පොරෝ ජයලත්

 

නායක සහෝදරයා අරූ ද්‍රෝහියෙකු කී හෙයින් 

ද්‍රෝහියාගේ හිසට පොරෝ බන්දෙන් ගැසුවෙමි

ද්‍රෝහියාගේ හිස පසුපසට වැදුනු පහරින් 

හෙතෙම බිම වැටී මරු විකල්ලෙන් දඟලන්නට විය​

හිස් කබළ පැලී ලේ සහ මොලයේ කෑලි එළියට ආවේය 

පොරෝ බන්දේ අමු ලේ ,කෙස් සහ සුදු මස්තිෂ්ක පටක​

ඇලී තිබුනේ ද්‍රෝහියාගේ අවසන් ගමන සනිටුහන් කරමිනි 

සමාජවාදය ස්ථාපිත කරනු වස් තවත් ද්‍රෝහියෙකු සදහටම 

මෙලොවින් තුරන් කිරිම නිසා ලැබූ උද්වේගය සතුට ප්‍රමෝදය 

සන්තුෂ්ටිය දිගු කාලයක් පුරා අත් වින්දෙමි