දීප්ති කුමාර ගුණරත්න මනෝ විශ්ලේෂණය (Psychoanalysis) සිංහල කතා කරන පාඨකයන්ට ලං කලා. ඔහු ලංකාවේ මනෝ වෛද්‍යවරුන්ට මනෝ විශ්ලේෂණය පිලිබඳව තියෙන්නේ මොන්ටිසෝරි දැණුමක් කිව්වා (ඒක 90% විතර හරි, එහෙත් මනෝ වෛද්‍ය නීල් ප්‍රනාන්දු , මනෝ වෛද්‍ය දයා සෝමසුන්දරම් වගේ අය එක්ක මම වැඩ කරලා රිසච් පේපර්ස් එහෙම කරලා තියන නිසා ඔවුන් තුල මනෝ විශ්ලේෂණය පිලිබඳව තියන ඉහල දැණුම ගැන දන්නවා) දීප්ති එස්ටැබ්ලිෂ්මන්ට් එකට චැලෙන්ජ් කලා ඒක හොඳ දෙයක්. නමුත් ඔහුගේ දුර්වලතාවන් තියනවා. එකක් තමයි ඔහු Jacques Derrida, Freud, Jacques Lacan, Michel Foucault වගේ චින්තකයන් ගේ ලේඛන අදහස් ඉංග්‍රීසියෙන් සිංහලට පරිවර්තනය කරන්නේ දෝශ සහිතව. ඔහුගේ ඌණ ඉංග්‍රීසි දැණුම නිසා ඔහු විසින් ලියූ සිංහල ලිපි වල දෝෂ වැරදි බොහොමයක් තියනවා. (මේක ආචාර්‍ය නලීන් සුවාරිස් පවා සදහන් කල දෙයක්) එසේම ඔහු මේ විද්වතුන් ගේ අදහස් ලංකාවේ දේශපාලන මතවාද වලට රිංගවනවා. ඔහුගේ ඉංග්‍රීසි වලින් සිංහලට පෙරලීමේදී පරිවර්තන දෝශ නිසා ගාම්‍ය වන්නේ වෙනත් විකෘති අදහසක්. එසේම දීප්තිව සාදු කෙනෙක් වගේ අදහන බැතිමතුන් පිරිසක් වහල් හමුදාවක් ඉන්නවා. ඔහු ප්‍රතිවාදීන් සමග මතවාදීව නොගැටී මේ වහල් හමුදාව දම්මලා මඩ ප්‍රහාරයන් ප්‍රතිවාදියාට දියත් කරනවා. ඒ නිසා බොහෝ දෙනා දීප්ති සමග මතවාදී වාද වලට යන්නේ නෑ. (මේ පිලිබඳව නිර්මාල් දේවසිරිට බොහෝ අත්දැකීම් තියනවා). දීප්තිට උසස් අධ්‍යාපනයක් නොමැති වීම නිසා ඔහු ඇකඩමියාව දෙස බලන්නේ සතුරු ඇසකින්. ඔහු කලක් මහාචාර්‍ය දියනාත් සමරසිංහට පහර දුන්නා. ඒ වගේම කොලඹ වෛද්‍ය පීඨය සයිවර් තෝසේ කඩයකට උපමා කලා. මේ ඔහු තුල ඇකඩමික් ශික්‍ෂණය නොමැති නිසාත් ඇකඩමියාව කෙරෙහි තිබෙන යම් හීනමානයක් නිසාත් කරන ලද දේවල්. නමුත් මේ වන විට ඔහු යම් විනයක් ලබාගෙන ඇති බවට මම සිතනවා. කෙසේ වෙතත් ගිරවා දමා උපාධි සමත් වූ සමහරක් එකම අච්චුවේ උගතුන්ට චැල්න්ජ් එකක් දීමට ඔවුන්ව බියෙන් සලිත කිරීමට දීප්තිට හැකි උනා. ඒ වගේම සාම්ප්‍රදායික දේශපාලනය පිලිබඳ වෙනස් ලෙස සිතීමට ඔහු මිනිසුන්ව යොමු කලා ඒක දීප්ති කරපු ධනාත්මක දෙයක්.
No comments:
Post a Comment
Appreciate your constructive and meaningful comments