Sunday, June 10, 2018

ඥාණසාරට ඥාණසාර හමුවීම


වරක් ඥාණසාර සෙන් ගුරුවරයෙකු වෙත ගියේය 
ඥාණසාර රියැදුරු අසුනෙන් බැස එන අයුරු 
සෙන් ගුරුවරයා බලාගෙන සිටියේය 
ඔබ තමන්ට පහනක් විය යුතුයි 
සෙන් ගුරුතුමා ඥාණසාරට  කීවේය 
මම පහනක් නොව විලක්කුවක් බව 
ඥාණසාර සෙන් ගුරුවරයාට කීවේය 
කිසිවක් නොදෙඩූ සෙන් ගුරුවරයා 
ඥාණසාර වෙනුවෙන් තේ පිලියෙල කලේය
ඥාණසාර ඉදිරිපිට තැබූ බඳුන පිරෙන තෙක් 
තේ වත් කළ සෙන් ගුරුවරයා බඳුන පිරුණු පසුවද 
නොනවත්වාම දිගටම ඊට තේ වත් කළේය 
මෙය තවදුරටත් බලා ඉවසාගත නොහී  ඥාණසාර
තමන් තේ වැනි බීම නොබොන බව කීවේය​
ඔබ නැවතිය යුතුයි කියා සෙන් ගුරුවරයා කීවේය 
ඇප පිට නිසා තමා නොනවතින බව ඥාණසාර කීවේය​
ඔබගේ හිස ජාතිවාදයෙන් වර්ගවාදයෙන් පිරී තිබේ
සෙන් ගුරුවරයා ඥාණසාරට කීවේය 
මම ලංකාවේ මුස්ලිම් අන්තවාදයට එරෙහිව 
සටන් කරන්නෙක් බව ඥාණසාර ප්‍රකාශ කලේය
ලංකාවේ මුස්ලිම් අන්තවාදයක් තිබෙන නමුත් 
ඊට විසඳුම ඥාණසාර නොවන බව සෙන් ගුරුවරයා කීවේය 
මින් කිපුණු ඥාණසාර අයි පෑඩ් එක ඔසවා 
සෙන් ගුරුවරයාගේ හිසට පතබෑවේය​
සෙන් ගුරුවරයාගේ හිසෙන් ලේ ගලන්නට විය 
එහෙත් ඔහු සන්සුන්ව ඥාණසාරට මෙත් වැඩුවේය 
ඥාණසාර දිගින් දිගටම අසභ්‍ය වචනයෙන් 
සෙන් ගුරුවරයාට බැණ වැදුනේය​
සෙන් ගුරුවරයා සන්සුන් ලෙස හඳ දෙස බැළුවේය 
"මට පුළුවන් කමක් තිබුණා නම් මේ සුන්දර හඳ ඔහුට දෙන්න!"
සෙන් ගුරුවරයා සෙමින් ඥාණසාර  දෙස බලා  කීවේය​
ඉන් තවත් උරණ වූ ඥාණසාර සෙන් ගුරුවරයාට
නිර්දය ලෙස අතින් පයින් පහර දුන්නේය​
ඔන්න ඔය ඇරෙන්නෙ අපායේ දොර 
සෙන් ගුරුවරයා  සන්සුන් ලෙස කීවේය 
එහෙත් ඥාණසාර ගුටි දීම නැවතුවේ නැත 
ඔබ සිවුරු පැළඳුවද බුදුන්  ගේ ධර්මය දැක නැත
 ඒ නිසා මේ චීවරය සහ පාත්තරය ගන්න 
එය අයිති ඔබටයි සෙන් ගුරුවරයා කීවේය 
ඥාණසාර සෙන් ගුරුවරයාගේ  පාත්තරය අතට  ගත්තේය 
එය  රනින් නොව යකඩින් තනන ලද්දක් බැවින් 
එයට විසිවී යන ලෙස පා පහරක් දුන්නේය 
යකඩ පාත්තරය බොල් හඞක් නගමින් විසිවී ගියේය 
ඥාණසාර  ඔබත් යකඩ පාත්තරය වගෙයි 
නගන්නේ බොල් හඞක්   සෙන් ගුරුවරයා කීවේය 
සෙන් ගුරුවරයාට දිගටම පහර දුන් ඥාණසාර 
මහන්සිය නිසා තම සිවුර සකස් කරගෙන 
යලි වාහනය වෙත ගියේය 
ඥාණසාර  දුටුවේ විශ්මය ජනක දෙයකි 
රියැදුරු අසුනේ ක්‍රෝධ මුහුණින් යුතු 
තවත් ඥාණසාර කෙනෙකු ඔහු දුටුවේය 
ඥාණසාරට  ඥාණසාර හමු වූවා 
සෙන් ගුරුවරයා සෙමෙන් කොඳුලේය 

4 comments:

  1. සෙන් කතා හදලා තියෙන්නේ ජපානයේ.
    නමුත් ජපානයේ මුස්ලිම් වරු නෑ.

    ඒ නිසා ඔබේ කතාව එතරම් අර්ථවත් නෑ.

    ReplyDelete

Appreciate your constructive and meaningful comments

Find Us On Facebook