Thursday, July 5, 2018

වෛද්‍ය සුසිත සේනාරත්න පිලිබඳව



වෛද්‍ය සුසිත සේනාරත්න විසින් සිදු කරන වංචනික ක්‍රියා පිලිබඳව ලිපියක් කළම්බු ටෙලිග්‍රාෆ් අඩවියේ පළවී තිබේ. 

සුසිත සේනාරත්න ඉගෙනුම ලැබුවේ සෝවියට් දේශයේය​. ආර්ථික දුෂ්කරතා තිබූ පවුලක උපත ලැබූ ඔහුට දුප්පත්කමේ නාරාවලෙන් ගොඩ ඒමට අත හිත දුන්නේ හිටපු තානාපතිවරයෙකු වූ වැන්ඩකර්ට් මහතාය​. වරක් මුදල් නොමැතිව ශර්මිතෝවා ගුවන් තොටුපලේ රැඳී සිටි සුසිත සේනාරත්නට එවකට ඔහු ඉගනුම ලබමින් සිටි ඔඩෙස්සා නගරය වෙත යාම සඳහා මම මඟ වියදම් දුන්නෙමි. මා මේ  දුන් දේ කියා පානවා නොවේ. සත්‍ය අතීතය පෙන්වා දෙනවා පම​ණි

ආර්ථික දුෂ්කරතා ජය ගන්නා මිනිසුන් පසුව හොරුන් බවට රූපාන්තරණය වන අන්දම මා විසින් නොයෙක් විට දැක තිබේ. ඇත්ත වශයෙන්ම එය ඛේදයකි. පහත දැක්වෙන්නේ  චින්තිකා ද සිල්වා විසින් වෛද්‍ය වෛද්‍ය සුසිත සේනාරත්න විසින් සිදු කරන අක්‍රමිකතා හෙළි කරමින් ලියන ලද ලිපියයි. 


දූෂණයේ දොවොල: දිනකට මිලියන 4ක් පාඩු ලබන ශ්‍රී ජයවර්ධනපුර මහා රෝහල

 චින්තිකා ද සිල්වා 

කළම්බු ටෙලිග්‍රාෆ් වෙත වාර්තා වන අන්දමට ශ්‍රී ජයවර්ධනපුර මහා රෝහල දිනකට මිලියන 4 ක පාඩු ලබමින් පවත්වාගෙන යනු ලබයි. මෙම රෝහලෙහි සභාපති වනුයේ රාජපක්ෂ රෙජීමයෙහි මෙන්ම වත්මන් සෞඛ්‍ය අමාත්‍යවරයාගේද කුප්‍රකට අතවැසියකු වන වෛද්‍ය අතුල කහඳලියනගේ විසිනි. කහඳලියනගේගේ සේවාධූර කාලය දේශපාලන ගැති බවින් ලබාගත් තනතුරු වලින් ගර්භිත එකකි. ඔහු විසින් එසේ ලබා ගත් සෞඛ්‍ය​ සේවා අධ්‍යක්ෂක ජෙනරාල් තනතුර වෛද්‍ය ටෙරන්ස් ගාමිණි ද සිල්වා විසින් අධිකරණයේදී අභියෝගයට ලක් වූ අතර ඔහු වංචනික ලෙස පශ්චාත් උපාධි වෛද්‍ය ආයතනයේ පශ්චාත් උපාධියක් හදාරන බව පෙන්වමින් පූර්ණ කාලීනව සේවයේ නියුතුව සිටියදී එය හෙළි වීම නිසා පශ්චාත් වෛද්‍ය උපාධි අධ්‍යනයෙන් ඉවත් කරන ලද්දෙකි. තවද ඔහු මෙම පශ්චාත් උපාධියට ලියාපදිංචි වී තිබුනේ නිල බලයෙන් එම ආයතනයේ කළමනාකාර මණ්ඩලයේද සාමාජිකයකුව සිටියදීය. නිමල් සිරිපාල සිලවා ගේ නිර්ලජ්ජී අමාත්‍ය ධූර කාලය තුලදී  සෞඛය අමාත්‍යංශ ලේකම් ධූරය තෙක් ඉහල නැගී කහඳලියනගේ නීති විරෝධී පත්වීම් ලබාගැනීම, ඒවා සුරක්ෂා කිරීම සහ දිගින් දිගට පවත්වාගෙන යාමෙහි විශේෂඥයෙකි. ශ්‍රී ජයවධනපුර මහා රෝහලෙහි 2015 මාර්තු 26 දින සිට නීතිවිරෝධී ලෙස අධ්‍යක්ෂක කාර්යාලය අත්පත් කරගෙන සිටින ඊනියා අධ්‍යක්ෂක වෛද්‍ය සුසිත සේනාරත්නගේ ඉටු දෙවියකු ලෙස කටයුතු කරනු ලබන්නේ ඉහත සඳහන් කහඳලියනගේය.

සම්පූර්ණ ලිපිය කියවීම සඳහා පහත ලින්කුව ඔබන්න 
https://www.colombotelegraph.com/index.php/chinthika-de-silva-2-july-2018/


2 comments:

  1. වැන්ඩහර්ට් හිටිය කාලේ මමත් හිටියේ සෝවියට් දේශයේ.
    ඔහොම කතාවක් අහල තිබුනේ නැහැ. සුසිත් ගියේ රෝයල් එකට කියල නම් දන්නවා. ඔතන රස්සාව ලැබෙන්න ආණ්ඩුවේ කිසියම් කොනෙක්ෂන් එකක් තිබෙන බවයි පෙනෙන්නේ.

    ReplyDelete

Appreciate your constructive and meaningful comments

Find Us On Facebook