මට රැග දුන් ජ්‍යේෂ්ඨ උතුමා

එදා තක්සලාවේ දී සමානාත්මතාවය සඳහා කියමින්
මට ඩිප්ස් ගැස්සවූ උඹ 
"තෝ කොළඹ ඉස්කෝලෙක" කියා
කුනුවතුර බකට් කල උඹ
ටයි පටියක් බැඳ
ඉඳියි මාව නාඳුනන විලස අද

ශිෂ්‍ය අරගල කියා
අපිට පෝස්ටර් ගැසීමට බලකළ උඹ
පරිපාලකයන්ට හූ කියන්න නියම කල උඹ
අද උන් එක්ක එක පතේ කයි

උඹේ බස් අසා
උද්ඝෝෂණය කර
බැටන් පොලු පාරවල්
කොස්සන්ගෙන් කෑ අපව
දැන් අමතකද

පන්ති වර්ජනය කර
තක්සලවටම නාකි වූ අපට
ජොබ් කට්ටක් හොයාගන්නට
පාර කියනවද?

වෛද්‍ය රුවන් එම් ජයතුංග