සිංහල සාහිත්‍ය නිර්මාණ තුළ දක්නට ලැබෙන බිඳ වැටුණු පිරිමි පෞරුෂයන්

සිංහල සාහිත්‍යයේ සිටි බහුතරයක් පිරිමි දුබලයෝ. අරවින්ද තම අනන්‍යතාවය සඟවාගෙන සිටින සමලිංගිකයෙක් -closet homosexual. අරවින්ද ඉවාන් ගන්චරොව් විසින් හඳුන්වා දෙන  Oblomov  චරිතයට සමානයි. අරවින්ද ඔබ්ලෝමොව් මෙන් කිසිවක් ඉටුකර ගැනීමේ අභිලාෂය සොයා ගැනීමට නොහැකි සහ වැදගත් තීරණ ගැනීමට නොහැකි පුද්ගලයෙක්. (අරවින්ද පිලිබඳ මගේ ලිපිය බලන්න​) 

සුගත් දුර්වළ පිරිමියෙක්. මාතෘ සහ පීතෘ වියෝගයට කුඩා කාලයේ ලක්වූ සුගත් ප්‍රථම ප්‍රේමයේ බලාපොරොත්තු කඩා වැටීම නිසා මධු ලෝලියෙක් වෙනවා. ඔහු තුල Empty Space හෙවත් මෝඝ අවකාශයක් තියනවා හැටේ දශකයේ සිංහල පිරිමින් ගේ පරමාදර්ශය උනේ සුගත්. බොහෝ දෙනෙක් මේ දුර්වළ පෞරුෂය වැළඳ ගත්තා. ඔහු අනුව යමින් සිගරට් පවා බිව්වා. මේ   ස්වපීඩාකාමය කෙරෙහි ආකර්ශනයට  සිංහල සාමූහික අවිඥාණයේ තියන අත්තකිල මතානුයෝගය හේතු කාරකයක් වන්නට ඇති.

පියල් උන්නතිකාමියෙක්. එහෙත් කුල පීඩිත මානසිකත්වයෙන් ජීවත් වන්නෙක්. ඔහුගේ සඟවා ගත් කුල පීඩිත හීනමානය පුපුරා යන්නේ ජිනදාසව තමන් ගේ වියදමින් භූමිදානය කල බව ඇසීමෙන්. ඔහු තුල insecure හැඟීම් තියනවා. ධනවත්  උනත් ඔහුගේ පෞරුෂය fragile පහසුවෙන් බිඳෙන සුළුයි.  

නිමල් හතුරුසිංහ ඉතා දුර්වල පිරිමියෙක්. කුඩා කාලයේ අඟ හිඟ ජීවිතය ජය ගන්න ධනවත් පද්මිනී බැඳලා විනාශ වෙනවා. ඔහුට පෞරුෂයක් තිබුනේ නෑ. අවසානයේදී පරාජිත දිසාපති එන්නේ තමන් මනසින් ප්‍රතික්ශේප කල ඩ්‍රයිවර් පියා ල​ඟට. එහෙත් සමහර විශ්ව විද්‍යාල සිසුන්  මනසින් නිමල් හතුරුසිංහලා වෙන්න හැදුවා.

කේ ජයතිලක ඉදිරිපත් කරන කමල්සිරි හීනමානය කුල පීඩිත අනාරක්‍ෂිත බව හිස උඩ තියාගෙන ඉන්න පරිපාලන නිලධාරියෙක්. ඔහුගේ පරිපාලන තීරණ වලටත් මේ හීනමානය බලපානවා. 

බලදේව ග්‍රාමීය පසුගාමීත්වයෙන් පෙලෙන්නෙක්. ක්සෙනෆෝබියාව සහ නවතාවයට බියක් ඔහු තුල තියනවා. අසූව දශකයේ සමහර නාගරික සිංහල පිරිමි බලදේව වගේ නැෂනල් සූට් එකට බැස්සා. සෝම භික්‍ෂුවගේ ප්‍රොජෙක්ට් එකේ බලදේවලා ගොඩක් දකින්න පුලුවන් උනා. සමහරු නලීන් ද සිල්වා ගේ බටහිර විද්‍යාව පට්ටපල් බොරුවක් කියන මතයට අනුගත වුනා. 

ගුණදාස අමරසේකර අපට ඉදිරිපත් කරන පිරිමි චරිත බොහොමයක් අපගාමී (Deviant) ලක්‍ෂණ වලින් යුක්තයි. ඔවුන්  දුර්වළ  සහ කාමයට අපගාමී ලෙස නැඹුරු වූ ග්‍රාමීය පිරිමි. සමහරු ව්‍යාභිචාරිකයන්. 

සිංහල සාහිත්‍යයේ සිටි දුර්වළ පිරිමි මිනිසුන් ගේ පරමාදර්ශ සහ ආකර්ශනය දිනා ගන්න එක හේතුවක් වෙන්න ඇත්තේ සිංහලයන් තුල ජීවිතය පිලිබඳ තිබෙන ආකල්පය ; ජීවිතය දුකයි ; මේ ජීවිතයේ ගත යුතු දෙයක් නෑ; මේ ජීවිතයෙන් පමණක් නෙවෙයි සංසාරය කියන චක්‍රයෙන් පවා මිදෙන්න ඕන කියන ආකල්පය. 

මගේ අදහස අනුව සිංහල සාහිත්‍යයේ සිටි ශක්තිමත්ම පිරිමියා සවිමන් කබලාන​. ඔහු උන්නතිකාමියෙක්. දියුණු වීම සංවර්ධනය ඔහුගේ ආදර්ශ වාක්‍යය. නිර්දය විය යුතු තැන් වලදී ඔහු නිර්දය වෙනවා. නීට්ශේ ගේ අදහස් අනුව  බැලූ විට   Übermensch,  ගති ලක්‍ෂණ බොහොමයක්   සවිමන් කබලාන තුල තියනවා. ඔහු ඉදිරිගාමියෙක්.  සවිමන්  සාම්ප්‍රදායික සිංහල සමාජයේ සිංහල සංස්කෘතියේ  සමාජයේ පොදු මතයන්ට ගැති වීම (herd morality) ප්‍රතික්ශේප කරනවා. ඔහු ශුන්‍යතාවාදය (nihilism)  සාර්ථකව ජයගත් පුද්ගලයෙක්. ඔහුට තමන් ගේ ස්වාධීන සාරධර්ම තියනවා. ඔහු  ද්වී භාෂා හැකියාව ඈති ප්‍රබල පෞරුෂයකින් මෙන්ම ශාරීරිකව ශක්තිමත් වූ ඇග්‍රෙසිව් ඇල්ෆා මේල් කෙනෙක්. 

ඔහුට බටහිර සාහිත්‍ය කලාව පිලිබඳ උසස් දැණුමක් තියනවා. ඔහු දේශන පවා කරනවා. බටහිර ටයි කෝට් අඳින සමාජය ඉදිරිපිට ඔහු ඇඹරෙන්නේ නෑ. මහජන මතයට ගැති වීමේ මානසිකත්වය" ප්‍රතික්‍ෂේප කිරීම සවිමන් ගේ ලක්‍ෂණයක්. ඔහු මෙලොව ජීවිතය සහ ප්‍රායෝගිකත්වය කෙරෙහි අවධානය යොමු කරන්නෙක්. එහෙත් සිංහල සමාජය සර්පයෙකු බැහැර කරනවා සේ බියෙන් සහ පිලිකුලෙන් සවිමන් කබලාන බැහැර කරනවා. මීට හේතුව දොස්තර වික්‍රමසිංහ / එන් එම් පෙරේරා / විජේවීර ආකල්ප පරම්පරා විසින් වැළඳ ගැනීම නිසා  මෙන්ම ධනයට තියන බය සහ පිලිකුල ; සේරි වාණිජ ජාතකයේ පරම්පරාගත බලපෑම නිසා විය හැකියි.  

සිංහල පාඨකයා  සවිමන් කබලානව ප්‍රතික්ශේප කරනවා එහෙත් සමහරක්  මාක්ස්වාදය කෙරෙහි ආකර්ශනය නිසා කබලාන ගේ පුතා වන මාලන්ව වැළඳ ගන්නවා. මාලන් අපරිණත දුර්වළ කොග්ගල ආච්චිගේ සල්ලි වලින් යැපෙන දුර්වළ පිරිමියෙක්. 

සිංහල සමාජය දුර්වළ පිරිමියා සොයා ගෙන යාම ඔවුන්ව උත්කර්ශයට පත් කිරීම සහ ඔවුන්ව පරමාදර්ශ කර ගැනීම මනෝ විද්‍යාත්මකව ඇනලයිස් කල යුතුයි. 

වෛද්‍ය රුවන් එම් ජයතුංග 

අරවින්ද පිලිබඳ මගේ ලිපිය LINK;  https://transyl2014.blogspot.com/2019/03/viragaya-and-aravinda.html

සුගත් පිලිබඳ මගේ ලිපිය LINK;  https://transyl2014.blogspot.com/2025/07/karunasena-jayalath-one-of-underrated.html

කේ ජයතිලක ඉදිරිපත් කරන කමල්සිරි පිලිබඳ මගේ ලිපිය LINK; 

https://transyl2014.blogspot.com/2015/02/k-jayathilaka-great-literary-icon-and.html

Remembering Dr. David Lee Provorse -Washburn University in Topeka, Kansas

Dr. David Lee Provorse served as an associate professor and previously held the position of chairman within the psychology department at Washburn University in Topeka, Kansas. In 2006, he extended an invitation for me to present a lecture on the topic of post-traumatic stress disorder (PTSD) as it relates to both man-made and natural disasters, marking the beginning of a lasting friendship and frequent exchange of ideas and insights. His warmth and approachable, friendly attitude made him a cherished colleague, and he later invited me to participate as a visiting lecturer at Washburn University, where I had the opportunity to deliver several online lectures. 

Dr. Provorse possessed extensive knowledge of psychology, with particular interests in the intersection of psychology and athletic performance, as well as the effects of mindfulness on brain chemistry. When I published my book, "Clinical Meditation," in 2023, I was pleased to share a copy with him, and his positive and encouraging feedback was invaluable to me. 

He had often expressed a desire to visit Sri Lanka for a brief vacation, a testament to his adventurous spirit. However, in 2024, we faced the heartbreaking loss of Dr. Provorse, which resonated deeply on a personal level, as I lost not only a friend but also a colleague and a steadfast well-wisher. Though he is no longer with us, his remarkable human qualities and the impact he made on those around him will forever be remembered and cherished.

Dr. Ruwan M. Jayatunge M.D. PhD 

ඔවුන් සිනහ වෙනවා

 

ඔවුන් සිනහ වෙනවා. ඔවුන් මේ ලෝකයට අනුගත වෙන්නේ නෑ. ඔවුන් ගේ අරමුණ මේ ලෝකය නෙවෙයි. ඔවුන්ට අවශ්‍ය මරණින් පසු සදාකාලික ජීවනය කන්‍යාවන් 72 සමග මී පැනි සහ කිරි වලින් ස්වයංපෝෂිත වූ ලෝකය​. ............... ෆ්‍රෙඩරික් නීට්ශේ මේ ප්‍රෙහේලිකාව පිලිබඳ ලියනවා. ඔහු කියනවා ආගම් විසින් මිනිසුන් ගේ වර්තමාන ජීවිතය සොරා ගත් බව ............ ..............Read more LINK ; https://transyl2014.blogspot.com/2025/11/the-way-i-understand-friedrich.html

Tracing My Life’s Journey Through the Music of the Sutherland Brothers

The Sutherland Brothers, Iain and Gavin, were an exceptional Scottish folk and soft rock duo who gained international recognition in the 1970s, primarily for their exceptional songwriting and a significant collaboration. Their music left a lasting impact on many, including myself, as I first encountered their melodies at the tender age of 10 or 11, instantly captivated by their charm. 

A vivid memory from 1977 recalls a New Year festival in my neighborhood, where a local girl performed "Arms of Mary" with remarkable grace. Their hits, including "Secrets," You Got Me Anyway "Easy Come, Easy Go"" and "Sailing," resonated widely, with Rod Stewart later elevating "Sailing" to new heights. 

In 1978, while at Kandy station, I was delighted to hear university students singing "When the Train Comes" as the train approached. It was an indication that the influence of their music had clearly permeated the upper middle class in Sri Lanka.

During my time studying medicine in the USSR (Ukraine)  at 21, I was pleasantly surprised to find that the Sutherland Brothers' music had reached Soviet audiences. One summer in London (1987), I discovered old LPs of their work owned by a relative and attempted to record them onto a cassette. I have encountered fellow fans of my generation in Canada, the US, and Australia who continue to cherish their music, which remains timeless. 

Recently, I reached out to James Sutherland, Ian's son, to share how a boy from a small Asian country grew up listening to his father's and uncle's music, which provided joy and solace during turbulent times. Justin graciously acknowledged my message and expressed his intention to share my sentiments with his mother. 

The music of the Sutherland Brothers holds considerable importance in the history of 1970s rock, highlighting their remarkable songwriting abilities and influencing numerous iconic artists. 

Though Iain Sutherland sadly passed away in 2019, the music he left behind remains beautifully immune to time. They occupy  the hearts of a global generation. The timeless, comforting harmony of the Sutherland Brothers still carries us home.

Dr Ruwan M Jayatunge M.D. PhD 

මුහුණු පොතේ සැරිසරන "Lumpen" කොටස්

මුහුණු පොත පුරවැසි මාධ්‍යකරණයට වගේම බුද්ධිමය සංවාද කරන්නත් හොඳ ප්ලැට්ෆෝම් එකක්. නමුත් පසුගිය වසර කීපය තුල පරිගණක තාක්‍ෂණය සාමාන්‍ය ජනතාව තුලටත් කාන්දු වීම නිසා සමාජයේ සැම ලේයර් එකකම පුද්ගලයෝ මුහුණු පොත හරහා අදහස් හුවමාරු කර ගන්නවා. මේකේ හොඳ වගේම නරක පැත්තකුත් තියනවා. 

මෑතකදී කර්නල් චන්න කරුණාරත්න පෝස්ට් එකක් පල කරලා තිබ්බා ; ඔහු යම් මතභේදාත්මක අදහසක් පිලිබඳ මතයක් පල කලොත් හෝ ඒ පිලිබඳව ලිව්වොත් යම් කොටසක් ඉන්නවා කුනුහරප සහ පහත් පෙලේ අවලාද වලින් පිලිතුරු දෙන​. අපත් මේ ප්‍රවණතාව දකිනවා. එවිට බුද්ධිමය සහ හරවත් සංවාද මඟ හැරෙනවා. 

පෙනී යන පරිදි බුකියේ පහල සමාජ ලේයර් එකෙන් ආපු පාදඩ සෙට් සැරිසරනවා. දුප්පත්කම සමාජ විශමතාවක් ඒක වරදක් නෙවෙයි. නමුත් දුප්පත්කමක් එක්ක බැඳුනු නූගත්කම පාදඩකම භයානකයි. මාක්ස් කියූ පරිදි මොවුන් ධනේශ්වර සමාජ ක්‍රමය තුළ අතරමං වූ, සමාජයෙන් කොන් වූ හෝ පිරිහුණු කොටස් වේ.  මේ කොටස් එන්නේ දුප්පත්කම  නූගත්කම සමාජ විශමතාව පිරුණු   සමාජ ස්ථර වලින්. ඔවුන් ගේ දෙමාපියන් පවා අඩු අධ්‍යාපනයකින් යුක්තයි. බොහෝ විට මේ පවුල් වල පියා මව අමතන්නේ කුනුහරපයෙන්. ඒ වගේම ඔවුන් ජීවත් වන නේබහුඩ් ගැටුම් කුනුහරප අතෘප්තිය පිරිලා. ඒ නිසා පහත් පෙලේ ගැටුම් ඔවුන්ට ජීවිතයේ සාමාන්‍යකරණයක්. නාගරික නම් එන්නේ මුඩුක්කු හෝ වතු වලින්. ග්‍රාමීය නම් ගමේ මිනිසුන් කොන් කරන ලද පවුල් එසේම අතෘප්තිමත් ළමා කාලය , සම්පත් හිඟකම සහ සමාජ එරියස් නොහොත් සමාජ වයිරය පැසවනවා. යම් දෙයක් ලිව්වම කුනුහරප කියාගෙන අඩෝ පඩෝ ගාගෙන එනවා. යම් තර්කයක් නිශේදනය කරන්න දැණුමක් තර්ක ඥාණයක් නෑ. හැම දේකටම එකම කුනුහරපය අවලාදය තමයි කියන්නේ. 

වරක් මම දැක්ක එක වෛද්‍යවරියක් දර ලිප් ගැන දාපු විද්‍යාත්මක පෝස්ට් එකක්. ඒකට හෝ ගාලා  කුනුහරුප කියාගෙන එනවා. මේ අයගේ ප්‍රොෆයිල් බොහෝ විට ෆේක්. බොරු නම් සහ පින්තූර වලට මල් කාර් වගේම ආගමික සංකේතත් දාගෙන ඉන්නේ. ආගමික අදහසක් විවේචනය කල විට කුනුහරප කියාගෙන එන කොටස් බොහෝ විට අනන්‍යතා සඟවාගෙන ඉන්න පැවිද්දෝ ළමා කාලයේ මහණ වෙලා ලිංගික වින්දිතයන් වූ අය​. ඔවුන් තුල නිදහසේ සැරි සරන ක්‍රෝධයක් (free floating anger) තියනවා. තවත් කොටසක් ඉන්නවා පිරිමි  කාන්තා අනන්‍යතාවන් කාන්තා නම් අරගෙන ඉන්න කොටස්. බොහෝ විට ලිංගික  අනන්‍යතා අර්බුධ වලින් පෙලෙන්නෝ. මොවුන් කුනුහරප ලිවීමෙන් යම් කිසි ලිංගික තෘප්තියක් ලබා ගන්නවා.

 මම දකින විදිහට හොඳම දේ  මතභේදාත්මක දෙයක් ගැන ලියනවා නම් සහ ඒ පිලිබඳ සංවාදයක් අවශ්‍ය නම් හොඳම දේ ලිපිය ඉංග්‍රීසියෙන් ලිවීම​. එතකොට මේ කාණු සෙට් වලට ඒවා මඟ හැරෙනවා. නැතහොත් ඔවුන්ට භාෂා හැකියාව නැති නිසා කුනුහරප නොලියා Ha Ha රියැක්‍ෂන් එකක් දාලා ( අදාල ලිවීම තේරුම් ගත්තා වගේ) මාරු වෙනවා. 

කෙසේ නමුත්  සමාජ විද්‍යාඥයන්ට / මනෝ විද්‍යාඥයන්ට මේ මේ ලේයර් එක පිලිබඳව අධ්‍යනය කරන්න වටිනවා.