දීප්ති කුමාර ගුණරත්න : මේ කව්ද මොනවද මේ කරන්නේ

 

තනි තටුවෙන් පියාඹන්න චිත්‍රපටය තිරගත වූ කාලයේ මනෝ වෛද්‍ය නීල් ප්‍රනාන්දු මහතාත් මමත් සමලිංගිකතාව මානසික රෝගයක්ද ? යන මැයෙන් සම්මන්ත්‍රණයක් අංගොඩ මානසික රෝහලේ ශ්‍රවණාගාරයේ පැවැත්වූයෙමු. මේ සම්මන්ත්‍රණය සඳහා අශෝක හඳගමත් , අනෝමා ජනදරීත්  දීප්ති කුමාර ගුණරත්නත් පැමින කරුණු දැක්වූහ​. දීප්ති කුමාර ගුණරත්න මට මුලින්ම හමු වූයේ එදාය​. 

පහත දැක්වෙන්නේ දීප්ති කුමාර ගුණරත්න ගැන නාමිකව මෙන්ම නිර්නාමිකව පළවූ කොමෙන්ටුය​. එහෙත් ලංකා සමාජය ගැන විග්‍රහය කිරීමේදී ඔහුගේ මතයන් සහමුලින්ම බැහැර කල නොහැක 

දීප්ති යනු ඇත්තෙන් ම ප්‍රශ්නයක් සම්බන්ධයෙන් සංයුක්ත අදහසක් නැති කෙනෙකි. භාෂා ඥානයක් නැතිකම දීප්තිගේ මූලික ගැටලුවකි. ලියන්නට (හෝ සමහර විට නිසි තේරුම ලැබෙන පරිදි කියවන්නට ද) දන්නා එකම භාෂාව වන සිංහලය හැසිරවීමේ බරපතල ගැටලුවක් ඔහුට තිබේ. දෙවන ඡේදය කියවන්න. ඔහු මූලික ව්‍යාකරණය ‍පවා නො දනියි.මේ තේරුමක් නැති වාක්‍යවල තේරුමක් ඇතැයි සිතූ සමහරු කලක් ඔහු පසුපස යමින් තේරුම් සෙවූ හ. තමන්ට නො තේරෙන දෙයක් අනුන්ට තේරුම් කරන්නට බැරි ය. දීප්ති නිතර ම 'මං කියන දේ තේරුණා ද දන්නෙ නැහැ,' යි කියන්නේ ඇත්තෙන් ම ඔහු කියන දේ ගැන ඔහුට ද තේරුමක් නැති නිසා ය. සමහරු මේවා තේරුන බව පෙන්නන්නට ‍ගොස් විහින් ගොන්නු වූ හ. චින්තකයකු වන්නට තිබෙන උන්නතිකාමී ආශාව හා ගැඹුරින් යමක් සිතන්නට තරම් පුළුල් මනසක් නොමැතිකම හා එවැනි පුළුල් මනසක් ගොඩනගා ගත හැකි මිනිස් ගුණ ධර්මවලින් තොර වීම අතර ඇති පරස්පරයන් පියවා ගන්නට දීප්ති කරන්නේ කොහෙන් හෝ චින්තකයකු සොයාගෙන බාගෙට කියවා තමන්‍ට ත‍ේරුන තැන් කීපයක් අල්ලාගෙන නන් දෙඩවීමයි.  ( W3 Lanka) 

AnonymousFebruary 25, 2014 at 12:27 AM දීප්තිගේ තිබෙන මූලික ගැටලුව ඔහුට උසස් අධ්‍යාපනයක් නොතිබීමයි.උසස් අධ්‍යාපනයක් නොතිබීම නිසා ඔහුට ශාස්ත්‍රාලීය විනයක් නැත​. ඔහුගේ භාශා දැනුමද දුර්වලය​. ඔහුට නිවැරදිව ඉංග්‍ර්‍රිසි භාශාවෙන් කියවීමට හෝ ලිවීමට නොහැක​. එම නිසා ඔහු අන්තර්ජාලයෙන් යමක් කියවා සිංහලට පෙරලන්නේද දෝශ සහිතවය​. මේ තත්වය ඔහු තුල දැඩි හීනමානයක් ඇති කර තිබේ. එම නිසා ඔහු කරන්නේ නිරදය ලෙස පුද්ගලික පහර්දීමේ කලාවයි. අසූචි ගා ගත් ඌරාද සිංහයා සමග සටනේදී අනුගමනය කලේ මේ කලාවයි.

 Naleen DilrukshaFebruary 24, 2014 at 9:37 PM ලොව බුදුවරු හා පසේ බුදුවරු යැයි දෙකොටසක් සිටිති.මට අනුව දීප්ති යනු පසේ බුදුවරයෙකු සේ රගන්නෙකි. කළෙක මම ද මාතොට ලන්ඩන් වැනි දිප්තිලාගේ සගරා හරහා ඔවුන් තේරුම් ගැන්මට වෙහෙසුනෙමි. ඇතැම් අවස්ථාවල ඔවුන්ගේ සංවාද පැවති තැන්වලට ගොස් ඇතැම් දේ විචාලෙමි. එක් දිනක මා හොරගොල්ලේ සුනේත්‍රා බණ්ඩාරණායක පුස්ථකාලයේ පැවැති සංවාදයකදි මම සංඛේත පියා ගැන ප්‍රශ්න කළෙමි. එදා එතැන දීප්ත් නොසිටියත් ඔහුගේ අතිජාත මිත්‍ර කළ්‍යණ හා ධම්ම දිසානායක සිටියහ. මගේ ප්‍රශ්න කීරීම්වලට පිළිතුර වූයේ මෙවන් පුද්ගලයන්ට උත්තර දිම නොවටිනා දෙයක් බවයි. එහෙත් ඒ වෙනවිට දිනමිණ භද්‍ර සගරාවේ දීප්තිගේ මතවාද ගෙඩි පිටින් ගිය යුගයකි.. එය ගෙනාවේ ශෂි ප්‍රභාත් රණසිංහයි. එදා කළ්‍යත් නොදන සිටියේ භර්‍ද සංස්කරණය කළේ උත්තර දිය නොහැකි මා බවයි. එදිනම විවාද අවසානයේ මා කවුදැයි යන්න දැනගත් පසු වෙනම කතාවකි.  එසේම තම මොවුන් මහැදුරු ගම්ලතුන්ටත් අභියෝග කළේ. එතුමන්ගේ දැනුමෙන් අල්පයක් දැනගනද ඇකඩමික් විවාදයක පේරාදෙණියේ උණ ගස් යට ශක්‍රාණු ගැන කතා කළේ. පැරා මේක හොසද සංවාදාත්මක ලිපියක්.

AnonymousAugust 28, 2013 at 9:22 PM දීප්තිගේ ආශාව සුදු ලස්සන ගැහැණු, ජපන් කාර්, ඉංග්‍රීසියෙන් කතා කිරීම, මේවා මොකවත් මිනිහට ලැබුනේ නැහැ. ඒවා තියෙන අය තමන් නොවිඳින මොකක් හරි විනෝදයක් ලබනවා කියලයි එයා හිතුවේ. ඉතින් තමන් නොලබන විනෝදය භුක්ති විඳින එවුන්ට කෙලවන්න එයා දේශපාලනය කරන්න පටන් ගත්තා. එක්ස් කණ්ඩායම තමයි එම දේශපාලනයේ උපරිම දුර. නිර්මාල් ඇතුළු තවත් පිරිසක් මිනිහගේ මේ දේශපාලනයට කාලයක් වහ වැටිලා හිටිය. ඔහොම යද්දී ප්‍රභා නමැති ඉංග්‍රීසි කතා කරන සුදු තරමක් ලස්සන කෙල්ලක් සංවිධානෙට ආවා. (ස්වර්ණා මල්ලව ආරච්චි, යසෝධා විමලධර්ම, දිල්හානි ඒකනායක, නදී වාසල් මුදලි, නිරෝෂා පෙරේරා, තනුජා ජයවර්ධන, වගේ නිලියෝ නිවේදිකාවෝ තරම් ප්‍රභා ලස්සන නැති වුනත් ප්‍රභාට ඉංග්‍රීසි කතා කරන්න පුළුවන්. මේ කියපු ගෑනු ටික තමයි දීප්තිගේ ස්වයන් වින්දන ප්‍රතිරූප ) දීප්ති කියන දරුවන් ඉන්න විවාහක පුද්ගලයා මේ ප්‍රභා කියන සුදු කොට කෙල්ලට ලව් කළා. නමුත් මේ කෙල්ලට මේක මහ වාතයක් වුනා . ඉතින් මේ කෙල්ල මෙයාගෙනුත් බේරෙන්න එක්ක සංවිධානේ හිටපු කඩවසම් කොල්ලා වුනු බුද්ධික එක්ක යාලු වුනා.සංවිධානේ මෙම ලව් හුටපටය සමග බිඳ වැටුනා. හරියට එකම කෙල්ලට ලව් කරන්න ගිහින් තරහවෙලා රෝහිත භාෂණ දෙමල ජාතිවාදයටත් විමල් වීරවංශ සිංහල ජාතිවාදයටත් ඇදිලා ගියා වගේ.දීප්තිගේ අන්තිම සිහිනයත් බිඳ වැටුනා මිනිහා වියරු වැටුනා දැන් පෙන්නන්නේ එම වියරු මිනිසා නමැති චිත්‍රපටයයි. මහා ගොන් චිත්‍රපටයක්. සුමනා ගෝමස් රගපාපු ලුවී වැන්ඩන්ස්ට්‍ට්‍රාටන්ගේ 'ඇගේ වයිරය' චිත්‍රපටය මේකට වැඩිය හොඳයි. චිත්‍රපටයයේ තවත් ජවනිකා කිහිපයක් ඉදිරි දිනවලදී ත්‍රිමාන වෙබ් අඩවිය ඔස්සේ දකින්න පුළුවන් වෙයි.

Chandana KumaraFebruary 28, 2014 at 8:34 AM දීප්තිව සරල ලෙස බැහැර කළ නොහැකියි.සම්මුති ලෝකයෙදි ඔහුගේ අදහස් සම්මුතියට පටහැනියි.සම්මුතිය තුල ඉන්න අපි දිප්ති නිසා ඉක්මනට අවුල් වෙන්නේ ඒකයි.දීප්තිව නොතේරෙනවනෙම් ඒක ඔබේ ප්‍රශ්නයක් මිස දීප්තිගේ ප්‍රශ්නයක් නෙමෙයි.ප්ලේන්ටියට වඩේ එකට සාහිත්‍යය විචාර ලියපු කාලෙක,සංකේතීය බලයෙන් සමාජයේ පොරවල් ලෙස වැජඹුන ඊනියා බුද්ධිමතුන් ගේ නිරුවත ගලවා ශතවර්ෂ ගනනාවක් එකතැන පල් වුන ඇකඩමි දැනුමට එරෙහිව දීප්තිගේ මැදිහත් වීම කුහකත්වයෙන් ඉවත දැමිය යුතුද?කෙසේ වෙතත් මෙවැනි බුද්ධිමත් සංවාද වෙනුවෙන් සමාජයේ මෙතරම් මැදිහත් වීමක් දැකීම හොද ප්‍රවනතාවක් දීප්ති හරි හෝ වැරදි බව සමාජය නොව කාලය තීරණය කරනු ඇත.

 AnonymousFebruary 25, 2014 at 1:01 PM දීප්ති මේ තරම් අරුනි ව ඔසවා තබන්න හදන්නේ අරුනි කළු නිසාය. ප්‍රභා සුදුයි නමුත් ප්‍රභා දීප්තිට කැමති නෑ. දීප්ති කියන්න හදන්නේ "සුදු කෙල්ලන්ට මොළේ නැතිය - කළු කෙල්ලන්ට මොළේ ඇතිය" යන්නයි. ඒ dumb blonde stereotype එක මත පදනම් වෙමිනි. ඇමෙරිකාවේ තරම් මේ stereotype එකට ලංකාවේ පිළිගැනීමක් ඇතැයි මම නම් නොසිතමි.  දීප්ති කවදත් කිසියම් කෙනෙක්ව ඔසවා තැබුවේ තවත් කෙනෙක්ව වට්ටන්න මිස ඔසවා තබන කෙනාට ඇති ආදරයකින් නම් නොවන බව දීප්ති ගේ දේශපාලනය ගැන දන්නා අය දනිති.

 Maathalan - Priyantha HewageFebruary 25, 2014 at 7:21 AM ලංකාවේ පොරක් වෙන්න කරන්න ඕන දේ තමයි, මෙළෝ යකෙකුට තෙරෙන්නේ නැති විදියට කතාකරන එක, ලියන කියන එක. අපේ ගොන්නු හරි ආසයි එහෙම ඒවට. ලියන කියන එකාට ඌ කියන්නේ මොනවද කියලා තේරෙන්නේත් නෑ.. අහන කියවන එකාට අරූ මක්කා කියනවද කියලා තේරෙන්නේත් නෑ. ඉතින් මේ, ප්‍රකාෂ කරගැනීමට නොහැකි, අවබෝධ කර ගන්න තේරෙන්නේ නැති, අවබෝධ කර ගන්න දේකුත් නැති, වැල්වටාරම් ලියන එකා පොරක්. උන්ගේ ෆලෝවර්ස්ලත් මාර පොරවල්. ඒත් අරූ මොකක්ද බන් කියන්නේ කියලා ඇහුවොත්. තව එකෙකුට කියන්න ෆලෝවර්ස්ලාට තේරෙන්නේත් නෑ..

 vangeesaAugust 28, 2013 at 1:14 PM අජිත්,   දීප්ති ගුණරත්න සමග සංවාද කිරීම නිරර්ථක දෙයක් විදියට තමයි මමත් හිතන්නේ. නමුත් මෙහෙම ප්‍රශ්නයක් තියෙනවා. අපේ රටේ එක්තරා තරුණ පිරිසක් එයාගේ වේදිකා උඩ කරන ජිමික්ස් වලින් දෑස් නිලංකාර කරගෙන ඉන්නවා. ඒ නිසා අපි මොකක් හරි වැඩක් කලාට පස්සේ එයා අපිට මඩ ගහන එකට අපිට සමහර වෙලාවට උත්තර දෙන්න වෙනවා. නමුත් මෙච්චර කල් එයා ප්‍රසිද්ධ විවාද වලට ආවේ නැහැ. එහෙම එකකට ආවොත් අපිට එයාගේ ජිමික්ස් පෙන්නලා දෙන්න පුළුවන්. ඊට පස්සේ අපිට මේ ගැන හිතන්න දෙයක් නැහැ. මම තාම හිතනවා මෙයාට මේක මග අරින්න බැරි වෙයි කියලා. මේක එක පාරක් පෙන්නලා, අදාළ හඬ ගොණු සහ වීඩියෝ ගොණු අන්තර්ජාලයට දැම්මම ප්‍රශ්නේ අපිට සෑහෙන්න ඉවර කරන්න පුළුවන්.  ඔයාගේ අන්තිම කමෙන්ට් එක දැක්කම මට මතක් උනේ මත්පැන් විරෝධී ජනප්‍රිය දැන්වීමක තිබුණු ලස්සන සටන් පාඨයක්:  "මත්පැන් යකෙක් රකුසෙක් නොව හිස් පඹයෙකි"