Wednesday, July 12, 2017

කොන්සස් , ඉර්සි පොසිෂන් සහ වියරයි

 



ලංකාවේ සේවය කල කාලය පුරා කොන්සස් යන වචනය මගේ සවනත වැටුනේය​. හෙදියෝ පමණක් නොව බොහෝ වෛද්‍යවරුද මේ කොන්සස් කතාව කීවෝය​. " ලෙඩා තාම කොන්සස් නෑ " කොන්සස් උනාම පෙතඩීන් එකක් දෙන්න යනාදී වශයෙන් මේ කොන්සස්   යන වචනය වාට්ටු පුරා රැව් දුන්නේය​. පසුව බැලීමේදී හෙලි වූයේ කොන්සස්  යනු ඉංග්‍රීසි භාෂාවේ Conscious -කොන්‍ෂස් යන වචනයෙන් බිඳී ආ එකක් බවයි. මෙහි තේරුම සිහිය ඇති බව යන්නයි. 

මීට වසර කීපයකට උඩදී යූ ටියුබ් හරහා දොරමඞලාව වැටසටහනේ මහාචාර්‍ය නලීන් ද සිල්වා ගේ සහ මහාචාර්‍ය කාලෝ ෆොන්සේකාගේ වාදයක්  මම නැරඹුවෙමි. මෙම වාදයට සහභාගි වූ එක් විශේෂඥ වෛද්‍ය වරයෙකුද මෙම කොන්සස් කතාව කියනවා මට ඇසුනේය​. 

ලංකාවේ මිනිසුන් වචන සාදා ගැනීමේ දක්‍ෂයෝ වෙති. වරක් යුද හමුදා රෝහලේදී දුරකථනය  මගින්  ජාතික රෝහලේ  වෛද්‍යවරයෙකුට ඇමතුමක් අරගෙන දෙන ලෙස මම කීවෙමි. පැය භාගයක් ගතවූවද මට කෝල් එක ලැබුනේ නැත​. ඒ ගැන යලි විමසන විට දුරකථන පුවරුවේ සිටි සොල්දාදුවා මට කීවේ " සර් රිම් වෙනවා රිම් වෙනවා කවුරුත් ගන්නේ නෑ කියලාය​" මුලින්ම මේ රිම් වීම කුමක්ද කියා බැලූ විට පෙනී ගියේ රිම් වීම යනු ring වීම බවයි. 

යුද හමුදා සෙබලුන් අතර ඉර්සි පොසිෂන් නම් වචනයක් තිබේ. වරදවල් කර අසු වන සොල්දාදුවෝ ජේෂ්ඨ සොල්දාදුවන් විසින් ඉර්සි පොසිෂන් එකේ තබති. මේ ඉර්සි පොසිෂන් යන වචනය ශ්‍රීර්ෂ හෙවත් හිස යන වචනයෙන් බිඳී ආවකි. රෝහිත මුණසිංහ ගේ එළියකන්ද වද කඳවුර පොතේද මේ ඉර්සි පොසිෂන් එක ගැන සඳහන් වේ.  

අපගේ විදුහලේ ජීව විද්‍යා ලැබ් එකේ වැඩ කල දසනායක හෙවත් දසා ඉවරයි යන වචනය වෙනුවට කීවේ " වියරයි " කියාය​. කොල්ලෝ දසාට හෙනහුරාගේ මහ දසා කියා කීවෝය​. 

වරක් විච්චේදනය කිරීමට අපට ලැබුනේ සීමිත ගෙම්බෝ ප්‍රමාණයකි.  
ගෙම්බන් ලද සිසුන් උජාරුවෙන් තව ඩිසෙක්ටිං සෙට්ස් අතට ගෙන ගෙම්බෝ කපද්දී ගෙම්බන් නොලද සිසුන් දසා වෙත ගොස් තම විරෝධතාව ප්‍රකාශ කළහ​. 

" අනේ ගෙම්බෝ වියරයි නේ ඔච්චර තමයි ගෙනාවේ. ලබන සුමානේ තමයි ආයෙ ගේන්නේ " කියා දසා කීවේය​. 

දසාගේ මේ වියරයි කතාවට මමත් , සුමුදු හේවාවසමුත් , පුෂ්ප කුමාරත් විනාඩි ගනනක් සිනාසුනෙමු. 

සුමුදු හේවාවසම් පසු කාලයක රුහුණු වෛද්‍ය පීඨයට තේරුනේය​. පුෂ්ප කුමාර හමුදාවට බැඳුනු අතර ඕර්ඩිනන්ස් හෙවත් සේවා හා සැපුයුම් බලකායේ මේජර්වරයෙකු ලෙස සේවය කරමින් සිටියදී 2003 වසරේදී මට හමු විය​. එහෙත් හෙනහුරාගේ මහ දසා ගැන නම් තොරතුරක් නැත​. 


19 comments:

  1. පේව්මන්ට් යන වචනය බොහෝ උගත් පුද්ගලයෝ පවා පේමන්ට් යන වචනය භාවිතා කර වැරදියට උච්චාරණය කරයි.
    සමහර ඩ්‍රයිවර් මහත්වරු නියුට්‍රල් යන වචනය නිවුටල් ලෙස වැරදියට උච්චාරණය කරයි.
    බැටරිය යන වචනය සමහරු බැස්ටිය , බැට්රිය යන ලෙස උච්චාරණය කරයි.

    ReplyDelete
  2. 'වියරයි' කියලා කියන්නේ දකුණේ උදවිය. එයාලට තව ඒ වගේ වචන ගොඩක් තියෙනවා.

    ReplyDelete
  3. /* යුද හමුදා සෙබලුන් අතර ඉර්සි පොසිෂන් නම් වචනයක් තිබේ. වරදවල් කර අසු වන සොල්දාදුවෝ ජේෂ්ඨ සොල්දාදුවන් විසින් ඉර්සි පොසිෂන් එකේ තබති. මේ ඉර්සි පොසිෂන් යන වචනය ශ්‍රීර්ෂ හෙවත් හිස යන වචනයෙන් බිඳී ආවකි. රෝහිත මුණසිංහ ගේ එළියකන්ද වද කඳවුර පොතේද මේ ඉර්සි පොසිෂන් එක ගැන සඳහන් වේ. */

    රුවන් ඔබ ද ශීර්ෂය යන්න "ශ්‍රීර්ෂ" කියා දෝෂ සහිතව ලියා අලුත් වචනයකට මුල පාදා ඇති බව පෙනේ.

    කෙසේ වෙතත් ඔය "ඉසි පෝෂන්" හෙවත් "ඉර්සි පොසිෂන්" යැයි බිඳී ඇවිත් ඇත්තේ පහසුවෙන් සිටිම Easy Position (සීරුවෙන් සිටීම වෙනුවට) යන්නයි. මෙය (පහසුවෙන් සිටිම / සීරුවෙන් සිටීම) පාසල් සමයේ සරඹ කාල පරිච්ඡේදයේ දී අපට නිතරම කරන්නට වූ දෙයකි.


    ReplyDelete
    Replies
    1. easy නම් පහසුවෙන් නේ,ඇයි සීරුවෙන්. සීරුවෙන් කියන්නේ අසීරුවෙන් යන්නේ විරුද්ධර්ථයද?

      Delete
    2. "ඉසි පෝෂන්" හෙවත් "ඉර්සි පොසිෂන්" යැයි බිඳී ඇවිත් ඇත්තේ පහසුවෙන් සිටිම Easy Position (සීරුවෙන් සිටීම වෙනුවට) යන්නයි.

      Delete
    3. ඉර්සි යනු ශීර්ෂ විය යුතුය

      Delete
  4. ඉර්සි පොසිෂන් කියන්නේ ඔළුවෙන් හිටවිමද? ツ

    ReplyDelete
  5. Replies
    1. ඒකට සයන්ස් එකේත් කියනවා

      Delete
  6. drawer (ලාච්චුව) = droyer (ඩ්රොයර්) විය.
    නයිට් ඇන්ඩ් ඩේ සබන් කෑල්ල, ලයිට් ඇන්ජින් කෑල්ල විය.

    ReplyDelete
  7. speak English our way kiyala kalayak kiwwe rajayenma

    ReplyDelete
    Replies
    1. ඒකට නොයෙලින් හොන්ටර් වගේ හෝන්තු බාල්දි පෙරලුවා නේද?

      Delete
  8. තිස්සගෙ බෑනෙක්July 14, 2017 at 2:19 AM

    මව් භාෂාව සිංහල වෙලත් "දුල්මිණි අත්තනායක" ඌරුවට සිංහල වැරදියට උච්චාරනය කරන කොට ඒක මාරයි සහ ඉහල පාංතිකයි.
    ඉංග්‍රිසී ,දෙවන හෝ තෙවන භාෂාව ලෙස පරිහරණයේදි වැරදියට උච්චාරනය කරන කොට ඒක ජුගුප්සාජනකයි සහ අධෝ පාංතිකයි.

    රුවන්, කැනඩාවේ ස්වදේශිකයන්(වසර150ට පෙර සහ පසු) නුතන ඉංග්‍රිසියට දෙවෙනි තැන දී අන් කොන්සස්ලි ප්‍රංශ භාෂාවට ලොල්වන්නේ ඇයි ?
    ඔබ ඒ පිලිබඳව කොන්සස්ද ?

    (ඉංග්‍රිසි,ප්‍රංශ,මැන්ඩරින්,ස්පාඤ්ඤ,ජර්මන්,රුසියානු ආදි ජාත්‍යන්තර භාෂාවන් විශ්ව ආර්ථික පද්ධති ක්‍රියකාරිත්වයට අවශ්‍යයි.)

    ReplyDelete
    Replies
    1. රුවන්, කැනඩාවේ ස්වදේශිකයන්(වසර150ට පෙර සහ පසු) නුතන ඉංග්‍රිසියට දෙවෙනි තැන දී අන් කොන්සස්ලි ප්‍රංශ භාෂාවට ලොල්වන්නේ ඇයි ?////////////////// ඒ ක්විබෙක් ප්‍රදේශයේ සිටි ස්වදේශිකයන් විය යුතුය

      Delete

Appreciate your constructive and meaningful comments

Find Us On Facebook