කෙමරූජ් භිෂණය 3

ඇයි ඔවුන් මගේ දරුවා මරා දැමුවේ?

1975 වසරේ නගරය හිස්කොට ජනතාව ග්‍රාමීය ප්‍රදේශ කරා බලහත්කාරයෙන් යවන විට Hoang තෙමස් ගැබිණියෙකි. සිය සැමියා සමඟ පුරාදින දෙකක් පයින් ඇය ගමන් කළාය. ඇයට ක්ලාන්ත ගතිය දැනුනු හැම අවස්ථාවකදීම සැමියා ඈ වත්තම් කරගත්තේය. ආහාර, ජලය, විවේකය යන කිසිම පහසුකමක් නොමැතිව ඔවුන් සිහිනනෙන් ඇවිදින මිනිසුන් මෙන් දෙවැනි දින ගමට සේන්දු විය.

වෙහෙසට පත්ව සිටි ඇය නිදා ගත්තාය. සැමියා ඇය අසල සිටීම ඇයට අස්වැසිල්ලක් විය. පසුදින ඔවුන්ට කුඹුරු වැඩට යාමට අණ ලැබිණ. උදෑසන හතර වන විට ඔව්හු කුඹුරු වැඩ ආරම්භ කළහ. රාත්‍රී දහය වන තෙක් ඔවුන් මෙසේ වැඩ කළ අතර, අතර මග සුළු විවේකයක් හා කැඳ ටිකක් ලැබිණ. මෙලෙස සති දෙකක් ගෙවී ගියේය. Hoang ගේ ශරීරය වැහැරෙන්නට විය. ඇයගේ සැමියා තම ආහාර වේල පවා ඇයට පිරිනැමුවේය. නූපන් දරුවාගේ පෝෂනය අතපසු නොකිරීමට ඇය රහසින් ගස්පොතු අනුභව කළේ අමතර ශක්තියක් ලබා ගැනිම පිණිසය. සාගින්නෙන් වුවද ඇයට සැමියා සමඟ වැඩ කිරීමට නියමිත වූ බැවින් වෙහෙසී වැඩ කළාය. කුස තුල සිටින දරුවා නිසා ඔවුන් අනිවාර්යෙන්ම ජීවත් විය යුතුය.

ඔවුන් වාසය කළ ගමේ නව නායකයා සැරපරුෂ අයෙකි. දිනපතා කුඹුරුවැ කරමින් සිටි මිනිසුන් අත්අඩංගුවට ගැනීමත්, ඔවුන් මරා දැමීමත් සිදු කෙරුණි. මෙම දර්ශන නිසා Hoang ගේ මනස සසල වූවාය. කුස තුළ සිටින දරුවා ගැන ඇය දුක්වූවාය. මෙලෙස මාස කිහිපයක් ගතවිය. ්‍යද්බට ගේ උදරය ඉදිරියට නෙරා තිබේ. එහෙත් ඇයගේ ශරීරය කෙට්ටුවී අතපය කෝටු මෙනි. මන්දපෝෂණය නිසා ඇගේ දත් පවා දිරාගොස් තිබේ.

කුඹුරු වැඩ කරන අතරතුරදී ඇය සැමියා දෙස බැලූවාය. ඔහු ගත වූ මාස කීපයට වැහැරී ගොසිනි. කළු පැහැති ඉරීගිය කමිසය හා කලිසම ඇඳ පන්කොළ හිස්වැස්ම හිසේ දරා ඔහු දුබල දෑත් වලින් උදැල්ලෙන් පොළොව කොටයි. නිසරු පොළොවෙන් නිකුත් වන්නේ බොල් හඬකි. අවිගත් රැකවලූන් වරින්වරා වැඩ කරන මිනිසුන්ට කාර්යක්ෂමව වැඩ කරන ලෙස තර්ජනය කරයි. එහෙත් මන්දපෝෂණයට හසුව, දුර්වල ශාරීරික තත්වයක් ඇති මිනිසුන් ශක්තිය වැය කරන්නේ කෙසේද?

ඇයට නොන්පෙන් හි ගතකළ ජිවිතය මතකයට නැඟුනි. ටැක්සි රියදුරෙකු වූ සැමියා ඇයට හමුවූයේ පන්සලේදීය. එහිදී දැන හඳුනාගත් ඔව්හු කෙටි කාලයක් තුළදී විවාහ වූහ. ඇයගේ ජීවිතයේ ප්‍රීතිමත් දිනය විවාහ දිනයයි. ඔව්හු එදා ඥාතීන් පිරිවරා මගුල් බත අනුභව කළහ. බත්, ඌරුමස්, සලාද, එළවළු වලින් යුක්තවූ එම ආහාරය මතක් වී කටට කෙළ ඉනුවේය. කඳවුරේ ඔවුන්ට ලැඛෙන්නේ නිසරු හාල් කැඳ කෝප්ප කිහිපයක් පමණි. එහෙත් කොටළුවෙකුට වඩා බරවැඩ කළ යුතුය. සැමියා සේවයට ගිය විට ඇය ඇඳුම් මැසීමේ යෙදුනාය. එම නිසා අහේනියකින් තොරව ඔවුන්ට ජිවත් විය හැකි විය. කෙමරුජ් ගරිල්ලන් හා රජයේ සෙබළුන් අතර ඇතිවන ගැටුම්, බෝම්බ පිපිිරීම්, ඔවුන්ගේ ජිවිත පීඩනයට ලක්කලද නොම්පෙන්හි ගතකළ ජීවිතය ඇයට තවම මතකය.

තමාට දරුවෙකු පිළිසිඳ ඇතිබව දැනගත්විට සැමියා අතිශයින්ම ප්‍රීති විය. එහෙත් එම ප්‍රීතිය පැවතුණේ ටික කලකි. මාස තුනක් වැනි කෙටි කලක් ඇතුළත කෙමරුජ්වරු නගරයේ බලය අල්ලා ගත්හ. කෙමරුජ් භටයන් නගරයට කඩා වැදුණු දිනයේ සැමියා ටැක්සි රථය මහ මගට දැමුවේ නැත. ඔහු කෙමරුජ් පෙළපාලිය බැලීමට නගර මධ්‍යයට ගියේය.

කෙමරුජ්වරු නගරයට පැමිණි අයුරු හා ඔවුන් නගරයේ ජිවත් වූ දේශපාලකයන්, උගුතුන් මරා දැමූ අයුරු සැමියා විස්තර කළේ අවිනිශ්චිත බියකිණි. ඉක්බිති එළඹුණේ ඔවුන් ගේ වාරයයි. " අප වහා නගරයෙන් පිටවිය යුතුයි."සැමියා කීවේ බිය හා සංකාව රැඳි සිතකිනි.

කෙමරූජ්වරුන්ගේ නියේගය අනුව ඔවුන් නිවෙස අත්හැර දමා මහා මාර්ගයට පැමිණියේ අතට අසුවූ මුදල් හා භාණ්ඩ ස්වල්පයක් සමගින්ය. රේඩියෝව ලඟ තබා ගැනීම භයානක බව ඇසූ ඔහු මීට මාස හතකට ප්‍රථම මිළට ගත් රේඩියෝව විසිකර දැමුවේ කිසිවෙකුගේ අවධානයට ලක් නොවන සේය. වතුර හා පාන් ස්වල්පයන් තිබූ නිසා මුල් දිනයේ ජීවිතය ගැටගසා ගැනීමට හැකි විය. සැමියා වතුර බිව්වේ අඩුවෙනි. ඔහු ජලය ඉතිරි කළේ ඇගේ භාවිතය සඳහා ය. එහෙත් පළමු දින හමාර වෙත්ම වතුර බෝතලය අවසාන විය.

වෙහෙස නිසා අතරමගදී ඇඳුම් පාර්සලයද ඔව්හු අතහැර දැමූහ. අවසන් පාන් කැබැල්ල අනුභව කළ ඔවුන් දහස් ගණන් පිරිස සමග ඉදිරියට ඇවිදගෙන ගියේ තම ඉරණම කෙමරුජ් සංවිධානයට භාරදෙමිනි. එදා සිට මේ දක්වා ඔවුන්ගේ ජිවිත ගෙවී ගියේ බිය හා සැකය මැදිකොට ගෙනය.

ඇය යළිත් පියවි ලොවට පැමිණියේ රැකවලෙකුගේ කටහඬ නිසාය. අතීතය මතක් වීම නිසා ඇය බියට පත්වූවාය. අතීතය පිළිබඳ මතකය රෝගයක් බව කෙමරුජ්වරු කිවූ වදන් ඇයට සිහිවූවාය. අතීතය සිහිකිරීම දඬුවම් ලැබිය හැකි වරදකි. ඇය අතීත මතක තුළින් ඉවත් වුවාය.

එදින රාත්‍රියේ ඔවුන්ට කෙමරුජ්වරු විසින් සංවිධානය කළ අධ්‍යාපන පන්තියකට යෑමට නියම විය. එම නිසා මඳක් කලින් කුඹුරු වැඩ අවසන් කරන ලදී. ස්ත්‍රීන් හා පුරුෂයන් වෙන වෙනම උණ බම්බුවලින් සෑදු ශාලාවේ වාඩිවී සිටියහ. කෙමරුජ් නායකයෙක් මෙගා ෆෝනයක් අතේ දරාගෙන කථාවක් පැවැත්වීය.

අන්කා දහමේ ශ්‍රේෂ්ඨත්වය අනාගත කොමියුනිස්ට් රාජ්‍ය පන්ති රහිත, සමෘධිමත් ස්වයංපෝෂිත, දේශය පිළිබඳ ඔහු පැයක් පමණ කථා කළේය. එහෙත් සමෘධිමත් බව වෙනුවට මග දෙපස මළකඳන් හා දිරාගිය මිනිසුන් පමණක් ඉතිරි වී ඇති බවට ඇයට පැහැදිලි වූවාය. ඒ සමඟම ඇය කුස අතගෑවේ නූපන් දරුවා පිළිබඳව සෙනහසිනි.

තව ටික දවසකින් ඉපදීමට නියමිත දරුවාට හිමිවන්නේ විනාශවී ගිය දේශයකි. දරුවාගේ ඉරණම කුමක්වේදැය ඇය තුළ දැන් ඇත්තේ බියකි. ඇය සැමියා දෙස බැලූවේ යටි ඇසිනි. ඔහු නිසොල්මන්ව අන් අය අනුකරණය කරමින් දේශනයට සවන් දෙයි. අතරින් පතර විධානයන්ට අනුව අත්පොලසන් දීම හා ජය ඝෝෂා පැවැත්වීම කරන ලදී.

නායකයාගේ දේශනයෙන් පසු පස් හැවිරිදි ළමුන් පිරිසක් නැටුුමක් ඉදිරිපත් කළහ. පන්ති සතුරන් සංකේතවත් කළ එම ගමනේ සතුරන් ලෙස සැකසූ උණ බට වලට නොදරුවන්, ලීවලින් සාදන ලද පිහි වලින් පහර දුන්හ. ටිකිරි ළමුන්ගේ මුහුණේ වෛරය හා පළිගැනීම මනාව දිස්වීම නිසා ඇය තැතිගත්තාය. නොදරුවන්ට පවා මෙවැනි විෂ එන්නත් කළ හැක්කේ කෙසේද?

ළමුන්ගේ නැටුමෙන් පසු සියළුම වැඩිහිටියන් නැගිට ළමයින්ට හිස නමා ආචාරය කරන ලෙස අණ ලැබිණ. වැඩිහිටියෝ ළමයින්ට තම හිස නමා ආචාර කළහ. අධ්‍යාපන පන්තියේ අවසාන අවස්ථාව එළඹ තිබේ. තවත් නායකයෙකු කථා කළේ තර්ජනාත්මක විලාශයෙනි.

තවමත් පන්ති සතුරන්, විදේශීය ඔත්තුකරුවන්, අප අතර සිටින බව ඔහු කීවේ චෝදනාත්මක විලාශයෙනි. අතීතයේ වැරදි කල පුද්ගලයන්ට පාපොච්ඡාරණය කිරීමෙන් නිදහස් විය හැක. එසේ නොකරන්නේ නම් හිමිවන්නේ මරණයයි. ඔහු "මරණ දඬුවම යන පාඨය"දෙවරක් හඬ නගා කීවේය. අතීතයේ මහාචාර්යවරුන්, කථීකාචාර්යවරුන්, විශ්වවිද්‍යාල සිසුන්, නීතිඥයන්, විදේශිකයන් සමඟ ගනුදෙනු කළ අය වෙතොත් නැගිටින ලෙස ඔහු දැන්වීය. එසේ සත්‍ය පවසන්නන්ට නිදහස ප්‍රදානය කරනු ලැබේ.

කෙටි නිහැඬියාවකින් පසු පුද්ගලයන් දෙතුන් දෙනෙකු නැගිට තමන් විශ්වවිද්‍යාලවල සේවය කළ බව කීහ. තවත් අයෙක් භාෂා පරිවර්තකයෙකු ලෙස සේවය කළ බව පැවසුවේ දෙනෙත් බිමට යොමාගෙනය. ඔවුන් සියළු දෙනාටම ඉදිරියට එන ලෙස නියෝග ලැබුණි. ඔවුන් තමන්ට සමාව ලැඛෙනු ඇතැයි යන විශ්වාසයෙන් යුතුව ඉදිරියට ගියේය.

තම සැමියා දෙස බැලූවාය. ඔහු ටැක්සි රියැදුරෙකි. ඔහුගේ ටැක්සියේ ඇතැම් දිනවල විදේශිකයන්ද ගමන් කොට තිබේ. ඔහුට යාන්තමට ප්‍රංශබස කථාකල හැකිය.

සැමියාගේ ප්‍රතිචාරය කුමක්දැි ඇය විමසිලි මත් වූවාය. ඔහු දැන් නැගිට පපොච්චාරණය කොට සමාව ලබාගනු ඇතැයි ඇය බලාපොරොත්තු වුවාය. එහෙත් ඔහු නිසලව බිම බලා සිටියි.

අධ්‍යාපන පන්තිය අවසන් බවත්, දැන් රාත්‍රී නින්දට යා හැකි බවත්, නිවේදනය කෙරිණි. හෙට උදෑසන හතර වන විට සියළු දෙනා කුඹුරේ සිටිය යුතුය.

එදින රාත්‍රියේ තමන්ගේ කුඩා ගෙපැලේ ඇය සැමියාට තුරුළුව නිදාගත්තාය. පවුල් ජීවිත ගතකරන්නන් කෙරෙහි ලාබාල කෙමරුජ් භටයන් බලන්නේ සතුරු විලාශයකිනි. එම නිසා ඔවුන් ගෙපැලට ගොඩවූයේ එකවිට නොවේ. වෙන් වෙන් වශයෙනි.

පාපොච්චාරණය නොකළේ මන්දැයි ඇය සෙමිනි සැමියාගෙන් ඇසුවාය. ඇයට නිහඬ වන ලෙසට ඔහු කීවේ බියගත් හඬිනි. "ඔයා හිතතවාද මේ අයට සමාව ලැබෙයි කියලා" සැමියා සෙමෙන් ඇයට කෙඳුරුවේය. සැමියාගේ කථාව සත්‍ය බව ඇයට වැටහුණේ පසුදින කුඹුරට යන විටදීය. පෙරදා රාත්‍රියේ පාපොච්චාරණයකළ පුද්ගලයන් මහ මග මරාදමා තිබුණි. එක් අයෙකුගේ සිරුර ගසක එල්ලෙමින් තිබුණේය. ඒ පපොච්චාරණය කළ මිනිසාගේ සිරුර බව ඈ හැඳින ගත්තේ ඔහුගේ තට්ට හිස නිසාය. ඔහුගේ දෙනෙත් පිහියකින් හාරාදමා තිබුණි. අක‍ෂිබෝලය රහිත ලේ පිරිතිබූ කුහර දෙක නිසා මළ සිරුර බිය උපදවයි. එය දුටු ඇයට කෑගැසුණි. එහෙත් ඇය වහාම අතින් කට වසා ගත්තාය.

කුඹුරු වැඩ කළද ඇයට එම දර්ශනය අමතක කළ නොහැකි විය. ගසේ එල්ලෙන මළ සිරුර හා උගුල්ලා ඇති ඇස් දෙක ඇය වෙත ගෙන ආවේ බිය ජනක සිතිවිලිය. මෙම රුදුරු දසුන සති දෙකක් යනතුරු ඇයට සිහිනෙන් පවා පෙනුනි.

ඔවුන්ගේ දිවියේ කටුකබව එන්න එන්නම වැඩිවිය. වර්ෂා කාලය නිසා ඔවුන් කුඹුරු වැඩ කළේ සීතෙන් හා කුසගින්නෙන් තැවෙමිනි. දිනක් කුඹුරේ වැඩකරමින් සිටියදී ඇයට විළි රුදාව ඇතිවීම නිසා ඇය නියරක් උඩ හිඳ ගත්තාය. ඇසල සිටි රැකවලූන් ඇයට තුවක්කු මිටෙන් පහරදුන් අතර, එම පහර නිසා ඇය ක්ලාන්ත වූවාය. යළි ඇයට සිහිය එනවිට ඇයගේ දෙපා අසල ලේ හා වැදෑමහ දැකිය හැකිවිය. දරුවා මෙලොවට බිහිවී ඇත. ඇයගේ සැමියා උණ පතුරකින් පෙකණිවැල කැපීය.

දරුවාගේ දුබල හැඬිමේ හඬ කුඹුරු කොටන මිනිසුන් තුළ ඇතිකළේ අමුතු හැඟීම්ය. එහෙත් කිසිවෙකු ඇයගේ උදව්වට ආවේ නැත.

ඇය දරුවා තුරුල්කරගෙන ඔහුගේ හිස ඇයගේ උඩුකයින් වසා ගත්තේ වැසිවතුරෙන් ඔහු ආරක‍ෂා කර ගැනීමටය. මවගේ පියවුරු දරවා ඉරුවේ දුබල විලාශයෙනි. දුගීපෝෂණය නිසා දරුවාට ප්‍රමාණවත් කිරි ඇයට නොමැත.

දරුවා වැදූ නමුදු ඇයව කුඹුරුවැඩ වලින් නිදහස් වූයේ නැත. ළදරුවා මඳක් ලොකු වන විට කෙමරූජ්වරු දරුවා ගෙන යන බව මව හා පියා දැන සිටියහ. එහෙත් දරුවා දැනට තමන් ලඟ සිටීම ඔවුන්ට අස්වැසිල්ලකි. සෑම රාත්‍රියකම සැමියා දරුවාගේ හිස අතගෑවේ ඔහුගේ කෙට්ටු අත්වලිනි. එක් කරුණාවන්ත රැකවලෙක් ගෙනදුන් සහල් කැඳ කෝප්පය නිසා බිරිඳට ළදරුවාට කිරි දීමට හැකිවීම ඔහුට අස්වැසිල්ලකි. එහෙත් දරුවාද මන්දපෝෂණයෙන් පෙළුනි.

දරුවාට මාස තුනක් වූ කළ ඔවුන්ට යාබද ගම්මානයට යාමට නියම විය. ඔව්හු පයින්ම ගමන් ඇරඹූහ. ගොනා බැඳි කරත්තය ඔවුන් ඉදිරියෙන් ගිය අතර, එහි කැති, උදළු, පටවා තිබුණි. කරත්තය පසු පස දුබල ගැහැණු හා මිනිස්සු පනහක් පමණ ගමන් කළහ.

ඇය සැමියා සමඟ ගමන් කළාය. දරුවා ඇය වඩාගෙන සිටි අතර, දරුවා දෑත්වලින් මවගේ ගෙල බදාගෙන සිටියේය. හදිසියේම අතර මගදී කැමරුජ් ළමා සොල්දාදුවෙක් ඇගේ සැමියා නවතා ගත්තේය."උඹ ප්‍රතිවිප්ලවවාදියෙක් නේද? තවම ළමාවිය නොඉක්මවූ ළමා භටයා සැමියාගේ උදරයට AK47 අවිය එල්ල කලේය. සැමියා "නැත" කීවේය. සැමියාගේ දෙනෙත් වලින් භීතිය උතුරයි. ඔහු මොහොතකට ගොළු විය. ඔහු වෙනුවට ඇය පිළිතුරු දුන්නාය. "එයා දුප්පත් ගොවියෙක්. අපි අහිංසකයි." "බැල්ලි පලයං මැරුම් නොකා. අපි උඹෙන් නොවෙයි ඇහැව්වේ." ළමා සොල්දාදුවා ඇයට පිළිතුරු දුන්නේ කර්කශ විලසිනි.

මේ අතර තවත් ළමා සොල්දාදුවන් දෙදෙනෙකු සැමියාගේ දෑත් බැඳ දමා ඔහුට උණබට වලින් පහර දුන්හ. සැමියා අත් අඩංගුවට ගැනීම නිසා කම්පනයට පත් වූ ස්ත්‍රිය අ~මින් අනුකම්පාව අයැද සිටියාය. එහෙත් ඔව්හු ඇයට නිහ~ව පිරිස සමඟ ඉදිරියට යනලෙස නියෝග කළහ.

තම සැමියා අත්හැරදමා යාමට අකමැතිවූ ගැහැණිය එක අතකින් දරුවා වඩාගෙන අනෙක් අතින් සැමියා බදාගත්තාය. ඇයටද "බැල්ලි, පලයං යන්න. නැත්නම් උඹවත් මෙතනම මරණවා." කියමින් ඔවුන් කළේ හිස් තර්ජනයක් නොවේ.

අඹුසැමි යුවළට සිදුවූ වින්නැහිය නුදුටුවාක් මෙන් අනෙකුත් මිනිසුන් සිය දෙනෙක් බිමට යොමු කරගෙන ගොන් කරත්තය පිටුපස ගමන් කළහ.

කෙමරුජ් භටයන්ගේ පහරවල් ළමයාට වැදේයැයි සිතාගත් ඇය දරුවා පපුවට තුරුළුකර ගත්තාය. සැමියාට මෙන්ම ඇයටද පොලූ පහර වැදුණි. "ඔයා යන්න සැමියා ඇයදෙස බලා කීවේ උණබට වලින් මුහුණේ මතුවූ තුවාල අතින් වසාගනිමිනි. "ළමයාගේ ජීවිතය බේරාගන්න මාව මෙතන දාල යන්න" ඔහු ඉතා තදින් බිරිඳට කීවේය. එහෙත් ඇය ඔහු අසලම දැවටි දැවටී සිටින්නීය. "ළමයාගේ ජීවිතයට ආදරය තියෙනවා නං නම් ඔයා යන්න" නැත්නම් ළමයාවත් මරයි. යන්න. යන්න. ඔහු දුබල හඬින් කීවේය. ඇයව තල්ලූ කළේය.

ඇයට දැන් කළහැකි දෙයක් නැත. සැමියා කෙමරූජ් භටයන් අතර තනිකරදමා ඇය ඉදිරියේ යන කරත්තය පසුපස ගියාය. එහෙත් වරින් වර ඇය දරුවා පපුවට තදකරගනිමින්, සැමියා දෙස බලමින්, සුසුම් හෙළමින් ඇවිද ගියාය. සොල්දාදුවෝ සැමියාගේ කමිසය ඉරාදමා ඔහුට දණින් වැටෙන ලෙසට නියෝග කළහ. ඔහු නිහ~ව දණින්වැටී දෑස් පියාගත්තේය. ළමා සොල්දාදුවෙක් මන්නයක් ගෙන ඔහුගේ ඛෙල්ලට වැරෙන් පහරක් එල්ල කළේය.

සැමියා බිම වැටී සිටිනු ඇය දුටුවාය. එහෙත් ඔහු අසලට යාම යනු දරුවාගේ මරණ වරෙන්තුව ලියා ගැනීමකි. ඇය අවසන් වරට සැමියා දෙස බලා පිරිස අතර සැඟවුණාය. ඔවුන් ඉදිරියටම ගිය අතර, ගෙලකපා දමා තිබූ මිනිසාගේ මළ සිරුර කබරුන්ට ආහාර පිණිස අසල කැලෑවට ඇද දමන ලදී. සැමියා යළි දකින්නට නොලැඛෙන බව ඇයට සක්සුදක්සේ පැහැදිලිය. ඔහු මරා දමනු ලැබීය. ඇයට ඇය ගැන හා ළදරුවා ගැන බියක් දැනේ. ජීවිතයේ සියලූ බලාපොරොත්තු බිඳ වැටී ඇති නමුදු ළදරුවා නිසා ඇය ජීවත් විය යුතුවිය.

මාස හයක් පමණ ගෙවී ගියේ කිසිඳු වෙනසකින් තොරවය. අධික වැඩ සුළු ආහාර ප්‍රමාණය නිසා ඔවුන්ගේ ජීවිත දියවී ගොසිනි. ඇය ජීවන අපේක්ෂා වලින් තොරව වැඩ කළේ යන්ත්‍රයක් පරිද්දෙනි. නියර අසල දරුවා තබා ඇය උදැල්ල ගෙන අනිකුත් පිරිස සමඟ කරට කර වැඩ කළාය. වරක් නියර මත තැබූ දරුවා හ~න්නට වූයෙන් ඇය උදැල්ල පසෙක ලා දරුවා වඩාගත්තාය. මෙය දුටු රැකවලෙක් ඇයට පා පහරක් දුන්නේය. ඇයගේ අතින් දරුවා විසිවිය. ඇගේ හිස බිම ඇණුනේය. හිසෙන් ගලන ලේද නොතකා, බිම වැටීම නිසා වේදනාවෙන් හ~න දරුවා තුරුල්කර ගත්තාය. මෙය දුටු රැකවලා තවත් කිපුණි.

"බැල්ලි වැඩකරන්නේ නැතුව ළමයි නළවනවා. හිටපිය තොට" කියමින් ඔහු ළදරුවාගේ අතක් අල්ලා ඇද්දේය. වේදනාව නිසා දරුවාගේ හැඬීම තීව්‍ර විය. ඇය ළදරුවාගේ දෙපා තදින් අල්ලාගෙන සිටිය නමුදු රැකවලා දරුවගේ අතින් ඇදීම නිසා ඔහුගේ අත කැඩීයනු ඇතැයි බියෙන් ඇය තම ග්‍රහණය බුරුල් කළාය. මොහොතකදී දරුවා රැකවලාගේ අතේ විය.

ඇය දනින්වැටී අනුකම්පාව ඇයදියාය. රකුසු සිනාවකින් මුව සරසා ගත් රැකවලා දරුවාගේ දෙපාවලින් අල්ලාගන නියර අසල තිබූ ගස වෙත ගෙන ගියේය. "බැල්ලි, හොඳට බලාගනින්" ඔහු ළදරුවාගේ දෙපා තදින් අල්ලාගෙන, ඔහු ඔසවා ගසේ කඳේ දරුවාගේ හිස ගැසීය. ළදරුවාගේ බිඳුණු හිස මොළයේ කැබලි ලේ සමඟ ගසේ කඳේද, ඒ අවට පඳුරු වලටද විසිවී ගියේය.

මොහොතක් තුළ සිදුවූ දර්ශනය ඇයට සිහිනයක් මෙන් විය. ඔව්හු ඇගේ සැමියා මරා දැමූහ. දැන් ඇයගේ ඇස් ඉදිරියේ අහිංසක කිරි දරුවා මරා දමා ඇත.

ඇය කුඹුරේ ඇද වැටුණේ අසිහියෙනි. එහෙත් ඇය දෑස් පියාගත්තේ නැත. මුලූ ලොවම කැරකෙන්නා සේ ඇයට දැනේ. "ගැණියේ පස්සේ නිදාගනිං. දැන් කුඹුර කොටපන්" රැකවලා ඇයගේ ඉළ ඇටවලට පයින් ඇන්නේය. එහෙත් ඇයට වේදනාව දැනුණේ නැත. ඇය නිසලව වැටී සිටියා පමණි. "අන්තිම පාර මම කියන්නෙ" ඔහු උරයේ තිබූ තුවක්කුව අතට ගත්තේය. ඇයට බියක් නොදැනුනි. ඇය හිස් අහස දෙස බලා උන්නාය. හිසට උඩින් මානා තිඛෙන තුවක්කුව ඇය දුටුවේ තම දුක් කම්කටොළු අවසන් කිරීමට හැකි මෙවලමක් ලෙසටය. ඇය නිසලව වැතිර සිටියා මිස කිසිවක් කීවේ නැත.

රැකවලා ඇයගේ නළලට තුවක්කුව එල්ල කොට කොකා ගැස්සුවේය."ඩුම්" ශබ්දය සමග ඇගේ හිස සුණුවිසුණු වී ගියේය. කුඹුරු වැඩකරමින් සිටි කිසිවෙකු හිස ඔසවා බැලූවේ නැත. යාන්ත්‍රික මිනිසුන් මෙන් ඔවුන් පොළොව කෙටුවා පමණි.

"ඒයි"; රැකවලා අසල සිටි මිනිසෙකුට කථා කළේය. "මේ ගෑණිවයි අර මැරිච්ච කොල්ලගේ මළකුණයි වලලලා දාපන්" හේ හිස නමා රැකවලාට කීකරු විය. මියගිය ගෑණියගේ කෙට්ටු දෙපා වලින් ඇදගෙන ගොස් ඇයගේ මෘත ශරීරය අසල පඳුර ළඟට ගෙන ගියේය. ඉක්බිති හිසසුන් දරුවාගේ මළ කඳද එතැනට ගෙන ආවේය. ඉන්පසු ඔහු වළක් කපා දෙදෙනාගේම මළ සිරුර වළලා දැම්මේය.

අපි රහසින් තායි දේශසීමාවට පළා ගියෙමු.

අපි පළායාමට තීරණය කළෙමු. කෙමරුජ්වරුන්ගේ තර්ජන, ගර්ජන, උත්සන්න මෙවින් පැවතිණි. තව සුළු කාලයක් තුළදී ඔවුන් අප මරා දමනු ඇත.

අපගේ කණ්ඩායමට පුද්ගලයන් හය දෙනෙකු අයත් වූහ. ඔව්හු සියළුදෙනාම 1975 අප්‍රේල් 17 වෙනි දිනට පෙර ඵලදායි ජීවිත ගතකළ මධ්‍යම පාන්තිකයන් වූහ. හොඳ අධ්‍යාපනයක් ලබා සිටි අප අතරින් තිදෙනෙකුට හොඳින් ප්‍රංශ භාෂාව කථාකළ හැකිවිය. කුඹුරු වැඩ කිරීමත්, කෙමරූජ් රැස්වීම් වලදී ජයඝෝෂා පැවැත්වීමත්, අපි කළෙමු. එසේම ඔවුන්ගේ සැකයට තුඩුදෙන යමක් නොකිරීමට අපි පරිස්සම් වූයෙමු.

අඩු ආහාර ප්‍රමාණය ලබාදීම නිසා අපගේ ශරීර ශක්තිය හීනවන්ට විය. පළායන්නට නම් අපගේ ශරීර ශක්තිමත් විය යුතුය. නැතහොත් අප අතරමග මිය යනු ඇත. අප අතර සිටි හිටපු ගුරුවරයෙකුට භූගෝල ශාස්ත්‍රය පිළිබඳ හොඳ දැනීමක් තිබුණි. තායි දේශසීමාවට යාමට යා යුතු දිශාව ඔහු අපට කියා දුන්නේය. අපට සැතපුම් සියගණනක් පයින්ම යාමට සිදුවේ. කෘෘර කෙමරුජ්වරු යටතේ වහල්වැඩ කිරීමට වඩා දිවිගලවාගෙන පැනයාම මැනවි. අපි සියළු කටයුතු සම්පාදනය කළෙමු.

ඇඳුම් තුල වී කරල් සඟවා ගෙනත් තබා රැස්කළෙමු. මෙය ඉතාම අවදානම් ක්‍රියාවක් විය. යම් ලෙසකින් රැකවලූන් එය දුටුවේ නම් ඔවුන් අප මරා දමනු නියතය. මියගිය මිනිසුන් ගේ පාවහන්, කුඩා පෑන පිහියක්, පන්මල්ලක් අපි සොයා ගත්තෙමු. මේවා යාබද කැලෑවේ සඟවා තබන ලදී.

පලායාම පිළිබඳව අප කොඳුරා හෝ අප කරුණු කථා නොකළේ යමෙකු එය අසා අපව පාවා දෙනු ඇතැයි යන බියෙනි. ඇතැම් සංවාද කෙරුණේ දෙනතින් හා හස්ත මුද්‍රාවෙනි.

දැඩි වර්ෂාව පටන් ගත්විට අපි තෙතබරි වීමු. එහෙත් ඔව්හු අපට කුඹුරුවැඩ කිරිමට බල කළහ. මොර සූරන වැස්සේ අපි කුඹුරු කෙටුවෙමු. වැස්ස නිසා රැකවල්ලූ ඈත මඩුවට ගොස් වැස්ස නවතින තුරු සිටියහ. ඒ අවස්ථාවේ දී අපි කැලයට පැනගත්තෙමු.

ගුරුවරයාගේ මග පෙන්වීම ඔස්සේ අප අඳුරේම ඉදිරියට ගමන් කළෙමු. මේ ගමන අතිශයින්ම අවදානම් විය. කෙමරුජ්වරුන්ගේ ගම්මාන මගහරිමින් කැලෑව අතරින් ගමන් කිරිමට අපට සිදුවිය. බිම්බෝම්බ නිසා අප භූමිය මත ඇවිදගන ගියේ චකිතයෙනි. හැකිතරම් දුරට අප සිටි ගමෙන් ඈතට පළායෑම අපගේ මූලික අභිලාශය විය. මුළු රාත්‍රියේම අපි ගමන් කළෙමු. වෙහෙස සාගින්න අප අඩපණ කළද දිවිගලවා ගැනීමේ ආශාව නිසා අපි ගමන් කළෙමු.

අප පළාගිය බව දැනගත්විය කෙමරූජ් භටයන් අප සෙයා එනු නිසැකය. ඔවුන් අතින් කෘෘර මරණයට ගොදුරුවෙනවාට වඩා බිම් බෝම්බයට අසුවී මියයාම යෙහෙකි යැයි අපට සිතිනි.

අපගේ කණ්ඩායමේ එක් අයෙකු තව දුරටත් ගමන් කරනු නොහැකිව අධික වෙහෙස නිසා ගසක්යට වැතුරිනි. අපට ඔහු ඔසවාගෙන යෑමට ශක්තියක් නොවීය. අකමැත්තෙන් වුවද එම අසරණයා කැළයේ තනිකොට අපි ඉදිරියට ගියෙමු. අතරමගදී අප ආහාර වශයෙන් ගත්තේ කැලෑකොළ පමණි. කුඩා වතුර වලවල්වලින් වතුර පානය කළෙමු. මෙලෙස නොකඩවා පැය විසිහතරකට අධික කාලයක් කැලය තුළ ගමන් කිරීම නිසා අපගේ ශරීරවලට දැඩි වෙහෙසක් දැනිනි. අපි පසුදින කැලයේ වැතිරී අඳුර වැටෙන තෙක් සිටියෙමු. අපගේ කන්ඩායමේ සිටි අයෙකු ගලකින් ගසා කුරුල්ලෙකු මරා දැමීය. අපි කුරුල්ලාගේ මස් අමුවෙන්ම අනුභව කළෙමු. එක් අයෙකුට කුරුළුමාංශ යන්තමින් දිවේ ගාගැනීමට ප්‍රමානවත් විය. අපි කුරුල්ලාගේ තටුද වීසි නොකෙළෙමු. ඒවාද කා දැමුවෙමු. අඳුර වැටුණ වහාම යළි අපි පිටත් වූයෙමු. අප ගමන් කළේ සෙමිනි. මිනිස් කටහ~ක් ඇසුණු වහාම අප පඳුරුතුළ සැඟවුනේ අධික බියකිනි.

අප දින තුනක් පමණ ගමන් කර තිබුණි. එහෙත් තායිදේශ සීමාව තව බොහෝ දුරය. අපගේ ශක්තිය සිඳී ඇත. අපි අසරණව වැතිර සිටියෙමු. දැඩි වෙහෙස නිසා අප කණ්ඩායමේ දෙදෙනෙක් ගමන් කිරීමට නොහැකි ලෙස අසනීප විය. අපි ඔවුන් දෙදෙනා අසීරුවෙන් කරතබාගෙන ගියෙමු. එහෙත් දැන් අපගේ ශරීර ශක්තිය වියැකී යමින් පවතී. අසනීප වූ දෙදෙනාගෙන් එක් අයෙකු අවසන් හුස්ම හෙළීය. වෙනැන්නා තමා අතහැර පළායන ලෙස අපට කීය. අපි ඔහුගේ ඉරණම අඳුරු වනයට භාරදී ගියෙමු. දැන් අපගේ කණ්ඩායමේ ඇත්තේ තිදෙනෙකු පමණි.

මෙසේ ගමන් කළ අපි ජනාවාස ප්‍රදේශයකට පැමිණියෙමු. මෙය කෙමරූජ්වරුන්ගේ තිප්පලකි. රාත්‍රි අඳුර ගලන තෙක් පඳුරක සැඟවී සිටි අපි රාත්‍රිය සමඟ ජනාවාසය හරහා යළි ඉදිරියට ගමන් කළෙමු. අප මඩවී ගිය කුඹුරු හරහා බඩගාගෙන ගියේ ශබ්ද නොනැගෙන ලෙසටය. මුරට සිටින භටයෙකු අප දුටුව හොත් මරණය නියතය.

ජනාවාස ප්‍රදේශය පසු කිරිමෙන් පසු අප යළි අවතීර්ණ වූයේ කැලෑ ප්‍රදේශයටකටය. අපි තව දින තුනක් මෙලෙස ගමන් කළෙමු. සෙමෙන් සෙමෙන් ඉදිරියට යන අපට හමුවූයේ විශාල කන්දකි. කන්ද තරණය කිරීම අපගේ මීළඟ කර්තව්‍ය විය.

කන්දට නැගගත්විට අපට පහත තායි දේශසීමාව පෙනුනි. ඇත්තෙන්ම එම දර්ශනය නිසා අපට අපගේ වෙහෙසද අමතක විය. මොහෙතක් වත් කාලය නාස්ති නොකළ අපි එම දේශසීමාව කරා ගියෙමු. දේශසීමාව ආසන්නයේ බිම් බෝම්බ අතුරා ඇති නිසා අප ගමන් කළේ ඉතා ප්‍රවේශමිනි. අවසානයේදී අප තිදෙනා තායිලන්තයට ගියෙමු.

තායි දේශසීමා භටයෝ අප රතුකුරුස කඳවුරකට ගෙන ගියහ. ඒ වනවිට අප අඩක් මියගිය ඇටසැකිළි මෙන් විය. ඔව්හු අපට කුසපුරා ආහාර දුන්හ. ඇඳුම් පැළඳුම් දුන්හ. අප අපගේ නිදහස ලබා ගත්තේ ඉතා අසීරුවෙනි. ජිවිත තුනක් බිලි දීමෙනි. එහෙත් එම නිදහස මෙලොව ඇති සෑම දෙයකටම වඩා වටියි.

දඬුවම මරණයයි

කෙමරූජ්වරු ඔවුන්ට අවශ්‍ය අන්දමට මරණදඬුවම පැනවීය. මෙම දඬුවම් කිසිම සදාචාර නීතියකට අයත් වූයේ නැත. උදාහරණයක් ලෙස එක් ගමක සිට තවත් ගමකට අනවසරයෙන් යෑම, තමා ළඟ ආහාර ස්වල්පයක් හෝ සඟවා තබා ගැනීම, එසේම මාළු ඇල්ලූ මිනිසුන්, කකුළුවන් අතේ තබාගෙන සිටි මිනිසුන්, මීයන්, හූනන් හා ගොළුඛෙල්ලන් අනුභව කළ මිනිසුන්, මේ කෙමරූජ්වරු මරණදඬුවම් නියම කළ කරුණුය. මේ වැරදිවලට අසුවූ අය ජනතා සතුරන් ලෙස ලේබල් ගැසුණි.

මිනිසුන් කුඹුරුවැඩ සඳහා යාමේදි ඉදිරියෙන් හරකුන් දැක්වූ අතර, මිනිසුන්ට දකුණු පැත්තෙන් යාමට නියෝග ලැබී තිබුණි. යම් ලෙසකින් මෙය අමතකවී මිනිසෙකු වම්පැත්තෙන් ගමන් කලවිට ඔහුද ජනතා සතුරෙකු ලෙස චෝදනා කර මරා දමන ලදී. ප්‍රේම සබඳතා පැවැත්වීම, ලිංගික සබඳතා පැවැත්වීම මරණ දඬුවමට යටත්විය.

මගේ විශ්වාසය බිඳ දැමීමට ඔවුන්ට නොහැකි විය- (බෞද්ධ භික්ෂුවක්)

පොල්පොට් කම්පුචියාවේ බලය අල්ලාගන්නාවිට මම තරුණ බෞද්ධ භික‍ෂුවක් වූයෙමි. ඔවුහු අපගේ පන්සලට කඩාවැදී පිළිම විනාශ කළහ. කෙමරුජ් භටයෝ කුළුගෙඩි පහර දී බුදු පිළිම කඩා බිඳ දැමූහ. මා ඇතුළු තවත් භික‍ෂූන් හතර දෙනෙකු ලොරියක දැමූ අතර, අපගේ නායක වයෝවෘධ භික‍ෂුවට පන්සල ඉදිරිපිට දීම වෙඩිතබා මරා දමන ලදී.

ලොරිය ගමන් කරන අතරතුරු ඔවුන් අපට උණබට වලින් පහර දුන්හ. පහර කෑම නිසා අපගේ ඔළු පැලී ලේ වහනය විය. ඉක්බිති ඔවුන් වේදනාවෙන් බිම වැතිරී සිටින අපගේ ඇග වලට මුත්‍රා කළහ.  නුඹලා සමාජ විලෝපිකයන් යනුවෙන් කෙමරුජ්වරු අපට පරිභව කරමින් අපගේ සිවුරු ගලවා දමන්නට වූහ. නිරුවත් කළ මා හා අනෙකුත් භික්ෂූනට කළු පැහැති කඩමලූවී ගිය ඇඳුම් ඇඳීමට නියම කරන ලදී. මරා දමනු ඇතැයි යන බිය නිසා අපි නිහ~වම ගිහි ඇඳුම් ඇඳගත්තෙමු.

"සමාජ විලෝපිකයිනි, බැහැපියව් කුඹුරට, ජනතාව වෙනුවෙන් වැඩ කරපියව්"යනුවෙන් නියෝගකොට, කෙමරුජ් භටයෝ අප කුඹුරු වැඩ සඳහා යෙදවූහ. මෙලෙස වසර දෙකකටත් වඩා වැඩි කලක් මම කුඹුරු වැඩ කළෙමි. උණෙන් හා පාචනයෙන් මගේ සහෝදර භික‍ෂූහු ජිවිතය අවසන් කළහ. මා පමණක් ඉතිරිවූ අතර, සෑම දවාලක්ම හා රාත්‍රියක්ම ගෙවී ගියේ බිය, අවිනිශ්චිතතාව, වදයට ලක් කිරීම, මධ්‍යයේය.

අපට දිනකට කෑමට ලැබුණේ සහල් තේ හැඳි දෙක තුනක් දමා පිළියෙල කළ කැඳ කෝප්ප දෙකක් පමණි. එහෙත් අපි දිනකට පැය දහඅටක් බරවැඩ කළෙමු. මගේ ශරීරය මස් හා මේදය ක්ෂයවී කටු මතුවිය. මගේ ශරීරය බුදුන්වහන්සේ දුෂ්කර ක්‍රියා සිදුකළ සමයේ මෙන් දිරා ගියේය. රහසින් කැලෑකොළ ස්වල්පයක් අනුභව කරමින් අපි දිවි රැකගත්තෙමු.

සෑම රාත්‍රියකම මම රහසින් ගාථා පාඨ කීවේ "යම් දිනක යළි සිවුරට යමි" යන අධිෂ්ඨානයෙනි. මෙම අසීරු කාලය ගත කිරිමට මට බුදුන්වහන්සේගේ ධර්මය, අනිත්‍ය, පිළිබඳව තේරුම් ගියේය. කෘෂවී හා වධබන්දනයට ලක්වන මගේ ශරීරය සැබවින්ම මගේ නොවන යන බෞද්ධ සංකල්පය ඔස්සේ තේරුම්ගැනීමට මම වෑයම් කළෙමි. මා මේ මොහොතේ පවතින්නේද යන්න තේරුම් ගැනීමට උත්සාහ කළෙමි. කෙසේ හෝ මගේ ශරීර ස්කන්ධයට අයිතිවාසිකම් කීමට කෙමරූජ්වරුන්ට නොහැකි බව මට පසක් විය. ඔවුන් අපට උගැන්වූ අන්කා ධර්මයට මගේ විශ්වාසය බිඳ හෙළීමට නොහැකි විය. ඔවුන්ගේ දර්ශනයේ නිසරු බව මට වැටහිණි. කොපමණ වදහිංසා ලැබූවත් මගේ අධ්‍යාත්මය බුද්ධ ධර්මය සමඟ බැඳී පැවතුණි.

ඔවුන් මට පහරදී අපහාස කළ විට මම කෝප නොවූවෙමි. මම උපේක‍ෂාවෙන් සිටියෙමි. මගේ පෞරුෂය වඩා වඩාත් ශක්තිමත් වනු මම අත්දුටුවෙමි. අසීරුවෙන් කුඹුරුවැඩ කරන විට මම මෛත්‍රී භාවනාව ප්‍රගුණ කළෙමි. හැකි අවස්ථාවල සමථ භාවනාව වැඩූයෙමි. එමගින් මගේ ශරීර කූඩූවට පත්වූ තිඛෙන අභාග්‍යය ජය ගැනීමට මට හැකිවිය.

කෙමරුජ්වරු පරාදවීමෙන් පසු මම යළි මගේ පන්සලට ගියෙමි. එතැන තිබුණේ සුන් බුන් ගොඩක් පමණි. යළි පන්සල ප්‍රතිසංස්කරණය කළ මම යළි සිවුරු හැඳ ගතිමි. කෙමරුජ්වරුන්ට මගේ අධ්‍යාත්මය විනාශ කිරීමට නොහැකි විය. මා මෙන්ම කුඹුරු වැඩට යෙදවූ භික‍ෂූහු යලි සසුන්ගතවූහ. 2006 වසර වන විට කම්පුචියාවේ භික්ෂූන් වහන්සේලා 59,470 ක් සිටි බව වාර්තා විය.

මිනිසුන් දිවිනසාගත් අයුරු මම දුටිමි. - ළමා සාක්ෂි කරුවෙක්

කෙමරූජ්වරු බලයට එනවිට මගේ වයස අවුරුදු අටකි. ඉන්පසු අපට අත්වූයේ දුඃඛදායක ඉරණමකි. දෙමාපියන්ගෙන් ඈත්කළ මා කඳවුරකට ගෙනයනු ලැබීය. ළමා සිතකට ඉසිලිය නොහැකි වේදනා දැරීමට මට සිදුවිය. කඳවුරේදී කෙමරුජ් භටයන් අහිංසකයන්ට වදදෙනු මම දුටිමි. ආහාර ගැනීමට භාවිතා කරන කූරු :ක‍යදච ීඑසජනි- මිනිසුන්ගේ කන් තුළට ගැසීම, ඇඟිලි අතපය කපා දැමීම නිබඳවම සිදුවිය. මෙම වද වේදනා නිසා මිනිසුන් කිහිප දෙනෙක් ගස්වල එල්ලී සියදිවි හානිකර ගත්හ. එය ඉතා භයානක දර්ශනයක් විය.

ඔවුන්ගේ මුහුණුවල තිබුණේ දුක්ඛදායක බලාපොරොත්තු කඩවූ පෙනුමකි. ඔව්හු සාමුහිකව දිවි නසාගත්හ. මෙවැනි දිවි නසා ගැනීම් එකල සුලබ විය. ගස්වල එල්ලී තිඛෙන මළ සිරුරු නිබඳවම දැකිය හැකිවිය. කෙමරුජ්වරුන්ගෙන් නිදහස ලබා ගැනීමට කළයුතු එකම දේ එය බව ඔවුන් සිතුවා විය හැකිය. දුක්කරදර තිබුණාද මම ජීවත් වීමට හැකි තරම් වෑයම් කළෙමි. ඔවුන්ගේ අණට කීකරුවෙමින් පක‍ෂපාතිත්වය පෙන්වූයෙමි. ඇතැම් ළමයින්ට ඔවුන්ගේ දෙමාපියන් සහෝදර සහෝදරියන් මරා දැමීම සඳහා බල කෙරුණි. වරක් එක් ළමයෙන් කෙමරුජ්වරුන්ගේ බල කිරීම නිසා තම පියාට වෙඩි තැබුවේය.

ගංගාවල දිනපතාම මිනී පාවීගෙන ආවේය. ඇතැම් අවස්ථාවල කුණුවී ගිය මළ සිරුරු ඉවුරුවල දැකගත හැකි විය. ඔව්හු අපවැනි ළමුන්ගේ මොළය විශෝෂධනයට ලක් කළහ. අපට බරවැඩ නියම කෙරිණි. කුඹුරුවල වී කෑමට එන මීයන් මැරිමට මට නියම විය. කෙවිටක් ගත් මම මීයන් මැරුවෙමි. ඇතැම් ශ්‍රමිකයන් මෙම මළ මීයන්ගේ මස් අමුවෙන්ම අනුභව කළේ රහසින්ය.

වියට්නාම් ආක්‍රමණයෙන් පසු කෙමරුජ්වරු පලා ගියහ. මම සරණාගතයන් සමඟ තායිලන්තයට ගියෙමි. මගදී රතුකුරුස සංවිධානය විසින් අපට ආහාර දුන් අතර, අවසානයේදී මා සුරක‍ෂිත බව මට වැටහිණි.

2008 පෙබරවාරි - Duch ප්‍රකාශය

2008 පෙබරවාරි 11 දින The Independent පුවත්පත්තේ හිටපු වධකාගාර පාලක Dutch හෙවත් Kang Kech Eev විසින් ප්‍රකාශයක් කරන ලදී.

Toul Sleng වධකාගාරයේ ඔවුන්ගේ ඉරණම තීරණය විය. අත්අඩංගුවට ගත් පුද්ගලයන් මුලින්ම මානසික වශයෙන් බිඳ දමන ලදී. ඔවුන් පැමිණ ඇත්තේ යළිත් පණ පිටින් පිටවීමට නොහැකි සිරගෙයකට බව ඔවුන් අවබෝධ කරගන්නා ලදී. කිසිඳු පිළිතුරකින් ඔවුන්ගේ මරණය ප්‍රමාද කළ නොහැකි විය. දිවිගලවා ගැනීමට සුදුසු කිසිවෙකු අපවෙත එව්වේ නැත. " සෑම පුද්ගලයෙකුම සැක කරනු. සෑම දෙයක් ගැනම සැකෙන් බලනු"පොල්පොට් මට පෞද්ගලිකවම කීය. ඔවුන්ගෙන් ප්‍රශ්න කළ කරුණු යළි ප්‍රශ්න කරනු" මේ ඔහු විසින් මට දුන් නියෝගයන්ය.

මා මේ වධකාගාරයේ පාළකයා වුවද මා ඉටුකළේ නායකත්වයේ අණයි. මාද පොදු නියෝග වලට යටත් වූ පුද්ගලයෙකු විය. මට පැන යාමට නොහැකි විය. එසේ පැන ගියේ නම් ඔවුන් මගේ දරු පවුල විනාශ කරනු ඇත. වධකාගාරයේ කටයුතු අධීක‍ෂණයට ඔව්හු නිතර පැමිණියහ. විශේෂයෙන් Ta Mok සිරකරුවන් මරා දමන ලෙස මට නියෝග දුන්නේය.

සිරකරුවන් ප්‍රශ්න කිරීමේදී අපි ඔවුන්ට පහර දුන්නෙමු. ඇතැම්විට විදුලි ප්‍රහාරයටද ලක් කළෙමු. සෑම අයෙකුගේම සත්‍යය ලබාගත යුතු බවට නියෝග පනවා තිබුණි. එම නිසා සිරකරුවන් වධයට පත් කිරීමට සිදුවිය. ඔවුන් කියන ලද සියළු ප්‍රකාශයන් ලියාගන්නා ලදී. එම ප්‍රකාශ ආශ්‍රයෙන් යළි අපි ප්‍රශ්න කළෙමු. මෙම ප්‍රශ්න කිරීම් අතර තුරදී සමහරෙක් මිය ගියහ.

මා කළේ ඔවුන්ගේ නියෝග කි්‍රයාවේ යෙදවීම පමණයි. Tuol Sleng වධකාගාරයේ හිටපු පාලක Dutch මෙසේ පවසා තිබුණේ The Independent පුවත්පතේ මාධ්‍යවේදී Valerio Pellizzari හටය.

කෙමරුජ් ජාතික ගීය අප්‍රේල් 17 දින ගැන පවසයි.

කෙමරුජ් ජාතික ගිය 1975 අප්‍රේල් 17 දින ගලාගිය රුධිරය හා වහල්භාවයෙන් නිදහස් වීම ගැන පවසයි. වඩා යහපත් සමාජයක් බිහි කිරීමට අප්‍රේල් 17 දින ලැබූ පන්නරය ගැන පවසන මෙම ජාතික ගීය කෙමරුජ් උත්සව වලදී ගායනා කරනු ලැබීය. එහෙත් අප්‍රේල් 17 දින කම්පුචියාවේ අවාසනාවන්ත ඛේදවාචකයේ ආරම්භය බව ඉතිහාසය විසින් සනාථ කරන ලදී. එම ගීයේ ඉංග්‍රීසි අනුවාදය පහත දැක්වේ.

Anthem of democratic Kampuchea : Dap Prampi Mesa Chokchey

(Englich : Glorious Seventeenth of April)

The bright red blood was spilled over the towns

And over the plain of Kampuchea, our motheriand,

the blood of our good workers and farmers and of

Our revolutionary combatants, of both men and women.

Their blood produced a great anger and the courage

To contend with heroism.

On the 17th of April, under the revolutionary banner,

Their blood freed us grom the state of slavery.

Hurrah for the glorious 17th April!

That wonderful victory had greater significance

Than the Angkor period!

We are uniting

To constuct a Kanpuchea with a new and better society,

Democratic, egalitarian and just.

We follow the road to a firmly-based independence. 

We absolutely guarantee to defend our motheriand,

Our fine territory, our Magnificent revolution!

Hurrah for the new Kampuchea,

A splendid, democratic land of plenty!

We guarantee to raise aloft and wave the red bbanner of the revolution.

We shall make our motherland prosperous beyond all others,

Magnificent, wonderful

Hun Sen ගේ අසාර්ථක වූ වෑයම.

හිටපු කෙමරූජ් කායකයකු වූ Hun Sen පොල්පොට් අතහැර වියට්නාමයට පළා ගියේය. වියට්නාම් ආධාර ඇතිව කෙමරූජ්වරු පළවා හැර කම්පුචියාවේ අගමැති ධූරයට පත්වීමට ඔහුට හැකිවිය. එම නිසා ඔහුගේ විරුද්ධවාදීන් Hun Sen වියට්නාම් රූකඩයෙකු ලෙස හැඳින්වූනි.

ඔහු 1975 නොන්පෙන් නගරය අල්ලා ගැනීමට සටන් කළේය. එහිදී ඔහුගේ ඇසක් බරපතල ලෙස තුවාල විය. බොහෝ කාලයක් කෙමරූජ්වරුන් සමඟ වැඩ කිරීමෙන් පසු ඔවුන්ගේ ක්‍රියා කලාපය කෙරෙහි කළ කිරුනු Sun Sen රහසින් වියට් නාමය සමඟ සබඳතා ඇතිකරගත්තේය. අනතුරුව ඔහු තම සහයක පිරිස් සමඟ වියට්නාමයට පළාවිත් පොල්පොට්ට එදිරිව සටන් කළේය.

අගමැති ධූරයට පත් වූ පසු Hun Sen කෙමරූජ් නායකයන් අධිකරණයට ගෙන ඒමට කටයුතු කළ නමුදු ඇතැම් නීරීක්ෂකයන් පෙන්වාදුන් අන්දමට ඔහු කෙමරූජ් ජන ඝාතන අධිකරණ ක්‍රියාදාමය ප්‍රමාද කළේය. මීට හේතු ලෙස ඔවුන් පෙන්වා දෙන්නේ අධිකරණ ක්‍රියාවලියකදී Hun Sen කෙමරූජ් පාක්ෂිකයෙකුව සිටි සමයේ සිදුකළ ඝාතන පිළිබඳ රහස් එළිවීමට තිබූ ඇති හැකියාව නිසාවෙනි.

එක්සත් ජාතීන්ගේ විනිශ්චයකැරවන් වෙනුවෙන් කම්පුචියානු විනිශ්චයකරුවන් මෙම නඩු ඇසිය යුතු බව යන මතයේ සිටින Hun Sen කෙමරුජ්වරුන්ට බ්‍රිතාන්‍ය SAS හා ඇමෙරිකානු විශේෂ බලකා වලින් පුහුණුව ලබාදුන් බවට ඇති සාක්ෂි විභාග කිරිමට උනන්දුවක් දැක්වූයේ නැත. මෙයට එක් හේතුවක් ලෙස Hun Sen ගේ පුතා ඇමෙරිකානු වෙස්ට් පොයින්ට් යුධ ඇකඩමියේ ඉගෙනුම ලැබීමද පෙන්වා දිය හැක.

ඇමෙරිකානු සොල්දාදුවා සත්‍ය හෙළි කරයි. (ටොම් බර්ටා)

මම 1973 ඇමෙරිකානු යුධ හමුදාවට අනුබද්ධිතව වියට්නාමයේ සේවය කළෙමි. එම වසරේ ජුනි මාසයේදී මම රාජකාරි සඳහා තායිලන්තයට ගියෙමි. මෙහිදී ක‍ෂA සංවිධානය මගින් ක්‍රියාත්මක කළ ඔයසරා ධචඑසදබ වැඩ සටහනට සම්බන්ධ වීමට මට සිදුවිය. අපි ක‍-130 ගුවන්යානා මගින් අවි ආයුධ කෙමරුජ් සංවිධානයට ලබා දුන්නෙමු. ජුලි සහ අගෝස්තු අතර කාලයේදී ක‍-130 ගුවන්යානා 50 ක් මෙලෙස අවි ආයුධ ගෙන යන ලදී.

1979 දී මම කම්පුචියානු දේශසීමා අසලින් පියාසර කළෙමි. කම්පුචියාවේ සිදුවන සිද්ධීන් පිළිබඳව මට කිසිඳු දැනීමක් නොවීය. එහෙත් Killing Feilds චිත්‍රපටය බැලීමෙන් පසු ඇමෙරිකානුවන් වන අප කළ ක්‍රියාවල බරපතලකම මට වැටහුණි. කෙමරුජ් සංවිධානයට අවි ලබාදීමෙන් කම්පුචියාවේ සිදුවූ ජන ඝාතන වලට අපද අනියම් ලෙස හවුල්වී තිබේ. එක්සත් ජනපදය වසර 12 පුරා කම්පුචියාවේ සිදුවූ ජන ඝාතන සිදුවන බව ප්‍රතිෙක‍ෂ්ප කළේය. මෙය බරපතල වැරැද්දකි. (සිවිල් ඉංජිනේරුවකු වන ටොම් බර්ටා දැන් කැලිෆෝනියාවේ ජීවත්වෙයි. මෙම කරුණු හෙළි වූයේ ටොම් බර්ටා උදරකා භැඑ සමඟ කළ සම්මුඛ සාකච්ඡාව ඇසුරෙනි.)

හිටපු SAS භටයා කෙමරුජ් සාමාජිකයන්ට පුහුණුව ලබා දුන්බව පිළිගනියි.

හිටපු බ්‍රිතාන්‍ය භටයෙකුවූ රේ බිලිංග්ලි 1985 සිට 1989 දක්වා කාලය තුළ වියට්නාම විරෝධි කම්පුචියානුවන්ට හමුදා පුහුණුව SAS භටයන් මගින් ලබාදුන් බව පැවසීය. ඔහු මෙලෙස ප්‍රකාශ කළේ උදරකා බැඑ සමඟ කළ සම්මුඛ සාකච්ඡාවකදීය.

වියට්නාම් ආක්‍රමණ නිසා දහස් ගණන් කම්පුචියානු ජනතාව තායිදේශ සීමා ආසන්නයට පළාගිය බවත් මෙම පිරිස අතරින් තෝරාගත් කොටස් වෙත හමුදා පුහුණුව ලබාදුන් බවත්, ඔහු වැඩිදුරටත් පැවසීය. පුහුණුව ලැබූ පිරිස් අතර, හිටපු කෙමරුජ් ඝාතකයන්ද සිටි බව රේ බිලිංග්ලි පිළිගනියි. මෙලෙස විශේෂ පුහුණුව ලැබූ කෙමරුජ් භටයන් වියට්නාමයටද එදිරිව සටන් කළේය. යුධ විශ්ලේෂකයන් පවසන පරිදි වියට්නාමයේ සුප්‍රකට ජෙනරල් ගියෙප් පවා කෙමරුජ් භටයන්ගේ ප්‍රහාරක හැකියාව පිළිබඳ විශ්මයට පත්විය.

කෙමරුජ්වරුන්ට අසුවී දිවිගලවා ගත් බි්‍රතාන්‍ය සහන සේවකයා

බි්‍රතාන්‍ය ජාතික ක්‍රිස් මූන් කම්පුචියාවට පැමිණියේ බිම්බෝම්බ ඉවත් කිරීමේ වැඩ සටහනකට සහාය දීම සඳහාය. මේ වනවිට කම්පුචියාවේ කෙමරූජ් පාළනය බිඳවැටී රජයේ හමුදා අගනුවර බලය තහවුරු කොටගෙන තිබුණි. කැලෑබද ප්‍රදේශවල සැඟවී සිටි කෙමරූජ්වරු ඇතැම්විට සිටියේ සෙවිල්ලෙනි.

වරක් ක්‍රිස්මුන් ඔහුගේ භාෂා පරිවර්තකයා සමඟ වාහනයකින් කැලෑවක් හරහා ගමන් කරමින් සිටියේය. හිටිහැටියේම ඔවුන් කෙමරූජ් ගරිල්ලන් විසින් වටකර ගන්නා ලදී. ක්‍රිස්මුන් හමුදා ඔත්තු කරුවෙකැයි සැක කළ කෙමරුජ් ප්‍රාදේශීය නායකයා ඔහු අත්අඩංගුවට ගත්තේය.

මේ කාලය අතරතුරදී විදේශිකයන් පවා කෙමරූජ්වරෙැ ඝාතනය කොට තිබුණි. එම නිසා ක්‍රිස්මුන් හා ඔහුගේ සහයකයා සිටියේ භීතියෙනි. ඔවුන් අත්අඩංගුවට ගත් කෙමරූජ්වරු වනයේ ඈතට සිරකරුවන් රැගෙන ගියහ. මෙසේ ගෙනගොස් ඔවුන් ප්‍රධාන කඳවුරක සිරකර තබන ලදී. මෙලෙස දින 3 ක් ඔව්හු කෙමරූජ් අත්අඩංගුවේ පසුවෙමින් අවිනිශ්චිතව ජීවත් වූහ. කෙමරූජ්වරු ඔහුට පහර දුන්නේ හෝ තර්ජනය කළේ නැත. ක්‍රිස්මුන් හමුදා ඔත්තුකරුවකු නොවන බව ඒ වනවිට කෙමරූජ්වරු තහවුරු කරගෙන සිටි නිසා ඔහුට නිදහස ලැබිණි. යළිත් නිරුපද්‍රිතව කෙමරූජ්වරුන්ගෙන් මිදී ඒමට ඔහුට හැකි විය.

මහා විනාශයෙන් පසුව

1976 දී කෙමරුජ්වරු විසින් කම්පුචියානු ජනතාව කොටස් තුනකට ඛෙදනු ලැබීය. ජිවත්වීමට අයිතිය ඇති කොටස්, අපේක‍ෂකයෝ සහ අනවශ්‍ය කොටස් වශයෙනි. මින් පළමු කොටසට අයත් වූයේ කෙමරූජ් සංවිධානයේ ආධාරකරුවන්ය. අපේක්ෂකයෝ ලෙස ළමා ජනගහනය සලකන ලදී. මෙයින්ද සංවිධානයට ප්‍රයෝජනවත් යයි සැලකූ කොටස් වූහ. ඉතිරි අනවශ්‍ය යැයි සැලකූ පිරිස හඳුන්වන ලද්දේ පොහොර කිරීම සඳහා නියමිත ජනයා වශයෙනි. ඔවුන්ගේ දෛනික ආහාරවේල හැකිතරම් අඩු කරන ලදී. දිනකට ඔවුන්ට ලැබුණේ සහල් කැඳ කෝප්ප දෙකක් පමණි. කෘතිම සාගත ඇති කිරීම මගින් ඔවුන්ගේ සංඛ්‍යාව බොහෝ දුරට අඩුකර දැමීමට කෙමරූජ්වරු පියවර ගත්හ. ඔවුන් මරා දැමීම සඳහා උණ්ඩ භාවිතා කිරීම අනවශ්‍ය වියදමක් හෙයින් තියුණු අවි හා පොලූ මුගුරු ඒ සඳහා භාවිතා කළහ. සාගතය නිසා මළ සංඛ්‍යාව මිලියන එකක් බව Francois Ponchaud ඔහුගේ Cambodia Year Zero කෘතියෙන් පවසයි.

2006 වසරේ ලෝක බැංකු වාර්තා හා 2007/8 UNDP වාර්තා අනුව 35% කම්පුචියානු ජනතාව ජීවත්වන්නේ අන්ත දුගී බවිනි. ඔවුන්ගේ දෛනික ආදායම ඇමෙරිකානු ඩොලර් 0.45 ද නොඉක්මවයි.

කම්පුචියාවේ අගනුවර වන ඡයබදප ඡැබය හි මුඩුක්කු 564 පමණ ඇති අතර, මෙහි 300,000 ක ජනතාවක් ජීවත් වෙති. යටිතල පහසුකම් තවමත් පවතින්නේ ඉතා නොදියුණු මට්ටමකය. කෙමරූජ් භීෂණය නිසා පීඩාවට පත් ජනතාවගේ මානසික සෞඛ්‍ය නංවා ලීමට වෛද්‍යවරුන්ගේ සහ හෙදියන්ගේ තද හිඟයක් පවතී.

කම්පුචියාවේ බැංකු සේවා භාවිතා කරන්නේ 120,000 වූ පමණ සුළු පිරිසකි. H.D.I. (Human Development Index) අගය අනුව කම්පුචියාව 131 තත්වය දරයි. (සංවර්ධිත රටක් වූ අයිස්ලන්තය අංක 1 ද අසංවර්ධිත, ගැටුම් වලින් පිරි සේරාලියොන් අංක 177 ද, ්‍යගෘගෂග අගය අනුව නියෝජනය කරති)

කම්පුචියාවේ විදුලි බලය ඇත්තේ ජනගහනයෙන් 17% වැනි අල්ප ප්‍රමාණයකටය. ලෝක සෞඛ්‍ය සංවිධානයේ වාර්තා අනුව (2005) කම්පුචියාවේ ළමුන් 36% මන්දපෝෂණයෙන් පෙළෙති. ළමා මරණ අනුපාතය 65:1000 කි. කම්පුචියානුවන්ගේ සාමාන්‍ය ආයු කාලය පුරුෂ 55.2 හා ස්ත්‍රී 60.6 කි. මිනිසුන් ලක‍ෂයකට ඇත්තේ වෛද්‍යවරු 16 ක් පමණි. ජනගහනයෙන් 1.2% අන්ධ අතර අක්ෂි විශේෂඥයන් ඇත්තේ තිදෙනෙකු පමණි. මුළු රටේම දන්ත වෛද්‍යවරු ඇත්තේ 374 කි. මනෝ වෛද්‍යවරුන්ගේ සංඛ්‍යාව 26 කි. සෑම වසරකටම මිනිසුන් 70,000 ක් ක්ෂයරෝගයට ගොදුරුවෙති.

2006 වසරේ කම්පුචියාවේ අධ්‍යාපන අමාත්‍යාංශය කළ සංගනනය අනුව එරට සාක්ෂරතාවය පුරුෂ 82.1% හා ස්ත්‍රී 67.4 කි. කම්පුචියානු කාන්තාවන් 42% හා පුරුෂයන් 21% පාසල් අධ්‍යාපනය ලබා නැත. ගෘහමූලිකයන්ගෙන් 26% ක් කාන්තාවෝ වෙති. සෑම උපත් 100,000 කට මාතෘ මරණ 440 ක් සිදුවන බව ගණන් බලා තිබේ. වසරකට කාන්තාවන් 200 දරු උපත්නිසා ඇතිවන සංකූලතා නිසා මිය යති.

එක්සත් ජාතීන්ගේ මැදිහත්වීම්

1991 එක්සත් ජාතීන්ගේ සාම සාධක හමුදාවක් කම්පුචියාවට යවනු ලැබීය. රටේ අභ්‍යන්තර ගැටුම් අවසන් කිරීම සඳහා මෙම සාම සාධක හමුදාව විශේෂ කාර්යභාරයක් ඉටු කරන ලදී. 1991 සිට 1995 දක්වා එක්සත් ජාතීන්ගේ සාම සාධක හමුදාව කම්පුචියාවේ රැඳී සිටි අතර, දශක ගණනාවක් පුරා ඇවිලූනු ගැටුම් ක්‍රම ක්‍රමයෙන් අඩු විය.

සාම සාධක මෙහෙවරත් සමඟම වියට්නාමය විසින් කම්පුචියාවට කරන ලද බලපෑම් ක්‍රම ක්‍රමයෙන් අඩු විය. වියට්නාම් හමුදා කම්පුචියානු භූමියෙන් ඉවත් කරන ලදී. 1993 දී කම්පුචියාවේ මැතිවරණයක් පවත්වනු ලැබීය. 1997 වසරේ තායි දේශසීමාව අසල රැඳී සිටි පොල්පොට් ප්‍රධාන පෙලේ නායකයෙකු වූ Son Sen කම්පුචියානු රජය සමඟ සාම සාකච්ඡා රහසේ ඇරඹීමයි.

Son Sen ගේ ඝාතනය නිසා පොල්පොට් කෙමරූජ්වරුන්ගේ නිවාස අඩස්සියට පත්විය. 1997 ඔහුගේ මරණය සමඟම කියු සම්පෙන් හා ඉයෙංසාරි කොන්දේසි සහිතව රජයට යටත් වූහ. Ta Mok පමණක් කෙමරූජ් සංවිධානයට නායකත්වය ලබාදෙමින් තවදුරටත් සටන් කළ නමුදු 1999 දී ඔහු අත් අඩංගුවට ගනු ලැබීය. 1999 වන විට කෙමරූජ් සංවිධාන එහි අවසාන අදියරට පැමිණෙමින් සිටියේය. 1999 වසර අවසන් වන විට ඉතිරි කෙමරූජ් ගරිල්ලන් අවි බිම තබා යටත් වූහ. එක්සත් ජාතීන්ගේ සාම සාධක හමුදාව කම්පුචියාවේ සිදු කරන ලද සාම වෙනස පලදායි මෙහෙවරකි.

1997 වසරේ කම්පුචියානු රජය Khmer Rouge Trial Task F‍orce මගින් කෙමරූජ් සමයේ සිදුවූයේ මානව අයිතීන් උල්ලංඝනය කිරීම පිළිබඳව විභාග කරන ලදී.

පොල්පොට්ගේ භීතිකාව හා සුපිරි බලවතුන්

පොල්පොට්ගේ රාජ්‍යය හඳුන්වා දීම සඳහා උචිත වචනය Xenophobic Agrarian Society හෙවත් විදේශිකයන්ට බියවූ කෘෂිකාර්මික සමාජය බව ඇතැම් දේශපාලන විශ්ලේෂකයෝ පවසති. පොල්පොට් ප්‍රජාතන්ත්‍රවාදයට බිය විය. ඔහුට අවශ්‍ය වූයේ විදේශ මැදහත් වීමකින් තොරව තමාගේ මාරක ෆැන්ටසිය, කම්පුචියාවේ නිර්මාණය කිරීමටය. එකල විදේශ මැදහත්වීම සිදු කෙරුණේ අන්තර් ජාතික දේශපාලන වාසිතකා බැවින් සුපිරි බලවතුන් කම්පුචියාවේ සිදුවන ජනඝාතන කෙරෙහි අවධානය යොමු නොකළහ.

තම තමන්ගේ දේශපාලන න්‍යාය පත්‍රයන්ට පොල්පොට් අනුග්‍රහයක් වූ බැවින් ඔහු ඇතුළු කෙමරුජ්වරු විසින් සිදුකරන ලද අමානුෂික ක්‍රියා ඔවුහු නොසලකා හැරියහ. නැතහොත් ඒවා කම්පුචියාවේ අභ්‍යන්තර කටයුතු ලෙස සලකා ඉවත බලා ගත්හ. මේ නිසා පොල්පොට් ඇතුළු කෙමරුජ්වරු විසින් දියත් කරන ලද භීෂණයට සුපිරි බලවතුන්ද වක්‍රාකාරයෙන් වගකිව යුතුය.

කම්පුචියාවේ ගම්මාන 13,000 ට අධික ප්‍රමාණයක් මැදිකොට ගනිමින් පවත්වාගෙන ගිය භීෂණ රාජ්‍යයේ ක්‍රියාමාර්ග පෙන්වා දෙන්නේ 309 පමණ වූ මෙතෙක් හඳුනාගන්නා ලද සමූහ මිනීවලවල්ය.

පොල්පොට් කම්පුචියාව සංවෘත රාජ්‍යයක් බවට පත් කරන ලදී. බාහිර රාජ්‍යවල් සමඟ තිබූ ගණුදෙනු නවතා දැමුවද යුධ තාක්ෂණ අවි ලබා ගැනීම සඳහා කෙමරූජ්වරු චීනය, ඇමෙරිකාව, බි්‍රතාන්‍යය, තායිලන්තය වැනි රටවල් සමඟ රහසේ සබඳතා පැවැත්වූහ. ඔවුන් කම්පුචියාවේ සිදුකරන මානව සංහාරයන් පිළිබඳව දැන සිටියද කෙමරූජ්වරු බලයේ සිටි කාලය පුරා අනුගමනය කරන ලද්දේ නිහඬ ප්‍රත්පත්තියකි. ඔවුන් ලෝකය හමුවේ කම්පුචියාවට සම්බාධක පනවා තිබුණද, තිරයෙන් පසුපස සිට ගනුදෙනු කිරීම අත්හැරියේ නැත.

කෙමරූජ්වරු විදේශික බලපෑම් වලට දැක්වූයේ බියක් හා පිළිකුලකි. නමුත් අවශ්‍ය වූ විටදී ඔවුන් විදේශිකයන් සමඟ ගණුදෙනු කළහ. එහෙත් එසේ කළායයි සැක කළ සිවිල් කම්පුචියානුවන් ඝාතනය කළහ.

1975-1979 දක්වා කාලය තුළ සිදුවූ ජන ඝාතන කාලයේ වැලිතලාවට යට නොවී යාම සඳහා 2003 වසරේ එක්සත් ජාතීන් විසින් කම්පුචියාවේ සිදු කෙරුණ ජනසංහාරය පිළිබඳව වගකිවයුත්තන් අධිකරණය හමුවටගෙන ඒමට වඩාත් සක්‍රීය ක්‍රියා මාර්ගයන් අරඹන ලදී. 2007 යේල් සරසවිය ආරම්භ කළ, කම්පුචියානු ජනසංහාරය පිළිබඳව අධ්‍යයනය මගින්ද, ලෝකයට කෙමරුජ් භීෂණය පිළිබඳව තොරතුරු දැන ගැනීමට ඉඩ සැලසුනි.

සුප්‍රසිද්ධ ටයිම් සඟරාවේ නිර්මාතෘ හෙන්රි ලූස් පදනම මගින්ද මෙම අධ්‍යයනය සඳහා ප්‍රතිපාදන ලබාදෙන ලදී. මෙම අධ්‍යයන මගින් කළ බලපෑම් නිසා 1994 වසරේ ඇමෙරිකානු කොංග්‍රස් මණ්ඩලය CGJA හෙවත් Cambodian Genocide Justice Act පණත සම්මත කර ගන්නා ලදී. මෙම පණත වින්දිතයන් සඳහා යුක්තිය ඉටු කිරීමට බැඳී සිටියි. එහෙත් ඔවුන් සඳහා යුක්තිය මේ දක්වා ඉටුවී ඇත්තේ ඉතා අල්ප වශයෙනි.

නට්සි ජර්මනිය පරාජයෙන් පසු ඇරඹි නියුරම්බර්ග් යුධ අපරාධ විභාග අධිකරණය හා කම්පුචියානු ජන සංහාර අධිකරණය අතර ඇත්තේ පරස්පර බවකි. නියුරම්බර්ග් අධිකරණයේ වැඩ කටයුතු ඉතා කාර්යක්ෂමව හා කඩිනමින් සිදු වුවද කම්පුචියානු ජනසංහාරය පිළිබඳ අධිකරණ ක්‍රියාදාමය සිදු වන්නේ මන්දගාමි අන්දමටය. මේ සඳහා එක් හේතුවක් ලෙස පෙන්වා දිය හැක්කේ සුපිරි ජාතීන් තිරය පසුපස සිට කළ ගණුදෙනු අන්තර් ජාතික ප්‍රජාව ඉදිරියේ ඔප්පුවීම වැළැක්වීමටයි.

සුපිරිබලවතුන්ගේ සහය නිසා කෙමරූජ් සංවිධානයට 1992 දක්වා පැවතීමට අවකාශ ලැබුණි.

කෙමරූජ් විප්ලවයේ අභ්‍යන්තරය

Ben Kierín විසින් 2002 වසරේ එලි දැක්වූ The Pol Pot Regime ග්‍රන්ථය මගින් කෙමරුජ් විප්ලවයේ අභ්‍යන්තරය විශ්ලේෂණය කරන ලදී. කම්පුචියාවේ එවැනි විනාශයක් සිදුවීමට හේතුවූ කරුණු පිළිබඳව විග්‍රහයක Ben Kierín යෙදෙන අතර, කෙමරුජ් නායකයන් තුළ තිබූ ඌන දේශපාලන දැනුම, අන්තවාදී පටු ජාතිවාදී අදහස් මෙම විනාශය කරා ඔවුන් යොමුකළ බව පෙන්වා දෙයි.

ඔවුන්ට තිබුණේ සීමා සහිත දැනුමක් හා සීමිත අත්දැකීම්ය. දේශපාලන තීරණ භීෂණ යාන්ත්‍රණය මගින් ක්‍රියාත්මක කළ හැකිබව ඔව්හු සිතූහ. ඔවුන්ට අවශ්‍ය වූයේ නව සමාජ ක්‍රමයක් බිහි කිරීමටයි. එහෙත් ඒ සඳහා කවර වන්දියක් කම්පුචියානු ජනතාව ගෙවිය යුතුද යන්න පිළිබඳව අදහස් ඔවුන්ට නොවීය.

ඔවුන් මාක්ස්වාදය ගැඹුරින් හදාරා තිබුණේ නැත. සෝවියට් දේශය හා චීනයේ සිදුවූ සමාජ පෙරළිය මතුපිටින් අධ්‍යයනයකළ ඔව්හු වඩා විනාශකාරී විප්ලවයකට කම්පුචියාව ඇද හැලු බව ඊැබ ණසැරබ්බ පවසයි. වැඩිදුරටත් මේ පිළිබඳව කරුණු දක්වන කතුවරයා ඔවුන්ට මානව සාරාර්ථ අවබෝධ කර ගැනීමට අපහසු වූ බවත්, වඩාත් ලේ ගලා ගිය කරමට විප්ලවයන් සාර්ථක වන බවත්, ඔවුන් ඇදහූ බව පෙන්වා දෙයි.

කෙමරූජ්වරුන්ට පන්තිභේදය තුරන් කිරීමට අවශ්‍ය විය. ඔවුන් ඒ සඳහා කෙටි හා මාරක උපක්‍රම භාවිතා කළෝය.

සමාජ ස්ථරය හමා සමාජ වියමන කඩාදැමූ ඔවුන් කම්පුචියාව ගල්යුගය කරා ගෙන ගියහ. කෙමරුජ් නායකයන් අතරද පරස්පරතා බොහෝ සෙයින් දක්නට ලැබිණි. ඔවුන් ගතකළේ දෙබිඩි ජීවිතයකි. එසේම එකිනෙකා සැක කරමින් එකිනෙකාට චෝදනා කර ගත්හ. මනුෂ්‍ය ඝාතන වලදී ඔවුන් දෙවෙනි වූයේ හිට්ලර්ට සහ ස්ටාලින්ට පමණකි.

1953 සිට 1975 අතර කාලය තුළදී පොල්පොට් ක්‍රම ක්‍රමයෙන් දේශපාලනයට අවතීර්ණ වීමත්, කම්පුචියාවේ බලය අල්ලා ගැනීමත් සිදුවිය. මේ කාලය තුළදී ඔහු තුළ විශාල පරිවර්තන සිදුවිය.

පක‍ෂය තුළ බලය තහවුරු කර ගැනීම සඳහා ඔහු ඇතැම් විට උපාය මාර්ගවල නිරත විය. කම්පුචියාවේ අභ්‍යන්තර අර්බුද වඩාත් සංකීර්ණ වීමට ඉඩදීම තුළින් එහු තමගේ දේශපාලන මාර්ගය සකස්කර ගත්තේය. ඔහු විසින් නිර්මාණය කරන ලද මෙම දේශපාලන බලවේගය විසින්ම අවසාන කාලයේදී ඔහු ගොදුරු බවට පත් කර ගන්නා ලදී.

කෙමරුජ්වරුගේ සමාජ සංශෝධනය

සමාජ සංශෝධනයේ ලා කෙමරූජ්වරුන් විසින් භාවිතා කරන ලද්දේ භීෂණය මැදිකරගත් යාන්ත්‍රණයකි. කම්පුචියාවේ එවකට පැවති සමාජ ක්‍රමය ගර්හිත සමාජයක් බව කෙමරූජ්වරු පැවසුහ. මෙම සමාජක්‍රමය වඩාත් ප්‍රගතිශීලි තලයකට ගෙන ඒම ඔවුන්ගේ මූලික අභිප්‍රාය වුවද, ඒ සඳහා හිතකර ක්‍රම වේදයන් හෝ නිවැරදි දේශපාලන දැක්මක් ඔවුන්ට නොවීය. එම නිසා මිලියන ගණනාවක් ජනතාව තම ජිවිතවලින් වන්දි ගෙවීම කළහ.

කම්පුචියානු සමාජවාදී විප්ලවයේ නාමයෙන් උපැස් පැළඳවූවන්, අව්කණ්නාඩි පැළඳවූවන්, විදේශ භාෂා දැන සිටි මිනිසුන්, මොලොවින් තුරන් කරන ලදී. Francois Ponchaud ගේ Cambodia Year Zero ග්‍රන්ථය අනුව කෙමරුජ්වරු පැටලී සිටියේ උමතු දහමකය. ඔවුන්ට වසර පහක් ඇතුළත පරිපූර්ණ කොමියුනිස්ට් රටක් බිහි කිරීමට අවශ්‍ය විය. එහෙත් ඔවුන් ජනතාව වෙත ලබාදුන්නේ හාමත, වහල් ශ්‍රමය, වදබන්ධන හා මරණය පමණි.

නික්සන්ගේ Mad Man Theory මගින් පොල්පොට් බලයට ඒම සඳහා පරිසරය සකස් කර ගැනීම

වියට්නාම් යුධ සමයේ එක්සත් ජනපදයේ යුධ ශක්තිය ප්‍රකාශ කිරිම හා එක්සත් ජනපද හමුදා සතුරන් විනාශ කිරීම සඳහා ජනාධිපති රිචඩ් නික්සන් Mad Man Theory ක්‍රමවේදය යොදාගන්නා ලදී. නික්සන්ගේ කම්පුචියාවට බෝම්බ හෙළීම මගින් පොල්පොට් හට ජනපදනමක් දමා ගැනීමේ වරම ලැබුණි. බෝම්බ වැටීම නිසා අවතැන්වූ ජනයා කෙමරුජ් සංවිධානයේ පිහිට පැතූහ. එය පොල්පොට්ට ගෙන ආවේ වෙස්වලාගත් ආශිර්වාදයකි. ඔහුට පිරිස් බලය ලැබුණේ මෙවැනි සාමූහික විපතකට පත් වූ මිනිසුන් මගිනි.

1969 වන විට කෙමරුජ් සංවිධානයේ සිටියේ 1500 පමණ වූ ගරිල්ලන් සංඛ්‍යාවකි. එහෙත් 1972 වන විට එම සංඛ්‍යාව 35,000 දක්වා වැඩි විය. 1973 වන විට කෙමරුජ්වරු කම්පුචියාවෙන් 2/3 ක ප්‍රදේශයක් ග්‍රහණය කොටගෙන සිටියහ. දේශපාලන නිරීක‍ෂකයන් පෙන්වා දෙන අන්දමට මෙවැනි බලයක් කෙමරුජ් සංවිධානය වටා ගොඩ නැගීමට එක් හේතුවක් වූයේ ඇමෙරිකානු ගුවන් ප්‍රහාරය. කම්පුචියාවේ සිටින උතුරු වියට්නාම් ගරිල්ලන් ඉලක්ක කොටගෙන හෙළන ලද මෙම බෝම්බ ප්‍රහාර නිසා ජනතාවට හානියත්, කෙමරුජ් සංවිධානයට ජනයා අතර පදනමත් ලැබුණි.

කෙමරූජ් භීෂණය නිර්මාණය කරන ලද නික්සන්, කිසිංජර්, හවුලට මේ අනුව චෝදනා පත්‍රය නිතැතින්ම ගොනුවේ.

ශ්‍රී ලංකාවට පැමිණි කෙමරුජ් නියෝජිතයෝ

1975 දී ශ්‍රී ලංකාවේ පැවති නොබැඳි සමුළුවට සහභාගී වීම සඳහා කියු සම්පෙන් ශ්‍රී ලංකාවට පැමිණි අතර, ඔහු ශ්‍රී ලංකාවේ රාජ්‍ය නායකයන් සමඟ සාකච්ඡා පැවැත්වීය. කියු සම්පෙන් ආර්ථීක විද්‍යාඥ Samir Amien ගේ ආර්ථීක ප්‍රතිසංස්කරණ පිළිබඳව ප්‍රසාදයෙන් කථා කළ අතර කම්පුචියාවේ ස්වයංපෝෂිත ගොවි ආර්ථීක ක්‍රමයක් නිර්මාණය කරගත යුතු බව පවසා තිබේ.

කම්පුචියාවට පොල්පොට් ආගමනයෙන් පසු

කෙමරුජ්වරුන් විසින් දේශයේ සමාජ ආර්ථීක සංස්කෘතික සමාජ ස්ථර විනාශ කරනු ලැබීය. සත්‍යවශයෙන්ම ඔවුනට දේශය ගොඩනැගීමට සිදු වූයේ බින්දුවේ සිටය. මේ අනුව ශුන්‍යවසර හා කෙමරූජ්වරුන් ගේ පරාජයෙන් පසු කාම්බෝජ දේශය ගොඩනැගීමට පියවර ගත් මුල්ම කාලවකවානුවයි.

ආයු කාලය තවමත් 1960 ගණන්වල පැවති ආයු කාලයට සමානය. සෑම ළමයින් පස් දෙනෙකුගෙන් එක් අයෙකු වසර 12 දක්වා ජීවත් වන්නේ නැත. ජනගහනයෙන් අඩක් මන්දපෝෂණයෙන් පෙළෙති.

ප්‍රාථමික අධ්‍යාපනය අවසන් කරනුයේ 7% වැනි සුළුප්‍රතිශතයකි. ද්විතියික අධ්‍යාපනය නිම කරන්නේ 2% කි. කෙමරුජ්වරුන් විසින් විනාශ කළ යටිතල පහසුකම් ගොඩනැගීම සඳහා තවත් කාලයක් යනු ඇත.

නගරයේ අනාථ නිවාස රාශියකි. අනාථ නිවාස වල ළමයි දහස් සංඛ්‍යාවක් සිටිති. මොවුන් සඳහා ආහාර ඇඳුම්, සැපයීම ක්‍රමවත් නැත. පොල්පොට්ගේ ආගමනයෙන් මේ වන විට වසර 30 කට වඩා ගතවී තිබුණද, රටේ අධ්‍යාත්මය විනාශවී ඇත. කෙමරුජ්වරුන් විසින් කළ විනාශය තවමත් ප්‍රතිසංස්කරණය කර නැත. ව්‍යසනයට පත් වූ ජාතියක් ලෙස කම්පුචියානුවෝ අද අනාගතයට මුහුණ දෙති. කෙමරුජ් භීෂණය විසින් විනාශ කළ කම්පුචියා දේශය යළි යථා තත්වයට ඒමට තව බොහෝ කාලයක් ගතවනු ඇත.

කම්පුචියාවේ සමූහ ව්‍යසනය

1975 අප්‍රේල් 17 සිට 1979 ජනවාරි 7 දා දක්වා කම්පුචියාව පාළනය කළ කෙමරූජ්වරු මේ කාලය තුළ රටේ ඇති කළේ සාමූහික ව්‍යසනයකි. (Collective Trauma)

ඉයෙං සාරිගේ සෝබෝන් විශ්වවිද්‍යාලයට ඉදිරිපත් කළ නිබන්ධනය අනුව කෙමරූජ්වරු නව කෘෂි සමාජයක් බිහි කළහ. කඳුලින් හා ලෙයින් තැනුනු මෙම අර්ථ ක්‍රමය මර්ධනකාරි මෙන්ම ව්‍යසනකාරි එකක් විය.

දශක තුනක් ඇවෑමෙන් පසුවද කෙමරූජ් භීෂණයේ සෙවනැලි තවමත් දක්නට තිබේ. මානසික රෝගවලට ගොදුරු වූ මිනිසුන් අවතැන්වූ ජනයා, විනාශකරන ලද සමාජ වියමන, මේ සියල්ලම සාමූහික ව්‍යසනයේ ශේෂයන්ය.

යුක්තිය ප්‍රමාදය

කෙමරුජ් භීෂණය නිසා විපතට පත් වූ දහ දහස් ගණන් දිවිගලවාගත් පිරිස් තමන්ට තවමත් යුක්තිය ඉෂ්ට නොවූ බව ප්‍රකාශ කරති. ඉතා මන්ගාමීව ඇදීයන අධිකරණ ක්‍රියාදාමය කෙරෙහි බහුතරයක් විශ්වාස නොකරති. කෙමරුජ්වරුන් විසින් සිදුකල අපරාධවලට කිසිම වන්දියක් නොගෙවා, වරදකරුවන් විසින් තම ඉරණම ස්වභාව ධර්මයා අතට පත්කරනු ඇතැයි ඔව්හු විශ්වාස කරති.

හැටඑක් හැවිරිදි ගොවියෙකු වන San Chreung තම සැමියා ඉතා අමානුෂික අන්දමට කෙමරුජ් භටයන් විසින් මරා දැමූබව කියන්නීය. එසේම ඇයගේ මව සැලසුම් සහගත සාගතයේ ගොදුරක් වූවාය. පොල්පොට් මේ අපරාධ වලට කිසිඳු වන්දියක් නොගෙවා ස්වභාවික මරණයකට පත්වූ බව ඇය පවසා ඇත. කෙමරුජ් නායකයන්ද එසේ ගැලවී යනු ඇතැයි ප්‍රකාශ කළාය.

විසිවන සියවසේ ඛේදවාචකය

විසිවන සිවස ආරම්භවූයේ මහා පරිමාණයේ මනුෂ්‍ය ඝාතන සමඟය. සියවසේ මුල් වසර වලදී 26,000 ක් වූ ඇෆ්රිකානු ගැහැණුන් හා ළමයින් බි්‍රතාන්‍ය විසින් වදකඳවුරු වල බෝයර් යුද්ධයේදී රඳවා ගන්නා ලදී. ඔවුන්ගෙන් බොහොමයක් මිය ගියහ. ඉන්දිය නිදහස් සටනේදී බි්‍රතාන්‍ය හමුදා ජන ඝාතන සිදු කළහ.

ස්ටාලින් ගුලාර්ග් ශ්‍රම කඳවුරු වල හා ලූබියන්කාවේ මනුෂ්‍ය ඝාතන සිදු කලේය. හිට්ලර්, ඛෙල්සන්, සොවිබෝර්, අවුට්ටීච් වැනි වධ කඳවුරුවල මිනිසුන් මිලියන ගනනක් ගෑස් කාමරවලට යැවීය.

මාවෝගේ කොමියුනිස්ට් පක්ෂය සංස්කෘතික විප්ලවයේදී මිනිසුන් ඝාතනය කලේ තුවක්කු භටයෙන් පමනක් නොවේ. සාගතයද අවියක් කොට ගනිමිනි.

පොල්පොට් ද තම ඝාතන රාජකාරිය අකුරටම ඉටු කළේය. විසිවන සියවසේ මුල් වසර 88 තුළ පුද්ගලයන් 170,000,000 දේශපාලන හේතූන් මත මරා දමා ඇත. නිනා මෙඩොක්ස් හිටපු ගුවන් නියමුවරියකි. වියට්නාම් යුධ සමයේ ඇය දකුණු වියට්නාම් ප්‍රදේශවලට මානුෂික ආධාර ගුවනින් හෙළුවාය.

ඇය මෙසේ පවසන්නීය. මිනිසා තවමත් ඝාතන අදහස් වලින් සපිරි ප්‍රාථමික වානරයෙකි. නායක වානරයන්ට අපලවා මිනී මැරවීමට, වධබන්දන කරවීමට, හැකියාවක් තිබේ. ඔවුන් තීක‍ෂණය. ඔවුන් අපගේ නිද්‍රාවට පත් වී තිඛෙන විනාශකාරි අවේගයන් අවධිකොට ඒවා කුපිත කිරීමට සමත්ය. ඉන්පසු අපි අපගේ සහෝදර වර්ගයා මරා දමන්නෙමු. මෙම සෑම මිනී මැරුමක්ම සෑම ප්‍රචන්ඩත්වයක්ම සාධාරණීය කිරීම කරමු. එහෙත් සත්‍ය වනාහි අප සමාජ විරෝධි හා ස්ව වර්ගයා පීඩාවට පත් කිරිමේ සමත් සත්ව විශේෂයෙකි. මෙවැනි සාමූහික විනාශයන්වල අප යෙදෙන විට සදාචාරය ආගමික මති මතාන්තර අප පසෙකට තල්ලූ කරමු.

පොල්පොට් වැනි පුද්ගලයන් ගැන කිව හැක්කේ කුමක්ද? මට මෙහිදී ෂේක්ස්පියර්ගේ ප්‍රකාශයන් සිහිපත්වේ. ඔහු යහපත්වන විට ඔහු මිනිසාට වඩා මඳක් උසස් විය. ඔහු අයහපත් වනවිට ඔහු මෘගයාට වඩා මදක් යහපත් විය.

කෙමරුජ් භීෂණය මේ අවසාන ජවනිකාව නොවේ.

කෙමරුජ් භීෂණය අවසන් වී දශක තුනක් ගෙවුනද භීෂණයේ සෙවනැලි තවමත් මානව වර්ගයා වෙලා ගනියි. දෙවියන් විශ්වාස නොකළ ස්ටාලින් මිලියන 62 ක්ද මාඕ මිලියන 35 ක් ද පොල්පොට් මිලියන 3 ක ජන ඝාතන සිදු කළහ. 

දෙවියන් විශ්වාස කරන බුෂ් හා බ්ලෙයාර් ඉරාකයේ සිදුකළේ කුමක්ද? භීෂණය තවමත් මනුෂ්‍ය වර්ගයා හැරගොස් නැත.

සමාප්තයි

වෛද්‍ය රුවන් එම් ජයතුංග විසින් ලියන ලද  කෙමරූජ් භීෂණය කෘතිය​ ඇසුරෙනි