මචං අර කෙල්ලව යාළු කර ගත්ත නම් නියමයි කියා වජිරාරාම දහම් පාසලේ අපේ පන්තියේ කොල්ලෙක් කීවේය. ඒ කාලය අප සිටියේ 1980 දහම් පාසලේ 7 පන්තියේ ය. ඉස්කෝලේ 8 පන්තියේය.
කෙල්ල කොලඹ විශාකා එකේ සිසුවියකි. කෙල්ලගේ නමත් මට මතකය . ප්‍රභා කුමාරී විජේරත්න ය. දැන් කොහේ ඉන්නවාද කියා දන්නේ නැත.
අපේ පන්තියේ ට්‍රයි එක දෙන කොල්ලා සෙන්ට් තෝමස් එකේය. මුගේ සපෝටර්ස් ලා වූයේ මා සහ බැස්ටියා ( නිලන්ත බැස්ටියන් ) ය. නිලන්ත බැස්ටියන් රෝයල් එකේ නිසා ඌට සෙන්ට් තෝමස් එකේ කොල්ලා එච්චර දිරවූයේ නැත. නමුත් කොල්ලාගේ ප්‍රේමය නිසා උපකාර නොකරත් බැරිය.
" හරි අපි උඹට කෙල්ලව යාළු කරලා දෙන්නම් අපිට කීයක් දෙනවාද කියා මම ඇසුවෙමි. ප්‍රේමය නිසා කොල්ලා සාක්කුවට අත දමා අළුත්ම පහේ නෝට්ටුවක් මගේ අතේ තැබුවේය. පහේ නෝට්ටුවක් අතේ ගුලි කරගත් මා විශාකා එකේ කෙල්ලව යාළු කර දෙන බවට පොරොන්දු වූයෙමි. ඉන් පසුව අපගේ පන්ති භාර ටීච වූ මඩවල මිස්ට, ලොකු සර් (සුවාරිස් මයා ) අපිට හැන්දෑවේ පින්කමට දානෝපකරණ ගේන්නට නියම කල බව පවසා මමත් බැස්ටියාත් දහම් පාසලින් මාරුවී කෙලින්ම ගියේ සැවෝයි එකටය.
සැවෝයි එකේ Grease චිත්‍රපටය තිබුණි. අපි ගියේ සෙකන්ඩ් ක්ලාස් ය. ටිකට් එකක් 2.75 විය. අපි දෙදෙනා ෆිල්ම් එක බලා ලබන ඉරිදා දහම් පාසලේදී හමු වෙමු කියා විසිර ගියෙමු.
ඊලඟ සුමානේ කොල්ලාට දුන් පොරොන්දුව මතක් විය. කොල්ලාගේ සල්ලි ගත් නිසා ශේප්මන්ට් එකක් දැමිය යුතුය. කෙසේ නමුත් මාත් බැස්ටියාත් කොල්ලාගේ කනට කර " අප කෙල්ලට කතා කල බවත් , කෙල්ල ඔහුට කැමති බවත් නමුත් ඕලෙවල් විභාගය ඉවර වෙන තෙක් කිසිම සම්බන්ධතාවකට නොඑන බව කෙල්ල අපට කී බව කීවෙමු. අප දෙදෙනා කිව්වේ බොරුවකි. අපට කෙල්ල හමු වූයේද නැත. නමුත් ඕලෙවල් වලට තව වසර දෙකක් තිබෙන නිසා කොල්ලාට ඉවසගෙන සිටින ලෙස අප ඔහුට අවවාද කලෙමු.
මචං කමක් නෑ මම කොහොම හරි හිත හදාගෙන තව අවුරුදු දෙකක් එයා වෙනුවෙන් බලා ඉන්නම් කියා කොල්ලා කීවේය
ReplyForward |
ඉතිං ඊට පස්සෙ..??
ReplyDelete