ඥාතීත්වයද උපයෝගී කර ගත් කණිෂ්ක කරුණාරත්න මහින්ද රාජපක්ෂ ජනාධිපති කාලයේදී මහරගම පිළිකා රෝහලට පරිත්‍යාග ශීලීන්ගෙන් ලැබුණු කෝටි ගණනක මුදලක් "ජනාධිපති අරමුදල" ලෙස හඳුන්වමින් සිය පුද්ගලික ගිණුමකට බැර කරවා ගත්තේය. පිලිකා රෝගීන්ගේ මුදල් ගසා කෑම තරම් පහත් නීච ක්‍රියාවක් කළ හැක්කේ රාජපක්ෂලාගේ ඥාතියෙකුටම පමණි.   නව රජය පත්වූ පසු ඒ සම්බන්ධයෙන් මොහුට විරුද්දව FCID යට පැමිණිලි කිරිමෙන් පසු මේ වනවිට වැඩ තහනමට ලක්වී සිටින අතර ඔහුට එරෙහිව මුල්‍ය අපරාධ කොට්ටාශය පරීක්ෂණ පවත්වමින් සිටී.  කෙසේ වෙතත් මෙම ආණ්ඩුව තුලටද රිංගාගෙන සිටින මරාවාදී ඇමතිවරුන් කිහිපදෙනෙකු මෙම පරීක්ෂණ යටගසා දැමීම සඳහා දැඩි පරිශ්‍රමයක යෙදෙන අතර පරීක්ෂණ මගහැර රටින් පිටවී සිටින ලෙස ඉහලින් ලැබුණු උපදෙසක් මත කනිෂ්ක කරුණාරත්න මේ වන විට රටෙන් පිටවීමේ සුදානමක් පවතින බව ලංකා ඊ නිවුස් අභ්‍යන්තර තොරතුරු සේවය වෙත වාර්තා වේ.  අස්පයා පැන ගියාට පසු ඉස්තාලය වැසීමෙන් පලක් නොවන අතර පිළිකා රෝගීන්ගේ ආධාර මුදල් පවා හොරකම් කළ මෙවැනි නීචයෙක් රටින් පැනීම වළකා හැකි ඉක්මනින් අපරාධ විමර්ශනය කර කොල්ලා කෑ මහජන මුදල් යලි ලබා ගැනීමට ක්‍රියා කළ යුතුය.(Lanka E News)