වැලැන්ටයින් සමරන්නට ගිය නංගියේ

වැලැන්ටයින් සමරන්නට 
ජයටම  ලස්සන මල් ගවුමක් ඇඳ  
කැසනෝවා සමග අතිනත ගෙන   
රූම් ගිය  මගේ පොඩි නංගියේ   

ආදරය වෙනුවට කාමය ආදේශ කල  
නුඹ දුන් රෝස මල එකතින් තලා 
ඈත් කරපු නුඹගේ දෙපා මැදින්  
සෙල්ලක්කාර ගමනක් ගිය කූටයා 
නැවත නොඑන නිසා ඉකි ගසන  
මගේ පොඩි නංගියේ මේ අසන්  

අම්මා මියෑදූන පසු  නාය ගිය පවුල​ 
එකට බැඳ තබන්නට මම ගත් වෙහෙස​ 
උඹ දන්නේ නැතුව ඇති නංගියේ  

තාත්තත් මතින් නිදාගෙන  
ඉස්සරහ දොරින්ම ආ බඩගින්න  
අපි ඔක්කොම යට කරගෙන   
අම්මා නැති උඹට පොඩි අම්මා වී  
මගේ වැලැන්ටයින් සිතෙන් අමතක කර  
අරුමෝසම්   දිලිසෙන ව්‍යාජ ජීවිතය ඉවතලා 
පොළවේ පය ගැටෙන  කාෂ්ඨ ජීවිතය 
දෝතින් බදාගෙන 

උඹවත් මල්ලිවත් ජීවත් කරවන්නට 
උදේ රෑ නොතකා  ඇඳුම් මසන්නට 
ජුකී සන්නාලියක වූ බව  
රට්ටුන්ට නොකියන් 
මගේ පොඩි නංගියේ