ව්ලැදිමීර් විසෝස්කි ගේ Кони привередливые -Fastidious Horses ගීතය

 

ව්ලැදිමීර් විසෝස්කි  ගේ  Кони привередливые  ( Fastidious Horses) ගීතය

කඳු බෑවුම සහ අගාධයට ඉහළින්

මහා දුර්ගයේ මා අසු පිට නැග යමි

දූවිල්ල , සුලඟ සහ මීදුම අතරින්

බොඳවූ මාර්ගයේ මා ගමන් කරමි

 

අධිවේගී  අසුන් මාගේ කසය නොසලකති

ඔවුන් වේගවත් බවින් බවින් යුතුව ගමනේ යෙදෙති

වෙහෙස, දූවිල්ල , හුස්ම ගැනීමේ අපහසුව

මාගේ ගායනට බාධා කරති

මා කඳු බෑවුමේ ගමන් කරමි

අසුන්  ඉතා වේගයෙන් දිව යති

මාගේ ආයාචනා නොසලකති 

විඩාපත් අසුන්ට ජලය අවශ්‍යව ඇත

එහෙත් අසුන් නොනවත්වාම දිව යති

මා විනාශය අභියසය

කුණාටුවට අසුවූ පියාපතක් මෙනි

උදෑසන ඇද හැලුනු හිම

මා යටකර ගනු ඇත

මාර්ගය තරණය කිරීමට

මා අසීරුවෙන් අසුන් මෙහෙයවමි

අධික වේගයෙන් දිව යන අසුන්

කස පහර නොතකති

මාගේ ගීතය ගායනා කිරීමට

මට ඇති අවකාශය අල්පය

මා ආයාචනා කරමි 

එහෙත් මාගේ ආයාචනා 

කිසිවෙකුට නොඇසෙයි

ඉක්මන් නොවන්න

මම ඔබෙන් අයදිමි

තද බෑවුමේ සිටින මා

අසීරුවෙන් ගීතය අවසන් කරමි

සංචාරය සඳහා අපට කාලය තිබුණි

දෙවියන් වහන්සේට ප්‍රමාදයන් නොමැත

එහෙත් දේවදූතයන්  ගේ ගායනය කෙසේ අසම්ද ?

ඔවුන් එවැනි නපුරු කටහඬකින් ගායනා කරන්නේ මන්ද ?

අපට ඇසෙන්නේ ගීතයක් ද ?

නැතොහොත් දුක්ඛිත සීනුවක විලාපයද ?

අකීකරු අසුන් නිසා ගමන දුෂ්කරය

පියඹා නොයන ලෙස මා ඔබගෙන් අයදිමි

ඔබට ජීවත් වීමට කාලය නොමැති නම්

අවම වශයෙන් ගායනා කිරීම අවසන් කරන්න

මා අසුන්ට විරාමයක් දෙමි

මා ගීතය අවසන් කරමි

එහෙත් මා තවමත් සිටින්නේ බෑවුමේය​. 

ව්ලැදිමීර් විසෝස්කි  ගේ  Кони привередливые  ( Fastidious Horses) ගීතය දෛවයේ නොවැළැක්විය හැකි බව සහ යමෙකු ගේ ආසන්න අවසානයට එරෙහි අරගලය නියෝජනය කරන අන්දම අශ්වයන්ගේ රූපකය හරහා ව්ලැදිමීර් විසෝස්කි පවසයි. කථකයා තම අශ්වයන් කඳු බෑවුමක් දිගේ පදවාගෙන යමින්, විනාශය සහ නොවැළැක්විය හැකි අවදානමක් පිලිබඳ පෙන්වා දෙයි. කඳු මුදුනේ රූපය සංකේතවත් කරන්නේ ජීවිතයේ අවිනිශ්චිතභාවය සහ තමාගේම මරණයට එරෙහිව නිරන්තරයෙන් කරන අරගලයයි. කාලය සහ ඉරණමෙහි නිර්දය ගමන මෙම ගීතය අවධාරණය කරයි. ස්වභාවධර්මය,  පැකිලීමකින් තොරව ඔහුව අතුගා දමන බලවේගයක් ලෙස පුද්ගලාරෝපණය කරයි. දෛවය හමුවේ බල රහිත බව  සහ නොවැළැක්විය හැකි දේ ප්‍රමාද කිරීමට නිෂ්ඵල උත්සාහයක් බව කියයි.  

දෙවියන්වහන් සේ අභිමුඛය සහ දේවදූතයන් ගේ ඝෝර ගීත නාදය  මරණයේ ප්‍රවේශය සහ මරණින් මතු ජීවිතය සංකේතවත් කරයි. අසුන් ගෙන් වේගය අඩු කරන ලෙස කරන ඉල්ලිම යනු තමා ආරම්භ කළ දේ අවම වශයෙන් තම අවසානය පැමිණීමට පෙර අවසන් කිරීමට ඔහුගේ ආශාවයි. සමස්තයක් වශයෙන්, ගීතය දෛවය, මරණ සහ කාලයාගේ ඇවෑම, අරගලය යන තේමාවන් වෙත යොමු කරයි.වේගවත් අශ්වයන් නියෝජනය කරන්නේ කෙනෙකුගේ ජීවිතය නියම කරන පාලනය කළ නොහැකි බලවේගයන් සහ ඉරණමට අභියෝග කිරීමට ඇති නොහැකියාවයි.කථකයාගේ ආයාචනා සහ ප්‍රාර්ථනා නොතකා, ඔහු අවසානයේ ඔහුගේ ඉරණම පිළිගන්නා නමුත් ඔහුගේ කාලය අවසන් වීමට පෙර අවම වශයෙන් ඔහුගේ ගීතය සම්පූර්ණ කිරීමට ඉඩ දෙන ලෙස ආයාචනය කරයි. මෙම ගීතය හරහා විසෝස්කි ජීවිතයේ අස්ථිර ස්වභාවය සහ මරණයේ නොවැළැක්විය හැකි බව පිළිබිඹු කරයි.

රුසියානු ගායකයෙකු, ගීත රචකයෙකු, කවියෙකු සහ නළුවෙකු වූ ව්ලැදිමීර් විස්සෝස්කි යනු රුසියානු ආත්මයේ කැටපතකි. සෝවියට් සමයේ නිහඞ පරම්පරාව නියෝජනය කල ඔහු තම ගීත තුලින් ජීවිතය තේරුම් කර දීමට උත්සුක විය​. ඔහුගේ බහුවිධ කුසලතාව සෝවියට් දේශයේ පමණක් නොව බටහිර ලෝකයේද ප්‍රචලිතය​. නිල සෝවියට් සංස්කෘතික සංස්ථාපිතය විසින් ඔහුගේ කාර්‍යය භාරය නිර්මාණ නොසලකා හැරියද ජනතාව ඔහුව ආදරයෙන් වැළඳ ගත් හ​. ඔවුන් ගේ හදවත්වල විස්සෝස්කි යන නාමය අමරණීයය​. ඔහු රුසියාවේ බොබ් ඩිලන් ලෙසද නම් කරති. 

Mikhail Baryshnikov in White Nights - "Capricious Horses"

(White Nights is a 1985 American musical drama film directed by Taylor Hackford and starring Mikhail Baryshnikov, Gregory Hines, Jerzy Skolimowski, Helen Mirren and Isabella Rossellini.) 

Link ; https://www.youtube.com/watch?v=rzfmQ70cBj8