පතිරූප දේශය

ලංකාව පතිරූප දේශයක්ද තව දුරටත්

නූගතුන් විසින් උගතුන්ව පාළනය කරන 

මරණය සුලබ මිනිස්කම දුලබ  

ජාති ආගම් භාෂා වලින් කොටු සදාගෙන 

එකිනෙකා සැක කරන 

එකිනෙකා මරා ගන්නා 

විනාශය කරා ඇදෙන දේශය

නිශ්ශබ්ද වූ යහපත් මිනිසුන්ගේ නිසල හඞ පරයා 

ඇසෙයි මහ හඞ ක්‍රියාශ්‍රීලී අතලොස්සක් වූ 

සමාජයට මාරාන්තික අනර්ථකාරී අන්තවාදීන්ගේ

ඒ අතර වැදි බණ දෙසයි  යථාවාදී තථාකාරී  බවින්  

බොහෝ සෙයින් ඈත් වූ  කාමාග්නියේ ගැළුණු 

පරපුටු පූජක හමුදාව

ගසාකයි දේශයේ සම්පත් 

මහජන මුදලින් යාන වාහන මන්දිර 

පිනට ලබාගත් දේශ පාළුවන් 

මිරිකා යුශ උරා බොයි වවුල් හපයක් සේ 

වෛද්‍ය රුවන් එම්. ජයතුංග