Monday, January 23, 2017

මහාචාර්‍ය නන්දදාස කෝදාගොඩ මහතා ගැන සටහනක්

 

මහාචාර්‍ය නන්දදාස කෝදාගොඩ මහතා ගැන සටහනක් ලිවීමට මම අදහස් කලෙමි. මහාචාර්‍ය නන්දදාස කෝදාගොඩ යුග පුරුෂයෙකි. ඔහු දක්‍ෂ සන්නිවේදකයෙකි. එසේම භාෂා ප්‍රේමියෙකි. විද්‍යා දැනුම පොදු ජනතාව අතර ප්‍රචලිත කිරීමට ඔහු පෙරමුණ ගත්තේය​. කොළඹ වෛද්‍ය විද්‍යා පීඨයේ අධිකරණ වෛද්‍ය විද්‍යාව පිළිබඳව මහාචාර්‍යවරයෙකු වූ එතුමා ජාතික මත්ද්‍රව්‍ය පාලන මණ්‌ඩලයේ සභාපති ලෙසද කටයුතු කලේය​.

මහාචාර්‍ය නන්දදාස කෝදාගොඩ මහතා ගැන නොදත් පාර්ශවයක් ද තිබේ. මා එය සටහන් කරන්නේ එතුමාට අපහාසයක් කිරීමේ අදහසකින් නොවේ. මගේ තක්සේ‍රුව අනුව අප අතර සුරුවම් සහ ශුද්ධ වූ මිනිසුන් නැත​. අප සියළු දෙනාම පුහුදුන් මිනිසුන් වන අතර පොදුමිනිස් දුබළතා වලින් යුක්තය​.  මෙය මහාචාර්‍ය නන්දදාස කෝදාගොඩ මහතාටද ආදේශ වේ. 

මහාචාර්‍ය නන්දදාස කෝදාගොඩ මහතාට වෛද්‍ය සිසුන් බිය වූහ​. එයට එක් හේතුවක් නම් ඔහු තම සිත් නොගත් සිසුන්ව විභාග වලදී ඉලක්ක කර ගත් නිසාවෙනි. මේ පිලිබඳව බොහෝ වෛද්‍යවරු මා සමග කියා තිබේ. මෙහිදී මට එතුමා අරබයා එක් සිද්ධියක් මතක් වේ. 

වෛද්‍ය  ප්‍රසන්න ගුණසේන නාලන්දා විද්‍යාලයේදී උසස් පෙළ පන්ති වල ඉගෙන ගත් සමයේ  නාට්‍යයක් කලේය​. මේ  නාට්‍යයේ ඔහු නිරූපනය කලේ ද්විත්ව චරිත ගති ගුණ තිබූ මත්ද්‍රව්‍ය හා මත් පැන් නිවාරණ ආයතනයක සේවය කරන කුහක ලොක්කෙකුගේ චරිතයකි. 

කොල්ලන් විසින් කරන ලද මේ නාට්‍යය පිලිබඳව මහාචාර්‍ය නන්දදාස කෝදාගොඩ උරණ වූ අතර වරක් නාලන්දා විද්‍යාලයට පැමින (මේ 1985 වසර විය යුතුය​) මේ නාට්‍යය සහ මේ නාට්‍යයේ නළුවන්ව තදබල ලෙස විවේචනය කලේය​. මේ කාලයේ ප්‍රසන්න ගුණසේන කොලඹ වෛද්‍ය විද්‍යාලයට තේරී සිටි අතර ඔහු සැබවින්ම මහාචාර්‍ය නන්දදාස කෝදාගොඩට බිය විය​. එසේම විභාග වලදී ඔහුට නෝට් නොවී සිටීමට අමතර වෙහෙසක් ගත්තේය​. 

වෛද්‍ය මාලා කිරිඇල්ල මගේ ඥාති සහෝදරියකි. ඇය කොලඹ වෛද්‍ය පීඨයේ ඉගෙනුම ලැබුවාය​.  මහාචාර්‍ය නන්දදාස කෝදාගොඩ ඔවුන් ගේ පවුලේ හිතවතෙකු වූවද මාලා කිරිඇල්ල කොලඹ වෛද්‍ය පීඨයේදී මහාචාර්‍ය   කෝදාගොඩට බිය වූයේ ඔහුගේ අන්ප්‍රෙඩික්ටබල් හෙවත් භාවි කථනීය කළ නොහැකි ගති නිසාය​. මහාචාර්‍ය   කෝදාගොඩ සමහර විට වෛද්‍ය පීඨයේදී යක්‍ෂාවේසයෙන් ක්‍රියා කල බව වරක් මාලා කිරිඇල්ල මා සමග පැවසුවාය​. 

මහාචාර්‍ය නන්දදාස කෝදාගොඩ තමන්ට යටින් පහර දුන් බව වරක් (2009 වසරේදී) මහාචාර්‍ය කාලෝ ෆොන්සේකා මට කීවේය​. එසේම ඇතැම් අවස්ථා වලදී කෝදාගොඩ මහතා තමන් ගේ සමකාලීන මහාචාර්‍යවරු කෙරෙහි ඉරිසියා සහගතව ක්‍රියා කල බවටද මට තොරතුරු ලැබී තිබේ. 

මහාචාර්‍ය නන්දදාස කෝදාගොඩ අප අතරින් වියෝ වී බොහෝ කල්‍ ය . මළවුන් ගේ නුගුන කථා නොකල යුතු බව අපගේ සංස්කෘතියේ කියා තිබේ. එහෙත් මම මේ අංගයට එකඟ නොවෙමි. එය බලය අතේ තිබෙන මිනිසුන්ට වැරදි දේ කිරීමට පොළඹවයි. මිනිසුන් තමන්ව ජීවත් වන කාලයේදී පමණක් නොව තමන් ගේ මරණින් පසුවද විචාරයට ලක් වන බව දැනගෙන සිටීම ඔවුන් හරි දේ කිරීමට මෙහෙයවයි. 

වෛද්‍ය රුවන් එම් ජයතුංග 

40 comments:

  1. මම ඉගෙන ගත්තෙත් කොලඹ වෛද්‍ය පීඨයේ...මේ මනුෂ්‍යයා ඉතා අහංකාර කෙනෙක්...මිනිසුන්ට වැඩකට නැති වෛද්‍ය ශිෂ්‍යයින්ට පමණක් අදාළ ඇනටමි වැඩසටහන් TV එකේ කළා තමන්වම පුම්බගන්න...මම ඒ දවස්වල මෑන්ට කිව්වෙ මහාචාර්ය බොකු බඩවැල් කියල.

    ReplyDelete
    Replies
    1. අහංකාර බව ඇත්ත මේ වෛද්‍ය අබේවර්ධන කියන කතාව​; I had a devastating encounter with him. I on behalf of my school invited him as a special guest at a school event. He got the times mixed up and was late. I called to check with him..he was so rude. He came to school and his whole speech was about how I had the gall to call him to ask if he was coming to the event. I was just 18 then. He was a terrible proud egotistical man 9By Dr I Abeywardane)

      Delete
    2. අපේ තාරුකා විද්‍යාඥයාට දේශනයකට ආරාධනා කළ හයිස්කූල් කෙල්ලෙකුටත් ඔය වින්නැහියම(ඩොක්ට අබේරත්නට) වෙලා කෙල්ලෝ එයාගේ පතුරු අරිනවා බොහෝ කලකට පෙර බස් එකකදී මගේ කණට වැටුනා.

      Delete
  2. හැම මිනිහෙක්ගේම හිත ඇතුලේ දෙවියෙක් සමග යක්ෂයෙකුත් ජීවත්වෙනවා.
    මට දොස්තරව මතක රුපවාහිනියේ හවසට ගිය සිරුරේ කොටස් ගැන විස්තර කරපු වැඩසටහන තමයි. අසිරිමත් මිනිස් සිරුර ද මන්දා වැඩ සටහනේ නම

    ReplyDelete
    Replies
    1. හැම මිනිහෙක්ගේම හිත ඇතුලේ දෙවියෙක් සමග යක්ෂයෙකුත් ජීවත්වෙනවා. ///// athha

      Delete
  3. වෛද්‍ය රුවන්,
    මම ඔබ සමග සම්පුර්ණයෙන් එකග නොවෙමි. මා වෛද්‍ය පිඨයේ ඉගෙන ගත් කාලයේ පීඨාධිපති වුයේ මහාචාර්ය කෝදාගොඩ මැතිතුමාය. ප්‍රසන්න ගුණසේන එවක භක්තිගීත පුහුණුකරන විට එයට කෝදාගොඩ මහතා පුද්ගලික අවධානය යොමුකරමින් එය සාර්ථක කරගැනීමට ප්‍රසන්නට ඉතා හොඳ සහයෝගයක් දුන්න්නේය්ය. අප කණ්ඩායමේ සිසුන් දෙදෙනෙකු නවකවදය දුන්නයි සැකකොට මහාචාර්ය කොල්වින් ගුණරත්න මහතා 2nd MBBS දක්වා සෑම විභාගයකදීම ලකුණු 0 දමා ඔවුන් දෙදෙනා දැඩි පීඩනයකට පත්කලද කොදාගොඩ මහතා තම විෂය වූ අධිකරණ වෛද්‍ය විද්‍යාව විශයෙන් දෙදෙනා කිසිදු පළිගැනීමකට ලක්නොකොට එකවරම සමත් කල බව මට මතකය. පිළිතුරු පත්‍රවල අවම ලකුණු ගත්තද සම්මුඛ පරීක්ෂණයේදී උසාවියකදී පිළිතුරු දියයුතු ආකාරයට පිළිතුරුදීම හේතුවෙන් අධිකරණ වෛද්‍ය විද්‍යාව විශයෙන් එකවරම සමත් වීමට මට හැකියාව ලැබුණි. ඒ බව මා දන ගත්තේ පාසුව කථිකාචාර්ය ජින් පෙරේරා මහත්මිය මා දැක බැනවැදුණු මොහොතේදීය. එතුමා කිවූ තව එක කතාවකින් මම නවතිමි. බොහෝ දෙමව්පියන් තම දු දරුවන් කොළඹ වෛද්‍ය පීඨයට තේරුණු පසු MBBS Colombo ඔස්ට්‍රේලියාව බ්‍රිතාන්‍ය පිලිගන්නවදයි එතුමාගෙන් විමසන බවත් ඔවුන්ට තම පිළිතුර නම් ශ්‍රී ලංකාව සෛද්යවරුන් බිහිකරන්නේ ශ්‍රී ලංකාවට මීස ඔස්ට්‍රේලියාව හෝ එංගලන්තයට නොවන බවයි. එය එතුමා සතු ශ්‍රී ලාංකියත්වය විය. අවසන් වශයෙන් අප වසරේ සිසුන්ගෙන් කිසිවකු එතුමාගේ පළිගැනීමකට ලක්නොවූ බව කිව යුතුය.

    ReplyDelete
    Replies
    1. ප්‍රසන්න ගුණසේන ෆැකල්ටි ගිය මුල් කාලයේ ඔහු ගෙන් වසන් වී සිටිමට තැත් කලා , ඒ බව අපටත් කීවා. පසුව ශේප් වෙන්න ඇති. ඔහු නරක කෙනෙක් කියා මම කියන්නේ නෑ. මම කියන්නෙ ඔහු තුලත් යම් යම් දුර්වලතාවන් තිබූ බවයි

      Delete
  4. බුදු හාමුදුරුවො වත් පර්ෆෙක්ට් නෑ... ඉතින් කෝදාගොඩ ගැන කවර කතාද... කාලෝ පොන්සේකා මහින්දට රෙදි නැතුව කඩේ යන්නේ.. පාදෙනියලා වකුගඩු මාෆියාවේ රජවරු වෙන්නේ.. ඕකත් එක වෘත්තියක් ඉතරනේ.. එතන මොකෝ වෙනස් සත්තු වගයක් ඉන්නවය... නෑ නේ.. අම්මට සිරි ලංකාවේ කකුල් දෙකේ සත්තුම නේ ඉන්නේ...

    ReplyDelete
    Replies
    1. ඕකත් එක වෘත්තියක් ඉතරනේ.///// agree

      Delete
    2. This comment has been removed by a blog administrator.

      Delete
    3. "බුදු හාමුදුරුවො වත් පර්ෆෙක්ට් නෑ" bududahama Saha budurajanan wahanse gana harihati study karanna nathuwa me wage gon katha liyala sansareta akusal ekathukaraganna epa sahodaraya..

      Delete
    4. This comment has been removed by a blog administrator.

      Delete
    5. ya ya mathalnata banu horunt uda dagena allanne...

      Delete
  5. This comment has been removed by the author.

    ReplyDelete
  6. මෙතුමා හිටපු කාලයේ ෆැකල්ටියේ වැඩ කරපු උදවිය කියන විදිහට ඒ ඉතිහාස කතා සුභවාදී ඒවා නෙවෙයි..

    ReplyDelete
    Replies
    1. මාත් අහපු විදියට එහෙමයි

      Delete
  7. හැම තැනම ඔය වගේ උං ඉන්නවා. උඩින් උපාසක, යටින් අලුගෝසු.

    නන්දදාස සුනිල් සාන්ත ගේ ගෝලයෙකු ද? කලේ කලේ ගීතය ලිව්වේ ඔහු ද?

    ReplyDelete
    Replies
    1. නන්දදාස ලියූ එක් ගීයක්:

      අතුල සිනිඳු සුදු වැල්ලේ පතල සිහිල් සෙවණැල්ලේ...

      Delete
    2. This comment has been removed by a blog administrator.

      Delete
    3. රසික අපි කව්ද ? උඩින් අලුගෝසු යටින් උපාසක ද නැත්නම් උඩින් අලුගෝසු යටින් අලුගෝසු ද ?

      Delete
    4. "හැම තැනම ඔය වගේ උං ඉන්නවා. උඩින් උපාසක, යටින් අලුගෝසු"

      බ්ලොග් වලත් ඉන්නවා.

      Delete
  8. ඇයි ඉස්කොලෙ යන ළමයින්ටත් වෛද්‍ය වෛද්‍ය කියන්නේ. එයා පස්සේ වෛද්‍ය විද්‍යාලයටත් ගියා කියනවනේ. මේක නාසිස්ටික් වසංගතයක්. දැන් ඉතින් මේකත් මකලා දායි.

    ReplyDelete
    Replies
    1. ඇයි ඉස්කොලෙ යන ළමයින්ටත් වෛද්‍ය වෛද්‍ය කියන්නේ.///// ?????? Pl see : මේ කාලයේ ප්‍රසන්න ගුණසේන කොලඹ වෛද්‍ය විද්‍යාලයට තේරී සිටි අතර ......

      Delete
  9. කිසි කෙනෙක් කළු හෝ සුදු නැහැ රුවන්. මගේ ජීවිත කාලය පුරාවට හම්බවෙලා තියෙන්නේ අළු මිනිස්සු සහ ගැහැණු. ලංවෙලාම බලන්න ඕන. විටින් විට හැව ගැලවෙනවා.

    ReplyDelete
  10. මටත් මොහු මතක රූපවාහිනී වැඩසටහන් වලින් තමා.. මන බදිනා, නිරවුල් කතා ශෛලියක් තිබුනු බවනම් මට හොඳට මතකයි.

    අන්තිම ටිකට මමත් එකඟයි.. කරපු වැරදි වලට මැරුණයින් පස්සෙත් බැනුම් අහන්න ලෑස්ති වෙලා ඉන්න ඕනා.. මැරුණා කියලා පෘතග්ජනයන්ගේ පවු හේදෙන්නේ නෑ..

    ReplyDelete
    Replies
    1. මැරුණා කියලා පෘතග්ජනයන්ගේ පවු හේදෙන්නේ නෑ. ///// ++++++

      Delete
  11. බ්ලොම් එකේ බල්ලටත් 'කෝදා' කියල නම දැම්මේ ඉතින් නිකං නෙවෙයිනේ.

    ReplyDelete
    Replies
    1. හැට්ටරයාගේ කතාව ඇත්ත බව යාළු ඩොකෙක් කිව්වා. ඔය අසූවේ මුල් කාලේ. මමත් ඔතනට වල බහිනවනේ. දවසක් ලෙක්චර් එකක් වෙලාවේ යාලුවාගේ බෙල්ල රිදෙන්න අරන්, අත ගගා හිටියලු. කෝදා බැන්නලු...ඕවා තමුසෙගේ වැරදි නෙමේ,,දෙමව්පියන්ගේ වැරදි කියලා. කැතයි හලෝ.

      Delete
  12. වෛද්‍ය පීඨයේ ගැහැණූ ළමයින්ටත් කරදර කල බව අහලා තියෙනවා.

    ReplyDelete
    Replies
    1. එහෙම දෙයක් මම නම් අහලා නෑ

      Delete
    2. මම අහල තියෙනවා මුස්ලිම් නමක් තියෙන මහචාර්ය වරයෙක්, ගැහැණු ලමයින්ගෙ හිරි ඔතප් බින්දා කියලා

      Delete
  13. This comment has been removed by the author.

    ReplyDelete
  14. සුචරිතවාදී මහැදුරු : http://badamama.blogspot.com/2012/02/blog-post_08.html

    ReplyDelete
  15. මේ සමාජයේ හැටි. එළියෙන් පෙනෙන එකා නොවෙයි ඇතුලේ ඉන්නේ.
    දැන් බලන්න මිස්ටර් ක්ලීන් . එය සුද්දෝධාන කෙනෙක්.

    ReplyDelete
    Replies
    1. මිස්ටර් ක්ලීන් - සුද්දෝධාන

      Delete

Appreciate your constructive and meaningful comments

Find Us On Facebook