හිමවතිය

 

 

ගුවන්යානා සේවිකාවන් යනු කරුණාවන්ත රූබර හා සිත් වශීකරගන්නා කොටසක් බව අතීතයේ මා සිතා සිටියද එම අදහස වැරදි බව ප්‍රත්‍යක්ෂ වී බොහෝ කාලයක් ගත වී ඇත. එම නිසා මෙවර ගුවන්යානයට නැගීමේ දී ගුවන්යානා සේවිකාවගේ සිනහව, කාරුණික​ වදනක් මම අපේක්ෂා නොකෙළෙමි. පර්යන්ත ඒකකයේ සිට ගුවන්යානාවේ දොරටුව දක්වා සෙමින් ඇදී ගිය පෝලිමක මධ්‍යයේ සිටි මා ටර්මිනාලයත් ගුවන්යානාවේ දොරටුව​ත් අතර ඇති සංවෘත්ත පාලමක් වැනි කොටසට අවතීර්ණ වූයේ එය කඩා වැටේදෝ යන දෙගඩියාවෙනි. එහෙත් අතීතයේ එවැනි සිද්ධියක් වාර්තා වී නොමැති බවත් අනාගතයේද එවැන්නක් සිදුවිය නොහැකි නිසාත් වර්තමානයේදී එය එසේ සිදු නොවන බව මට වැටහිණි.

ගුවන්යානාවේ දොරටුව​ අභියසදී නිල් පැහැති නිල ඇඳුමක් ඇද සිටි මැදි වියේ ගුවන් සේවිකාව සෑම මගියෙකුම සාදරයෙන් පිළිගත් අතර, ඇයගේ සිත් ගත් පුරුෂයෙකු හෝ කාන්තාවක සමග අමතරව වචන දෙක තුනක් කථා කිරීමටද කාලය මිඩංගු කළාය. මේ නිසා ගුවන් යානයේ දොරටුව​ දක්වා ඇදී ගිය පෝලිම සෙමෙන් ඇදෙන නාගයෙකුගේ ස්වභාවය ගත්තේය. සෑම මගියෙකුම තමන් වැදගත් පුද්ගලයෙකු බව සිතූ නිසා තල්ලූකිරීමක්, සුසුම් හෙලීමක්, ශාප කිරීමක් දක්නට නොලැබිණි. කුඩා කරත්ත වැනි රෝද දෙකේ ඇදගෙන යන ගමන්මළු සන්තකව සිටි මගීහූ වඩාත් වාසනාවන්ත වූ අතර සෙමින් ඇදීයන පෝලිමේ අත්වල රුදාවක් හෝ කොන්දේ රුදාවකින් මිදී තම තමන්ගේ ගමන් මළු ඉදිරියට ඇදගෙන යෑමට ඔවුහු සමත් වූහ.

මා ඉදිරියේ සිටි මගීන් දෙදෙනො කව් බෝයි හිස්වැසුම් පැළඳ සිටි නිසාද ඔවුන්ගේ වචන උච්චාරණ වඩාත් දකුණට සමීප නිසා, මම ඔවුන් ටෙක්සාස් වලින් බව අනුමාන කළෙමි. එහෙත් මා පසුපස සිටි කාන්තාවගේ නහය උල්ව වක්වී ඇති ආකාරය අනුව ඇය යුදෙව් සම්භවයක් හෝ ස්ලේව් ජනවර්ගයට අයත් බව සිතුවෙමි. ඇයට යාබදව සිටි තරුණි‚ය වෝක්මන් යන්ත්‍රයේ සංගීතයට වශීව අවට ලෝකය අමතක කළාය. පොදුවේ මගීන්ගේ මුහුණූ වල ප්‍රසන්න පෙණුමක් තිබූ නමුදු තමන්ගේ හිතවතුන් සමග විනා ආගන්තුකයෙකු සමග කිසිවෙක් කථා නොකළහ. සමහරෙකුට මෙය කාන්සි ගෙන දෙන්නක් විය. එක් පුද්ගලයෙක් වෝල් ස්ටී්‍රට් ජර්නලය කියවමින් තමන්ගේ මනසේ ජනිත වූ අදහස් වචන වලට පරිවර්ථනය කරමින් පුවත් පත සමග දෙබසක් ගොඩ නගා ගන්නට තැත් කළේය.

පෝලිම ගුවන් යානයේ දොරටුව​ සමීපවත්ම මිනිසුන්ගේ දෙබස් නැවතිණි. පත්‍ර පිටු හැකිළී ගමන් මල්ල තුළට හෝ කිහිල්ල අතර රැදිණි. සෑම දෙනාම තමන්ගේ ගුවන් යානා ප්‍රවේශ පත්‍රය හා ආසන අංකය අඩංගු කූපනය පෙරටු කර ගත්හ. ගුවන් යානා සේවිකාවගේ දෙපා දක්වා ඇදී ආ පෝලිම එතැනදී කොටස් දෙකට ඛෙදී ගියේය. වටිනා ඇඳුම් පැළද සිටි පුෂ්ටිමත් ශරීර ඇත්තෝ දොරටුව​ තුළින් ගුවන් යානයේ ඉදිරි කොටසටද අවශේෂ පිරිස ගුවන් යානාවේ වලිගය කොටසටද තවදුරටත් ඇදී ගියහ. එම නිසා ඉහලින් බලන්නෙකුට මෙම පෝලිම ඉංග්‍රීසි ටී අක්ෂරයේ හැඩයක් දක්නට ලැඛෙතැයි මම අනුමාන කළෙමි.

කව් බෝයිවරු දෙදෙනා උස් හඬින් කථා කරමින් යම්කිසි ගාම්‍ය විහිළු කථා කීහ. ඔවුන්ගේ උච්චාරණයත්, වචන පිට කිරීමේ වේගයත් නිසා අවට සිටි පුද්ගලයන්ට සිනහ වීමට අවස්ථාව මග හැරී ගියේය. පොදුවේ ගත් කළ සොසේජ්, ජෝජ් ඩබ් බුෂ්, හිම පතනය වැනි වචන යොදමින් කළ විහිළුවට ඔවුන් දෙදෙනා පමණක් සිනහ වූ අතර අවට සිටි මගීහු තමාගේ ගුවන් ප්‍රවේශ පත්‍රයේ අකුරු ගනන් කළහ. නැතහොත් හිස කෙස් සකස් කළහ. එහෙත් කව් බෝයි දෙදෙනාට සිනහව පාලනය කර ගැනීමට පවා අපහසු වූ බව පෙනු‚. මෙම කව් බෝයිවරු දෙදෙනො අතරින් වඩාත් උස සහ මහත තැනැත්තා මම ජෝන් වේන් ලෙස නම් කළෙමි. අනෙකා ගැරී කූප ලෙස බෞතීස්ම කළෙමි. එම නිසා පාඨකයාට අපහසුවකින් තොරව ඔවුන් දෙදෙනාගේ දේහ විලාශ සිතේ මවා ගත හැකි වනු ඇත. 

ජෝන් වේන් ගුවන් යානා සේවිකාවට ආසන්නවත්ම යුනයිටඩ් එයාලයින්ස් අරබයා විකට කථාවක් කීය. එයද ඔවුන් දෙදෙනාට පමණක් සීමා වූ විහිළුවකි. එහෙත් එය තේරුණ බව ඇඟවීමටදෝ ගුවන් යානා සේවිකාව ජෝන් වේන් හට අතට අත දී පිළිගත්තාය. එසේම ගැරී කූප වෙත ඇය සිනහවෙන් පිරුණු මුහුණක් තිළිණ කළාය. ඔවුන් දෙදෙනො මොහොතක් ඇය අසල දැවටෙමින් තමන්ට හිමි ආසන ගැන විචාළහ. ගුවන් යානා සේවිකාවගේ මග පෙන්විම අනුව ඔවුන් ගුවන් යානාවේ අපර කොටස දෙසට ගමන් කළහ.

මගේ වාරයේදී ගුවන් යානා සේවිකාව නිල සිනහව පෙන් වූ අතර කව් බෝයිවරුන්ගේ දිශාවට ගමන් කිරීමට මට අණ කළාය. ගුවන් යානා අසුන් අතරින් වැටී ඇති පටු මාර්ගයේ අප ගමන් ගත් අතර එකවර ජෝන් වේන් නැවතීම නිසා මගේ නාසය ඔහුගේ පිටේ වැදිණි. මා ඔහුට සමාවෙන්නැයි කීවේමි. එහෙත් ජෝන් වේන් වරද තමාටම පටවා ගනිමින් චුවින්ගම් හපමින් සිටි විශාල හක්ක මා වෙත හරවා ටෙක්සාස් උච්චාරණයෙන් සමාව අයැද සිටියේය. 

යළිත් අප ඉදිරියට ගමන් කළෙමු. මෙවර මහා මාර්ගයේ අනුගමනය කරන ආරක්ෂිත ක්‍රියා මාර්ගය එනම් වාහන අතර නිසි පරතරය තබා ගැනීම මා අනුගමනය කළ හෙයින් කිසිවෙකුට සමාව අයැදීමක් අවශ්‍ය නොවීය. අපහසුවෙන් වුවද ගමන් කරමින් සිටියදී ගැරී කූප තම සගයාට තවත් යාන් හෑල්ලක් කීම ඇරඹිය. මෙය රන් හිස කෙස් ඇති තරුණියකු හා නිව්යෝක් ටයිම්ස් පුවත්පතේ වාර්තා කරුවෙකු අතර ඇති වූ දෙබසකි. තරුණි‚යගේ හා පුවත්පත් වාර්තාකරුවාගේ කථා ශෛලිය හැකිතාක් දුරට ඔහු අනුගමනය කළේ තම සගයාට උපරිම විනෝද රසයක් ගෙන ඒමටය. එහෙත් එකෙහින්ම ජෝන් වේන් තමන්ගේ ආසන අංකය සොයා ගත් බැවින් ගැරී කූප නිහ~ විය. අනතුරුව ඔවුහු දෙදෙනා තම තමන්ගේ ගමන් මළු ගුවන් යානයේ ආසනයට ඉහලින් තිබූ කුහරයට ඔබා එය වසා දැමූහ. යේසුස් ක්‍රිස්තුන්ට ප්‍රසාදය පළ කරමින් ඔවුහු අසුන් වල වාඩි වූහ. 

මම තවත් ආසන තුනක් පසු කොට මාගේ නියමිත අසුන සොයා ගතිමි. කව්බෝයිවරු අනුගමනය කළ මා මගේ ගමන් මල්ල නිසි පරිදි තැන්පත් කොට සැප පහසු අයුරින් හිද ගත්තෙමි. හිම පතනය නිසා ගුවන් යානයේ පහලින් බැලු විට අවට ප්‍රදේශය දර්ශනය වූයේ සුදු පලසක් එලන ලද භූමියක් මෙනි. මෙවැනි කාලගු‚ක තත්ත්වයක ගුවන් යානාවක් ධාවන පථය දිගේ වේගයෙන් පදවා අහසට නැංවිය හැක්කේ පළපුරුදු ගුවන් නියමුවෙකුට පම‚. යුනයිටඩ් එයා ගුවන් සේවයට අයත් යානා පැහැර ගැනීම මෙන්ම හදිසි අනතුරු සඳහා ප්‍රකට බැවින්  ඒ  සම්බන්ධයෙන් වැඩිදුරටත් කරුණු සිතීම මම අපහසුවෙන් වුවද වලකා ගත්තෙමි. කව්බෝයිවරු දෙදෙනා බියර් කෑන් දෙකක් විවෘත කර ගනිමින් සව්දිය පිරූහ. තම අසුන සොයා ගත් වෝල් ස්ටී්‍රට් ජර්නල් පාඨකයා තම ඒක පාර්ශවික සංවාදය ගෙන ගියේය. අනෙකුත් මගීහු සෙමෙන් සෙමෙන් විඩාපත්ව ඇවිදින්නාක් මෙන් තමන්ට නියමිත ආසන වල ඉදගත්හ.

තවමත් මාගේ යාබද අසුන හිස්ව පවතී. ගුවන් යානාවට ගොඩවීමට සිටි මගීන් සංඛ්‍යාව ගැන සලකා බැලීමේදී මෙම අසුනට ඉතාම ඉක්මනින් හිමිකාරයෙකු එන ලකුණක් තිබු‚. එහෙත් තවම මේ ඉරනම්කරුවා හෝ ඉරනම්කාරිය නැත. එය එලෙස හිස්ව තිබුනේ නම් යෙහෙකියි, යන අදහස මා තුළ පහළ වූවා යැයි කීම නිවැරදිය. අරාබි ජාතික යුවලකගේ තර්ක විතර්ක හ~ නිසා අප පසෙකට වී ඒ දෙසට යොමු විය. තරුණ වියේ සිටි පුරුෂයා තරබාරුය. ඔහු මුහුණ පුරා රැවුල වවා සිටියේය. ඔහුට වඩා වයසින් අඩු යැයි කිව හැකි දැකුම්කළු ඔහුගේ බිරිඳ හිස කෙස් නොපෙනෙන සේ කළු පැහැති සළුවකින් හිස වසා ගෙන සිටියාය. පුරුෂයා පැහැදිළි හඬින් ඉංග්‍රීසි භාෂාව කථා කළ නමුදු ඔහුගේ බිරිඳ පුරුෂයා සමඟ කථා කළේ අරාබි භාෂාවෙන් පම‚. පුරුෂයා ගුවන් සේවිකාව අමතා යමක් කියූ අතර ස්වල්ප මොහොතකට පසුව ඇය ඔහුව වතුර වීදුරුවක් ගෙන ආවාය. අනතුරු ස්ත්‍රිය හා පුරුෂයා අතර වචන හුවමාරුව අරාබි බසින්ම කෙරිණි.

ජෝන් වේන්, ගැරී කූප, වෝල් ස්ටී්‍රට් ජර්නල් පාඨකයා, අරාබි යුවල, තවත් කාන්තාවක් හා ඇගේ දිය‚ය මාගේ ඉදිරියෙන් සිටි අතර පසු පස සිටින්නන් දෙස එකවර බැලීම නුසුදුසු නිසා යටත් පිරිසෙන් ඔවුන්ගේ සංවාද ඇසුරෙන්වත් කවර තරාතිරමක පුද්ගලයන් පසුපස සිටිත්දැයි කුතුහලය මට ඇතිවුණි. එහෙත් සෙමෙන් ඇසෙන දෙබස් අනුව කවරෙකු පසුපස සිටීද යන්න තේරුම් ගැනීම උගහට විය. එහෙත් අවම වශයෙන් ගුවන් යානා ආරක්ෂක මාර්ෂල්වරයෙකු හෝ සිටීවා යැයි මා පැතුවේ යුනයිටඩ් ගුවන් යානා මුහුණ දෙන අකරතැබ්බ නිසා වෙනි.

ගුවන් මගීන් කීපදෙනෙකු ප්‍රමාද වන නිසාවෙන් යානය ගුවන් ගත කිරීමට විනාඩි විස්සකට ප්‍රමාද කළ බව නියමු කුටියේ සිට ලැබුණු ප‚වුඩය අනුසාරයෙන් එක් ගුවන් සේවිකාවක් ඉතා ආචාරශීලිව මගීන් වෙත දන්වා සිටියාය. වොල් ස්ටී්‍රට් ජර්නල්කරු හැරුණු විට කිසිදු මගියෙකු එම නිවේදනයට කාංසාමය ප්‍රතිචාරයක් නොදැක්වූ බව කිව යුතුය. 

මේ අතරවාරයේ ප්‍රමාද වූ මගීන් යැයි සිතිය හැකි කිහිප දෙනෙක් කලබලයෙන්ම අප සිටි ආසන කරා පැමි‚යහ. හිස්ව තිබූ අසුන් වල අංක ප්‍රවේසමෙන් කියවා ඔවුහු වාඩි වී සැනසුම් සුසුම් හෙලුහ. ඒ සමගම මාගේ යාබද අසුනේ හිමිකාරියද පැමිණුනාය. ඇය රන් හිසකේ ඇති සුදුවන් තරුණි‚යකි. එහෙත් ඇය රූප රාජිනියක් නොවේ. මඳ සිනහවක් පා කමා වන්නැයි පවසා තමන්ට හිමි ආසනයේ වාඩිවී ගුවන් සේවිකාවගේ නිවේදනයටත් පෙර ආසන පටි තද කරගත්තාය. 

අනෙක් මගීන් බරැති මලූ ගෙන ආවද, ඇය පැමි‚යේ හිස් අතින් කීවේ නම් ආසන්න වශයෙන් නිවැරදිය. ඇය අත තිබුනේ කාන්තා සඟරාවක් පම‚. සන්සුන්ව ඉදගත් ඇය ආසනය මදක් ඉදිරියට ළං කර ගත් නිසා අවට හිම පතනය දැකිය හැකි වූ ගෝලාකාර ජනේලය ඇගේ සිරුරට මුවා විය. එම ජනේලය දෙස බලන නෙත් යුග්මයට අසු වන්නේ ඇයගේ ඛෙල්ලෙන් පහළ කොටස නිසා ජනේලය දෙස බැලීම අත්හැර ඉදිරිපස සිටි කව්බෝයිවරු දෙදෙනාගේ නාටකය බැලීමට තීරණය කෙළෙමි. එහෙත් මෙවර ඔවුහු සන්සුන්ව අවට බලා සිටියා මිස ටෙක්සාස් විහිළුවක් හෝ කලේ නැත. ගුවන් යානා සේවිකාව ආසන පටි තද කරගන්නා ලෙස දැනුම් දීම නිසා සෑම දෙනාගේම අවධානය ඇය වෙත යොමු විය. මෙම සේවිකාව අළුතින් ගුවන් යානා සමාගමට බැදුණු තැනැත්තියක් බවට අනුමාන කිරීමේ සාධක තිබුණි. ඇය තරුණය. කට හඞ   ප්‍රාණවත්ය. එසේම නිරන්තර සිනහවකින් මුව සරසාගෙන සිටියාය. හදිසි අවස්ථාවකදී කළ හා නොකළ යුතු දේ පිළිබඳව ඇය මගීන් දැනුවත් කළ අතර ලැප් ටොප් පරිගණක, සෙලියුලර් දුරකථන ක්‍රියා විරහිත කරන ලෙසටද ඉල්ලීමක් කළාය. නිබදවම ගුවන් ගමන් යන මගීන් මෙම ඔවදන් අසා සිටියේ කම්මැලි ස්වභාවයකිනි.

ගුවන් සේවිකාවගේ කරුණු පෙන්වා දීම් වලට සමගාමීව ගුවන් යානා ආරක්ෂාව පිළිබඳව කුඩා වීඩියෝ පටයක්ද පෙන්වන ලදි. මෙම වීඩියෝපටයට දහ දොළොස් වතාවක් නරඹා ඇති මගීහු එම වීඩියෝ දර්ශන දෙස බැලූවේ එතරම් සැලකිල්ලකින් නොවේ. එහෙත් නිබඳවම හදිසි අවස්ථාවක් අපේක්ෂා කරන එසේම ඒ පිළිබඳව බිය ඇති මගීහු ඇසිපිය නොගසා සෑම කරුණක්ම ග්‍රහණය කර ගැනීමට වෙර දැරූහ.

මගේ යාබද අසුනේ සිටි තරුණි‚ය (මින් පසුව ඇය හිමවතිය ලෙස පාඨකයාට හඳුන්වා දෙමි.) ආරක්ෂාව පිළිබඳ ඔවදන් කිසිසේත් නොසලකා තමාගේ අතේ තිබූ සඟරාවේ යමක් කියවමින් සිටියාය. අවසාන නිවේදනයත් සමග ගුවන් යානය මදක් තිගැසිණි‚. සෙමෙන් සෙමෙන් යෝධ ගුවන් යානාව ඉදිරියට ඇදී යන බව තේරුම් ගැනීමට අපහසු නොවිය. හිමවතිය සඟරාව කියවීම මදකට නවත්වා ගුවන් යානාවේ වටකුරු කවුළුවෙන් අවට බැලූවාය. සෙමෙන් සෙමෙන් ගමන් ගත් යානය ඉද්ද ගැසුවාක් සේ නැවති‚. ඉක්බිතිව අසීරුවෙන් දක්ෂිණාවෘත අඩකවයක් වන ආකාරයට යානය හරවා ගත් නියමුවා ගුවන් යානයේ එන්ජිම ප්‍රාණවත් කළේ දෙදරීම් සමග ශබ්දයක්ද බැහැරට නිකුත් කරවමිණි. සෙමෙන් සෙමෙන් ඉදිරියට යන්නට වූ ගුවන් යානාව ක්‍රමයෙන් වේගය වැඩි කළේය. ගුරුත්වය පහළට නොව පිට අසලින් තිරස් අතට ඇදී යන සෙයක් දැනි‚. හිමවතිය දෙනෙත් පියාගෙන අත් දෙකින් ගුවන් ආසනයේ අත් ඇදි දෙක අල්ලාගෙන සිටියාය. ඇය කියවමින් සිටි සඟරාව ඇගේ උකුල මත විය. හිමෙන් පිරී තිබුණු ධාවන පථය ඔස්සේ වේගයෙන් ගමන් ගත් ගුවන් යානාව එක වරම ඉහළ ආකාශයට ඇදී ගියේය. පහතින් පෙනෙන ධාවන පථය, ගුවන් තොටුපළ සහ තවත් විනාඩි කීපයකදී මුළු ෆිලඩෙල්පියා නගරයම එක හුස්මට දැකගත හැකි විය.

යානය ගුවන් ගත වී විනාඩි විස්සකින් පමණ අවට සියල්ලම සන්සුන් වූවා සේ දැනිණි. කව්බෝයිවරුන්ගේ උස් හ~ ඇසෙන්නට විය. අරාබි යුවල අරාබි භාෂාවෙන් එකිනෙකා අමතමින් සිටියහ. හිමවතිය යළිත් සඟරාව අතට ගත්තාය. යන්තමින් ඇය දෙස බැලු විට පෙනී ගියේ ඇය අවුරුදු විසි හතරක් පමණ වයසැති තරුණියක් බවය. කළු පැහැති කලිසමකින් හා ලා කහ පැහැති ජර්සියක් ඇය ඇද සිටියාය. රන් පැහැති හිස කෙස් ජර්සියේ කොලරයට වැසී තිබූ නිසා ඇය දිග කොණ්ඩයක් ඇත්තියකැයි මම අනුමාන කළෙමි. මේ අතර කම්මැලි කමින් මිදීම සඳහා මම ඉදිරි අසුන පිටුපස සවි කොට තිඛෙන රූපවාහිණී තිරය දෙසට නෙත් යොමු කළෙමි. කිසිදු වැදගැම්මකට ඇති වඩසටහනක් නොවීය. බොක්ස් ඔෆිස් වාර්තා තැබූ චිත්‍රපට දෙකක් මෙම ගුවන් ගමන් වාරය ඇතුළත පෙනෙන බව නියමුවා පැවසුවද එම චිත්‍රපට සියල්ල මා නරඹා තිබුණි.

හිමවතිය සඟරාව කියවා අවසන් කළාය. රූපවාහිණී තිරයද ඇගේ සිත් ගත් බවක් පෙනෙන්නට නොතිබු‚. ඇයටද කම්මැලි කම දැනෙන්නට ඇත. ගුවන් යානය සැන් ෆ්‍රැන්සිස්කෝ නගරයට යන තෙක් කුඩා ඉඩ කඩක් ඇති අසුනේ අප ගුලි වී සිටිය යුතුය. කව්බෝයිවරුන්ට මෙන්ම අරාබි යුවලටද කාලය ගතවනවා නොදැනුනා විය හැකිය. ඔවුන් තම තමන්ගේ සංවාද වල එල්බගෙන සිටියේ අවට සිදු වන්නේ කුමක්දැයි වත් විමසිලිමත් බවක් නැතිවය. එවැනි වාසානාවක් රහිත වූ අවශේෂ මගීහු රූපවාහිනී තිරයට ඔරවමින් නැතහොත් ගුවන් යානයේ සිවිලිමේ තිඛෙන ඇණ සංඛ්‍යාව ගණන් කරමින් කාලය ගත කළහ. 

මා කිසිසේත්ම අපේක්ෂා නොකළ පරිදි හිමවතිය මා සමග කතා කළාය. ප්‍රථමයෙන් සංවාද ඇරඹීම පිළිබඳව ඇයට මගේ කෘතඥතාව හිමි විය යුතුය. ඔබගේ යාබද අසුනේ සිටින්නේ වයස්ගත පුද්ගලයෙකු හෝ ළමයෙකු නම් සංවාදයක් ඇරඹීමට ඔබ නොපැකිලෙනු ඇත. එහෙත් යාබද අසුනේ සිටින්නේ තරුණියක නම් ඔබ ඒ පිළිබඳව දෙවරක් සිතනු ඇත. තමන් යමක් ඇයගෙන් විමසූවිට ඇය පිළිතුරු නොදුන්නේ නම්, හෝ ඕනෑවට එපාවට නොසැලකිල්ලෙන් පිළිතුරු දුන්නේ නම් අවමානයක් සිතට දැනේ, මේ හැර ඔබ ඇය කරදරකාරයෙකු යැයි සිතුවහොත් එය වඩාත් විනාශකාරීය. එම නිසා තමන්ගේ යාබද අසුනේ තරුණි‚යක සිටින විට පිරිමි මුනිවත රකිති. තරු‚ය විසින්ම සංවාද ආරම්භ කිරීම කලාතුරකින් සිදුවන්නකි. එහෙත් හිමවතිය මා සමග නිදහසේ කථා කළාය.

—ඔබ යන්නේ සැන් ෆ්‍රැන්සිස්කෝ වෙතටද˜ ඇය විමසුවාය.

—නැහැ මම යන්නේ ලොස් ඇජලීස් වෙත සැන් ෆ්‍රැන්සිස්කෝ සිට තවත් ගුවන් යානාවක් තියෙනවා ලොස් ඇන්ජලිස් දක්වා˜ මම පිළිතුරු දුන්නෙමි.

ඇය සැන් ෆ්‍රැන්සිස්කෝ වෙත යන්නේ ප්‍රථම වතාවට බවත් ඇයගේ යෙහෙළියක මගින් රැකියාවක් ලබා ගැනීම ඇයගේ අපේක්ෂාව බවත් ඇය කීවාය. මා නිහ~ව ඇයට සවන් දුනිමි.

ෆිලඩෙල්ෆියාවේ වාසය ඇයට එපාවී ඇත. ඇය සැන් ෆ්‍රැන්සිස්කෝ කරා යන්නේ අළුත් ජීවිතයක් අපේක්ෂාවෙනි. තවම ජීවිතය කෙබඳු එකක් වේදැයි ඇය දන්නේ නැත. එහෙත් ඒ පිළිබඳව ආශාවක් කැමැත්තක් හිමවතිය තුළ තිබේ.

ගුවන් යානා සේවිකාවන් ආහාර රැගෙන අප වෙත එන තෙක් අපි සංවාදයේ යෙදුනෙමු. එහෙත් සත්‍ය වශයෙන්ම සිදු වූයේ ඇය කථා කිරීමත් මා ඇයට සාවධානව සවන්දීමත් පමණි.ඇය ඇසූ ප්‍රශ්ණ වලට මම අතරින් පතර පිළිතුරු දුන්නෙමි.

ගුවන් මගීන් සඳහා නියමිත ආහාර වේලට අමතරව ඇය ටූනා සැන්විච් එකක්, චොක්ලට් හා පළතුරු බීමක් ඇනවුම් කළාය. අමතර ආහාර සඳහා ඇයට ඩොලර් ෙÞළහක් ගෙවීමට සිදු විය.

අප ආහාර ගනිමින් සිටියදී ද ඇය කථා කළාය. ඇයට අවශ්‍ය වූයේ සැන් ෆ්‍රැන්සිස්කෝ බේ (සැන්ෆ්‍රැන්සිස්කෝ බොක්ක) අසන්නයේ පදිංචි වීමටය.

—මම මාළු අල්ලන්න කැමතියි. එතකොට මම හැමÞම හවසට මාළු අල්ලන්න යනවා...˜ හිමවතිය එසේ කියන අතරතුර ඇයගේ දෙනෙත් දිළිසු‚.

එතරම් සරු නොවූ ආහාරය අපි ඉක්මනින්ම ඉවර කළෙමු. කෝපි කෝප්පයක අවශ්‍යතාව මට දැනුණි. කෝපි සහිත භාජනය අතින් ගත් ගුවන් සේවිකාව ජෝන් වේන්ට කෝපි වත්කරමින් සිටියාය. ඔහුට කෝපි සමග යහමින් ක්‍රීම්ද අවශ්‍ය කළ හෙයින් තවත් විනාඩි කිහිපයක අමතර කාලයක් බලා සිටීමට අපට සිදුවිය.

—මට ටූනා සැන්විච් කන්න බැහැ...˜ ඇය එය මුළුමනින්ම මට පිරිනැමුවාය. 

ඇත්තෙන්ම මම ටූනා සැන්විච් ප්‍රිය කළෙමි. අයිසන්හවර් බාගයට තැම්බූ ගවමස් සහිත සැන්විච් කොතෙක් ප්‍රියකළේද ඒ  තරමටම මම ටූනා සැන්විච් ප්‍රිය කළෙමි. එම නිසා ඇගේ කාරු‚ක ආරාධනය ඉවතලනු නොහැකි විය.

හිමවතිය තමාගේ අනාගත සැලසුම් ගැන කථා කරද්දී මම එම රසවත් ටූනා සැන්විචය අවසන් කළෙමි. මේ අතර වාරයේ ගුවන් සේවිකාව අපට කෝපි ගෙන ආවාය. එහෙත් හිමවතිය තම පළතුරු යුෂ මිසක තේ හෝ කෝපි බීම ප්‍රතික්ෂේප කළාය. ඇතැම් විට ඇය කෝපි බීම අප්‍රිය කරන්නියක විය හැකිය.

උණුසුමි කෝපි කොප්පයත් සමගම ගත සිත නිතැතින්ම ප්‍රබෝධවත් වෙයි. ඇය මිළ දී ගත් චොක්ලට් පෙත්ත දෙකට කැඩුවාය. ඉක්බිති එක පලූවක් මා අතට දී ඇගේ කොටස සෙමෙන් අනුභව කළාය.

—මර්ලින් මෙන්සන් සැන් ප්‍රැන්සිස්කෝ වෙත එන්නේ කවදාද?˜ ඇය ඇසුවාය. එහෙත් මා එම ගායකයා ගැන අසා තිබුනේ යන්තමිනි. ඔහු ඝෝෂාකාරී ගායකයෙකු බවත්, තරුණ තරු‚යන් මර්ලින් මෙන්සන්ව අදහන බවත් හැර මා වැඩිමනක් යමක් ඔහු ගැන දැන සිටියේ නැත. එමනිසා හිමවතියගේ ප්‍රශ්ණයට ප්‍රමානවත් පිළිතුරක් දීමට මම අපොහොසත් වීමි.

ඇය මර්ලින් මෙන්සන් ගැන බෝහෝ දේවල් කීවාය. මිචිගන් හී පැවති ඔහුගේ සංගීත ප්‍රසංගයට ගිය අයුරු, නගරයේ වැඩිහිටි පුරවැසියන් ඔහුට විරුද්ධව උද්ඝෝෂණය කළ අයුරු, සහ ප්‍රසංගය අවසානයේදී කොල්ලන් සහ පොලිස්කාරයක් අතර ඇරඹි ගැටුම ගැනද ඇය පැවසුවේ මේ සියල්ලම ඇයගේ දෙනෙත් ඉදිරිපිට සිදුවූ දෑ ලෙසටය. ඇතැම් විට මේවා හිමවතිය දැක්කා විය හැකිය. ඒ පිළිබඳව සැක කරන්න කිසිදු හේතු කාරණාවක් මා තුළ නොවීය.

හිමවතිය කථා තරන විට ඇගේ ඇස් නැටවෙයි. එසේම ඇයගේ ස්වර වරින්වර වෙනස් වෙයි. ෆිලඩෙල්ෆියාව ගැන කථා කිරීමේදී ඇයගේ කටහඞ  ප්‍රාණවත් බවින් තොරවූ අතර සැන්ෆ්‍රැන්සිස්කෝ නගරය ගැන හිමවතිය කථා කළේ කටහඞ   පමණක් නොව දෙනෙත් වල කාන්තියද පතුරුවමිණි. එසේම මර්ලින් මෙන්සන් ගැන කථා කරන සෑම විටකම තමාගේ දකුණු අත පපුවට තද කර ගත්තාය.

හිමවතිය සමග මා කොතෙක් වේලා සංවාදයේ යෙදී සිටියේද යන්න මට තේරුමක් නොවීය. අපගේ සංවාදය නැවතුනේ තවත් විනාඩි විස්සක් ඇතුළත ගුවන් යානය සැන් ෆ්‍රැන්සිස්කෝ ගුවන් තොටුපළට ගොඩබස්සන බවට නිවේදනයත් සමගය. ගුවන් යානා කවුළුවෙන් පිටත බැලු අපට පහතින් ගෝල්ඩන් ගේට් පාළම දර්ශණය විය. එය රන් පැහැති රිදී හුයක් සේ පෙනෙයි. ගුවන් යානය ක්‍රමයෙන් පහතට ඇදී යත්ම පාළම වඩ වඩා විශාලව පෙනෙන්නට විය. හිමවතිය සැන්ෆ්‍රැන්සිස්කෝ නගරය දෙස බලා සිටියේ මව දෙස බලන ළදරුවෙකු ලෙසය. ඉන්පසු අප අතර වචන හුවමාරුව වූයේ මද වශයෙනි.

ගුවන් යානය ගුවන් තොටට ගොඩබැස්වීමට ආසන්න වෙත්ම යළි නිහැඬියාවක් ගුවන් යානය පුරා පැතිර ගියේය. සියල්ලෝම ආසන පටි තද කරගත්හ. යළි දෙදරීම පටන් ගත්තේය. හිමවතිය දෑස් පියා ගත්තාය.

ගුවන් යානයේ රෝද ධාවන පථය ස්පර්ශ කරත්ම මුළු යානයම ගැස්මකට ලක් වෙයි. ඉතා පළපුරුදු දක්ෂ නියමුවන් විසින් පදවන ගුවන් යානා ගොඩබැස්සීමේ දී මෙම ගැස්ම දැනෙන්නේ අඩුවෙනි. එහෙත් ආධුනික හෝ අදක්ෂ නියමුවෙකුට ගුවන් යානාවක් ගොඩබැස්වීමේ දී ගුවන් මගීන්ගේ සංර්වාංගයම සලිත කළ හැකිය. 

අපගේ ගුවන් නියමුවා යානය ගොඩබැස්සවූ ආකාරයට ඔහු දක්ෂයෙකු බව මම තීරණය කළෙමි. ධාවන පථය දිගේ ගමන් කළ ගුවන් යානය වේගය අඩු විය. අනතුරුව නියමිත පර්යන්ත ඒකකය වෙත ඇදුනේ අපහසුවෙන් ගමන් කරන මහළු මිනිසෙකු සේය. ගුවන් යානය පර්යන්ත ඒකකය වෙත ලඟාවූ වහාම ගුවන් යානයේ එංජිම නතර විය. ඒ සමඟම මගීන්ගේ කටහඞ   ඇසෙන්නට පටන්ගත්තේය. ගැරී කූප සහ ජෝන් වේන් කථා කළහ. අරාබි කාන්තාව තම සැමියාගේ අත අල්ලාගත්තේ අරාබි බසින් යමක් පවසමිණි. වෝල් ස්ටී්‍රට් ජර්නල්කරු නැගිට තමන්ගේ ගමන් මල්ලද අතට ගත්තේ හැකි ඉක්මනින් ගුවන් යානයෙන් පිට වීමට මෙනි. මේ අතරවාරයේ හිමවතිය තමාගේ හිසකේ සකස් කළාය.

ගුවන් යානයේ දොරටුව​විවෘත කිරීමත් සමගම මගීහු ගුලකින් එළියට එන කූඹීන් මෙන් ගුවන් යානාවේ දොරටුවවෙන් ඉවතට ඇදී ආහ. ඉදිරිපෙළ සිටි මගීන් සියල්ලෝම පාහේ ගුවන් යානයේ දොර අසල රැස්වී විටියේ තමාගේ වාරය එන තෙක්ය. ඉදිරියෙන්ම ජෝන් වේන් දැක ගත හැකි විය. මම මගේ ගමන් මල්ල අතට ගත්තෙමි. හිමවතිය නැගිට යන්තම් මා දෙස හැරී සුභ ගමන් කීවාය. ඉක්බිති ඇය කඩිනම්න් දොරටුව​ අසලට ගියේ සැන් ප්‍රැන්සිස්කෝ නගරයට දිව යාමට මෙනි.

ගුවන් යානයේ සිටි මගීහු එකම දිසාවට ගමන් කරති. දැන් මා ඉදිරියේ සිටින්නේ වෙනත් මගීන් සමූහයකි. හිමවතිය, ජෝ වේන්, ගැරී කූප, වෝල් ස්ටී්‍රට්, ජර්නල්කරු, අරාබි යුවල කිසිවෙකු පෙනෙන්ට නැත. මම සෙමෙන් අනෙකුත් මගීන් පසුපස ගොස් මාගේ මීලඟ ගුවන් යානාවට නියමිත ටර්මිනලයට යාම සඳහා එස්කැලේටරයට ගොඩවූයෙමි. 

වෛද්‍ය රුවන් එම්. ජයතුංග