බොඩි ගලවා

එන්‍රිකේ ඉග්ලේෂියාස්‌ගේ ප්‍රසංගයේදී ඔහු දෙසට තනපටය වීසි කළ සිද්ධිය නිසා  ජනපති මෛත්‍රිපාල සිරිසේන මෙසේ කීය​.

 "'මේ ගැහැණු ළමයි තනපටය ගලවලා දුන්නා මේ ගායකයාට.මේ අපේකම් රකින හැටි. තරුණ ගැහැණු ළමයි වේදිකාවට නැගල මේ ගායකයව බලෙන් සිප ගත්තා ඉන්න බැරුව.' මෙවැනි 'අසංවර' ක්‍රියාවල නිරත වන තරුණියන්ට ,  මෙවැනි වැඩසටහන් ශ්‍රී ලංකාව තුළ සංවිධානය කරන පුද්ගලයන්ට 'මඩු වල්ගෙන් තල්ලන ඕනේ " 

 මේ තනපට කතාව අසන මට මතක් වෙන්නේ 1998 පමණ කාලයේ මීගමුව රෝහලේ නාරි හා ප්‍රසව වාට්ටුවේ සිටි මිඩ් වයිෆ් කෙනෙකි. ඇය සැම විටම ලේබර් රූම් එකට ප්‍රසූති වලට යන කාන්තාවන්ට මෙසේ කියන්නීය​. 

" ඔය ලේබර් රූම් එකට යන අය බොඩි ගලවල යන්න "  

ලේබර් රූම් එකට යන කාන්තාවන්ට බොඩි ගැල්වීමට උපදෙස් දුන් මේ මිඩ් වයිෆ්ටත් මඩු වල්ගෙන් තලයිද යන සහේතුක බියක් මට ඇතිවේ.

පහත සටහන මා විසින් ලියන ලද මානසික රෝගියාගේ පරිකල්පනය නම් පොතේ එන්නකි. 

 ..........මිනිසෙකු රළු වන්නේ  හදවත තවනා පියොවුරු නැති නිසා බව කව් සිළුමිණ කවියා පැවසුවා මෙහෙම.    

පුරා අනුරා ඇති පියොවුරු දිදී ළෙහි මා සැරහූවන් පෙරදවස් හිද නොතද වේ කුම්සේ.    

වාජිඩ් බෝග්රා වැඩ කලේ පකිස්ථාන සංස්කෘතික දෙපාර්තමේන්තුවේ.  ඔහට හිට්යා ලස්සන බිරිඳක්. අසල්වැසියන් ඔහුට ඉර්ශියා කළා රුවැති බිරිදක් සිටීම නිසා.  ඇයගේ දෙනෙත් වල ලස්සනකියලා නිම කරන්න බැහැ. ඇය පර්සියාවේ සුල්තාන් කෙනෙක්ගේ බිසවක් වගේ.   ඇයගේ රන් හංසයන් ඔහුව කුල්මත් කළා. නමුත් මේ සතුට පැවතියේ සුළු කාලයයි. ඔහුගේ රූමත් බිරිඳ ආගාසාෆි  දරු ප්‍රසුතියේදී මිය ගියා. වාජිඩ් බෝග්රා ලෝකයේ තනි උනා. වෙනදා සන්තෝසයෙන් පාරේ දකින මිනිසා නෙවෙයි ඊට  පස්සේ හිටියේ. ඔහු රෑබෝ වෙනකම් කාර්යාලේ වැඩ කළා.පොඩි වැරැද්දකදී උනත් පියන්ට කඩා පැන්නා. වැඩ ප්‍රමාද කරන කන්තෝරුවේ ලියන්නන්ට තදින් අවවාද කරලා ලියුම් ගැහුවා. 

මේ කලේ තමයි කාන්තාවන්ගේ ඇඳුම ගැන සංස්කෘතිකදෙපාර්තමේන්තුව තදින් ක්‍රියා කරන්න පටන් ගත්තේ.  කාන්තාවන්ගේ තනපටි පිළිබඳව පකිස්ථානයේ ඉස්ලාමික කවුන්සලය අවධානය යොමු කරා.  නොයෙකුත් වර්ණයෙන් යුතු තනපට, තට්ටුඇල්ලූ තනපට, විවිධ වර්ගයේ කුෂන් කරන ලද තනපට , විනිවිද පෙනෙන තනපට , සිහින් තනපට , සිනිදු තනපට ආදී අශික්ෂිත තනපට නිෂ්පාදනය, ප්‍රවාහනය , ළඟ තබාගැනීම, ඇඳීම මෙන්ම    ආනයනය කිරිම අලෙවි කිරිමද   නොකළ යුතු බවත්  ,මෙවැනි තනපටි වර්ග පකිස්ථානයේ නිෂ්පාදනය කිරිමත් නොමනා ක‍්‍රියාවක් බවත්   ඉස්ලාමික කවුන්සලයේ අදහස උනේ.වාජිඩ් බෝග්රා මේ අදහස අනුමත කල පමණක් නොවේ මේ නීති රීති කඩන්නන්ට දැඩි දඬුවම්   කල යුතු බව කියා සිටියා. ආගා සාෆි  ගේ පහස නොලැබී යාම නිසා ඔහු සිටියේ විශාල කියා ගතනොහැකි අසහනයකින්. ඔහු සෑම රාත්‍රියකම ආගා සාෆි  ගේ පුන් පියයුරු සිහිනෙන් දැක්කා. රන් පැහැති සිනිදු රණ හංසයන් කෙරෙහි ඔහු තුල තිබු ආශාව  එන්න එන්නම වැඩි උණා. ඒ ආශාවදැඩි  වන්න දැඩි වන්න ඔහු සිටියේ තිසර පටි නීති තද කල යුතුයි කියන ස්ථාවරයේ.  හදවත තවනා පියොවුරු නැති නිසා වාජිඩ් බෝග්රා රළු නරුමයෙකු බවට පත් උණා.