ෆිසික්ස් නම් ෆිසික්ස් කරාටේ නම් කරාටේ

 

පාසල් යන සමයේදී ආනන්දේ xxxx  සහ නාලන්දේ තිලංග සුමතිපාලත් yyyyyy නම් කෙල්ලකට ලයින් දැමූහ​. මෙය කම්පටිෂන් එකක් මෙන් දිනෙන් දින වර්ධනය විය​. yyyyට ට්‍රයි එක දීම xxxxxමෙන්ම  තිලංගත් අත් නොහැරියහ​. අවසානයේ මේ උග්‍ර තරඟය වලියක් දක්වා දුර දිග ගියේය​. 

yyyy ගැන බලාපොරොත්තු අත් හරින ලෙස තිලංග මිතුරන් මගින්  xxxx ටදැන්වීය​. එහෙත් xxxx තිලංග ගේ තර්ජන ගනනකට නොගෙන yyyy යන එන තැන ගැවසුනේය​. අවසානයේදී කියන දේ නාහන xxxx ට පාඩමක් ඉගැන්වීමට  තිලංග තීරණය කලේය​. 

xxxx ෆිසික්ස් ටියුෂන් සඳහා යන්නේ සේනාරත්න සර් ගේ නුගේගොඩ සුභද්ද්‍රාරාමයේ  ෆිසික්ස් පන්තියටය​. මේ නිසා දිනක් තිලංග සුමතිපාල ලාන්සර් බොක්ස් කාර් එකක කරාලා පුරවාගෙන xxxx ට පහර දීම සඳහා නුගේගොඩ සුභද්ද්‍රාරාමයට ගියේය​. 

ෆිසික්ස් ටියුෂන් ගුරුවරයෙකු වූ උපනන්ද සේනාරත්න මහතා කෑගල්ලේ අයෙකි. ඔහු කිරුම් සහ මිණුම් දෙපාර්තමේන්තුවේ සේවය කල අතර උසස් පෙළ භෞතික විද්‍යාවද ඉගැන්වීය​. එසේම සේනාරත්න සර් වළි වලට මෙන්ම අයියලාටද බය නැත​. සර්ට තද වූ විට එක පහරින් කළු ලෑල්ලට ගසා කළු ලෑල්ල දෙපළු කරයි. එසේම අසාධාරනය පෙන්වන්න බැරිය. 

සේනරත්න සර් ෆිසික්ස් උගන්වමින් සිටියදී තිලංග සහ කරාලා පන්තිය වට කොට පන්තියේ සිසුවෙකු වූ xxxxxව ඉල්ලා සිටියහ​.   මේ කළබලය නිසා සිසුවියන් බිය ගෙන අඞමින් විලාප දුන්හ​. 

සේනරත්න සර් පන්තියෙන් එලියට බැස්සේය​. කරාලා ඔහුව වට කර ගත් හ. සර් තම ඔරලෝසුව ගලවා " ෆිසික්ස් නම් ෆිසික්ස් කරාටේ නම් කරාටේ "  කියමින් එතන සිටි තඩි කරෙක් ගේ බෙල්ලෙන් අල්ලාගත්තේය​. කරා පණ එපා කියා දිව්වේය​. ඔහුව අනුගමනය කරමින් තිලංග සහ අවශේෂ කරාලා දිව ගොස් ලාන්සර් බොක්ස් එකේ නැගී පලා ගියහ​. පසුව සුභද්ද්‍රාරාම පන්සලේ හාමුදුරුවන් ගේ කාර් එකෙන් සුරක්‍ෂිතව xxxxx නිවසට ඇරලවන ලදි 

වර්තමානයේ xxxxxxපරිගණක ක්ශේත්‍රයේ ඉගෙනුම ලබා බැංකුවක සේවය කරයි. තිලංග සුමතිපාල  පාර්ලිමේන්තු නියෝජිතයෙකි. උපනන්ද සේනාරත්න මහතා 2008 වසරේදී පමණ මිය ගියේය​. ගැටුමේ මූලය වූ yyyyy ගැන තොරතුරක් නැත